Ɨ̀fàʼì 28:15 - Meta’

¹⁵ Ənɨ bə̂d mbe nɨ nyaʼa ben ə Kristo ə Rom nyaʼa zu ɨmbə̀ʼ əwa, mbɨ nyaʼa nɔ̀ʼ rɨ Ɨbeŋ Ɨwin Apiùs bə̀ nɔ̀ʼ rɨ ə Nəb Ni Rɨtad yeʼe kumnɨ əwa. Ənɨ Pɔ̂l nyaʼa zə mɨ̀mə̌d, wɨ̀ nyaʼa nàʼ məben-əwe əmbɨ ə Ŋwiə̀, əne fîŋ məd nyaʼa wɨrɨ kàànɨ̀.

Ikan feg

¹⁵ Anyumə̀ ne bəd mbe ne ya bḛ Kristo a Rom ya zughi gha tì we yèʼe, mbi ya nɔ̀ʼ inga iben Forùm a Apìyùs bə̀ nɔ̀ʼ inga Nəb Àwètì te Titad yèʼe kɔ̀ti awa. Anyumə̀ ne Pɔl ya bàri awɔb, wì ya nàʼ məyakà abə Ŋwiye. Ane, fìŋ məd ya ywìrì zùtì.

Ɨ̀fàʼì 28:15 교차 참조

Jn 12:13

Əne mbɨ nyaʼa nɨŋ ɨzaŋ ɨghəb jwɨ̀ wo bòm əməd. Mbɨ nyaʼə kyeŋə rɨ̀kǎ ghàə̀ ni, “Tɨ̀ yiirɨ ə Ŋwiə̀! Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum məd. Ŋwìə̀ zɨ əbɔrəbɔd ɨgun ɨfɔ̂n mɨ̀Izre!”

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 10:23

Pità nyaʼa zu əne, tɔŋ mbaŋə̀ te ni mbɨ yeʼe ni mbɨ ni. À nyaʼa əni ze nɨ beenɨ, Pità nyaʼa nɔ̀ʼ wò mbɨ mɨ̀mə̌d. Bə̂d mɔʼɔ mbe nɨ nyaʼa ben ə Kristo ə Jopà nyaʼa bə̀ wò mbɨ məd.

Ɨ̀fàʼì 10:25

Ənɨ Pità nyaʼa sɨə wo nyɨ ə nəb, Kɔneliùs nyaʼa wò bòm əməd, chìndɨ̀ ɨtu ɨnywɨ ɨfě ɨ bɔ, wumnɨ əməd.

Ɨ̀fàʼì 11:1

Bə̂d tom Kristo mbɨ ə bə̂d mbe rɨ ə Jùdeyà nɨ nyaʼa ben ə Kristo nyaʼa zu ni bə̂d mbe nɨ kaʼi mɨ̀Jû fə bə̀ ben ɨŋgam Ŋwiə̀.

Ɨ̀fàʼì 11:12

Əzwî ə Zeŋɨ ə nyaʼa ghà ɨ num ni mə wo mbɨ mɨ̀mə̌d, zɨ rɨ nyiʼnɨ ɨnyod. Mbɨ bɔŋgɔb mbɔ̂ rɨ̀fuə nyaʼa bə̀ wò mbɨ num, əne tɨ̀ nyaʼa wò nyɨ ɨŋga nəb mbaŋə̀ ze.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 21:5

Ənɨ ɨni mbe nɨ tɨ̀ nyaʼa berɨ chub əŋgu nyaʼa fə mì i, tɨ̀ nyaʼa sàŋ mɨ̀mə̌d, nɔ̀ʼ wò əwa. Bə̂d mɨjìm mbe nɨ nyaʼa ben ə Kristo mbɨ məyi mɨ̀mə̌d fɔrɨ bɔn nyaʼa nɨŋ əwa wò chà. Mbɨ nyaʼa chubɨ mbɨ na pè ənɨ tɨ̀ nyaʼa jwɨ rɨŋga əsɨ ze. Tɨ̀ nyaʼa pè əŋgo rɨ̀bàà, chìndɨ̀ ɨtu ɨnywɨ ə si kɔ̀ŋgɨ̀ ə Ŋwiə̀.

Ɨ̀fàʼì 28:14

Tɨ̀ nyaʼa pè əŋgu, zə bə̂d nɨ nyaʼa ben ə Kristo. Mbɨ nyaʼa tɔŋ əwa ni tɨ̀ chubɨ mbɨ mɨ̀mə̌d ɨni sambe. Əne yɨ ɨchî nɨ tɨ̀ nyaʼa wò pè ə Rom.

Rm 15:24

mə fə nùŋ ɨŋga mɨ ɨkɔndɨ ni mə bɨrɨ zə əwən ənɨ mɨə chèə̀ wò ə Speìn. Mə mɨ yeʼe, mə bɨrɨ chubɨ moorɨ mbɨ nən ənɨ əkɔb ə nyùmə̀, ɨmbə̀ʼ mbə wèèrɨ̀ chà əmɨ ənɨ mɨə sɨə wɨrɨə wòə̀.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

Gàlesìyà 4:14

Ka à bè yeʼi ni mɨ əwɔn yɨə nyaʼa ə̀kwàʼnɨ̀ ɨ nən, chəi mbə̀ nyaʼa təənɨ əmɨ kɨ̀ bè ton əmɨ. Àyɨə mbə nyaʼa nɨŋ əmɨ ɨghabɨ ni mɔ̌ yɨə aŋgɨrə̀ Ŋwìə̀, kɨ̀ ɨghabɨ ni mɔ̌ yɨə Kristo Yeso ziə.

1 Tèsàlonikà 3:7

Mbɨ bɔŋgɔb, ɨchî nɨ mbə̀ nuŋ fîŋ ɨgun ə Kristo ə zɨə nəərɨ əwa ənɨ tɨə zə ɨkwɨ ŋgəʼ jìm bə̀ fɔrɨ ənɨ mbɨə nwèndɨ̀ ta rɨkyerɨ-ɨwu.

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.