Ɨ̀fàʼì 27:24 - Meta’

²⁴ ghà ni, 'Tɨrə̀ bɔ e, kyɨə Pɔ̂l, ɨmbə̀ʼ ɨghəm nɨ à berɨ wo təm ɨfě Kaisà. Zə ni Ŋwìə̀ fə ghɨ̀ ɨ̀chɔ̀m ənɨ ə ne. Wɨ̀ fə ghɨ̀ ni bə̂d mɨjìm mbe nɨə yènə̀ mbɨ ne tən əwən.'

Ikan feg

²⁴ ghà inum gha, ‹Pɔl, imbə̀ʼ àghò bɔ awe imbə̀ʼ icheg ne àghò bèrì ni ghò təm imbìghè abə Kayisà. Nḛ! Ŋwiye fə ghì ìchɔ̀mì ine. Ane, wì fə bə̀ ghì gha bəd məjìm mbe ne yḛ̀ tì ine mbe tḛ̀.›

Ɨ̀fàʼì 27:24 교차 참조

Matìyò 10:18

Mbɨ bɨrɨ suŋ əwən wò ɨfě mɨ̀gɔmnà bə̀ fɔrɨ ɨfě mɨfɔ̀n dè əmɨ. Əze ə bɨrɨ ghɨ̀ ni mbə̀ berɨ əpan nɨ ghà ɨkə̂n chɔ̀m əmbɨ mɨ̀mə̌d bə̀ fɔrɨ əmbɨ ə bə̂d mbe nɨ kaʼi mɨ̀Jû.

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Jn 11:9

Yeso nyaʼa wììrɨ̀ ni, “Ɨmbə̀ʼ mɨ̀awà wum chɔ̀b rɨ̀be mbɨ ɨŋga əni ə mɔʼ ə? À mɨ yeʼ nɨ wə̀d ə yèn əziə, chəi ənɨ tɨ̀ wɨ̀ te əwu ənɨ əghɨ ə mɔʼɔ, ɨmbə̀ʼ ɨghəm nɨ ɨ wɨə zə ɨzeŋɨ zeŋɨ we nɨə te ɨŋga ɨsɨg.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 25:11

Əne mə mɨ fə ghɨ̀ ɨnû rɨbɔ̀ŋ, kɨ̀ mə fə gù ənû ə mɔʼɔ nɨ tɨ̀ mbɨ zwiirɨ əmɨ, chəi mə̀ ton nɨ kwɨ. Àyɨə ɨchî nɨ chəi rəsìʼ ɨŋga ɨnû mbɔ̂ nɨ mbɨ zɨ ɨgwɨ num, chəi wə̀d mɔʼɔ nɨ tɨ̀ wɨ̀ nàʼ əmɨ əmbɨ mɨ̀mə̌d. Mə kə̀b ni Kaisà saʼ ɨsaʼi wɔ̂.”

Ɨ̀fàʼì 27:31

Pɔ̂l nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ bə̀ ghà əmbɨ mɨ̀sɔgyɨ̀ mbe ni, “Mbaŋə̀ tɔ̂ mɨ ton chub ə ɨŋga əbaŋ zɔ̂, chəi ənɨ tɨ̀ mbə jwɨ̀ rəŋgəʼ.”

Ɨ̀fàʼì 27:37

Mba mɨjìm mbe nɨ nyaʼa ɨŋga əbaŋ ze nyaʼa ɨghabɨ əkɨ ə be mbɨ ɨwum sambe chɔ̀b rɨ̀fuə.

Ɨ̀fàʼì 27:42

Mɨ̀sɔgyɨ̀ mbe nyaʼa taŋ ni mbə bɨrɨ zwiirɨ bə̂d ndəŋ mbe mɨjìm, ɨmbə̀ʼ tɨ wɨ mɔʼɔ zɔʼ i rɨ̀bàà we norə.

Ɨ̀fàʼì 27:44

Wɨ̀ nyaʼa sɨ ghà əmbɨ ə̀bùʼ ə bə̂d ni mbɨ beenɨ ɨgun mɨplaŋ fɔrɨ ɨgun tɨkə rɨ ɨghɨ te nɨ nyaʼa sandɨ rɨ ənɨ əbaŋ ze. Wɔ̂ yɨ ɨnə̂njɨ̀ nɨ mbà mɨjìm nyaʼa jwɨ əsaŋ nɨ chəi mbaŋə̀ mɔʼɔ nyɨ ə ŋgəʼ.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Filemɔ̀n 1:22

Ənû ə cherə yɨ ni, tekɨ ətu ə nəb ə bə̂d rɨ̀sɔ̀ʼɔ̀ ɨ num, ɨmbə̀ʼ ɨghəm nɨ mə wɨə wòmə̀ ni ənjìm ə̀kɔ̀ŋgɨ̀ ze nɨ mbə̀ə kɔ̀ŋgɨ̀ə̀, Ŋwiə̀ we tɨ wɨ̀ wɨrɨ nàʼ əmɨ ɨ nən.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.