Ɨ̀fàʼì 27:22 - Meta’

²² Àyɨə tɨ̀nîn mə ghà ɨ nən ni mbə̀ yim fîŋ. Chəi wə̀d mɔʼ rəbɔʼ nən bɨrɨ kwɨ, àmei əbaŋ zɔ̂ ə bɨrɨ nim,

Ikan feg

²² Si ya gha, tèchɔ̀ŋ, mə̀ ya anìŋ ghà inən gha, mbə̀ nyimbi fìŋ. Chəyi wə̀d mɔ̀ʼɔ abɔ̀ʼ inən biri ku. À ya məyi abaŋ igyi azo̰ biri nim.

Ɨ̀fàʼì 27:22 교차 참조

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 27:25

Əne mbə̀ yim fîŋ, kyɨ məmbe. Mə wɨə nùŋ mɨ fîŋ ɨgun ə Ŋwiə̀ ni ɨnû mbe bɨrɨ ghɨ̀ àmei ɨchî nɨ wɨ̀ gha ɨ num.

Ɨ̀fàʼì 27:31

Pɔ̂l nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ bə̀ ghà əmbɨ mɨ̀sɔgyɨ̀ mbe ni, “Mbaŋə̀ tɔ̂ mɨ ton chub ə ɨŋga əbaŋ zɔ̂, chəi ənɨ tɨ̀ mbə jwɨ̀ rəŋgəʼ.”

Ɨ̀fàʼì 27:34

Əne mə wɨə buʼ ɨbɔ ɨ nən ni mbə̀ jɨg əghɨ ə mɔʼɔ. Tɨjɨg te bɨrɨ naʼ ɨka ɨ nən, ɨmbə̀ʼ ɨghəm nɨ chəi nyôŋ ətu mɔʼ bɨrɨ nim rɨ ɨgwɨ ətu ə wə̀d mɔʼɔ rəbɔʼ nən.”

Ɨ̀fàʼì 27:36

Mbaŋə̀ te rɨjìm nyaʼa zə əne yim fîŋ bə̀ jɨg əghɨ ə mɔʼɔ.

Ɨ̀fàʼì 27:44

Wɨ̀ nyaʼa sɨ ghà əmbɨ ə̀bùʼ ə bə̂d ni mbɨ beenɨ ɨgun mɨplaŋ fɔrɨ ɨgun tɨkə rɨ ɨghɨ te nɨ nyaʼa sandɨ rɨ ənɨ əbaŋ ze. Wɔ̂ yɨ ɨnə̂njɨ̀ nɨ mbà mɨjìm nyaʼa jwɨ əsaŋ nɨ chəi mbaŋə̀ mɔʼɔ nyɨ ə ŋgəʼ.