Ɨ̀fàʼì 26:22 - Meta’

²² Ɨ pè rəchɔ̀ŋ, Ŋwìə̀ fə wèèrɨ̀ əmɨ. Əne mə təm əgha ɨ gha ɨmbə̀ʼ ə Kristo əmbɨ ə bə̂d mɨjìm, əne yɨ əmbɨ mbɨ kwa bə̀ fɔrɨ əmbɨ mbɨ kyeŋ. Mə wɨə ghà àmei ɨnû mbe nɨ bə̂d ɨ̀kə̀n Ŋwiə̀ mbɨ Mose nyaʼa gha ni mbɨ bɨrɨ nɨ ghɨ̀.

Ikan feg

²² Nɔ̀ʼ pè tèchɔ̀ŋ, à ya Ŋwiye we wètè amə. Ane, mə təm aŋa ni ghà inug imbə̀ʼ Kristo abə bəd məjìm, kə̀ àkə bəd kwa kwa, kə̀ bəd kyen. Mə ya ghà kwàʼ inug mbe ne bədkə̀n Ŋwiye tì Muse ya bə̀ ghà gha mbi biri dù.

Ɨ̀fàʼì 26:22 교차 참조

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Lk 16:28

ɨmbə̀ʼ ɨghəm nɨ mə berɨ bɔŋgɔb mɨ̀tân. Wɨ̀ wo patɨ mɨ̀mə̌d, njɨ mbɨ bɨrɨ bɨ yeʼe ɨŋga əsɨ ə ŋgəʼ zɔ̂.'

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Lk 24:46

Wɨ̀ nyaʼa ghà əmbɨ mɨ̀mə̌d ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, Wə̀d we nɨ Ŋwìə̀ zɔʼɔ berɨ zə ŋgəʼ, àyɨə ənɨ ɨni nɨə pe tad, wɨ̀ wɨrɨ zwemə,

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Jn 5:46

Mbə̀ mɨ nyaʼa ben ə Mose, njɨ mbə bɨrɨ bɨ ben əmɨ, ɨmbə̀ʼ ɨghəm nɨ Mose nyaʼa ŋwàʼnɨ̀ ɨmbə̀ʼ əmɨ.

Ɨ̀fàʼì 10:43

Bə̂d ɨkə̂n Ŋwiə̀ mɨjìm mbɨə nyaʼə ghà ɨnû ɨmbə̀ʼ əməd ni Ŋwìə̀ bɨrɨ chè ənjìm məd, waʼ ɨnû rɨbɔ̀ŋ wə̀d jìm we nɨ nuŋ fîŋ ɨgwɨ məd.”

Ɨ̀fàʼì 13:29

Ənɨ mbɨ nyaʼa ghɨ ni ɨnû jìm mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ɨmbə̀ʼ əməd jwɨ ənɨ rəsìʼ, mbɨ nyaʼa swi əməd rɨ əzed ə baʼnɨ, wò boŋ ɨŋga ɨ̀sì.

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 26:17

Mə bɨrɨ chɨ əwe rɨŋga rɨkyerɨ-ɨbɔ mbe bə̂d bə̀ chɨ̀ rɨŋga rɨkyerɨ-ɨbɔ bə̂d mbe nɨ kaʼi mɨ̀Jû, nɨ yeʼ bə̂d mbe nɨ mɨə tom əwe əsɨ mɨ̀mə̌d

Ɨ̀fàʼì 26:6

Mə təm əgha rɨ̀nîn ni mbɨ saʼ əmɨ ɨmbə̀ʼ ɨghəm nɨ mə̀ nuŋ ɨkɔndɨ wòm ənû ze nɨ Ŋwiə̀ nyaʼa kaʼ əmbɨ mba mɨ̀mbǎʼ rəŋwe.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Rm 3:21

Tɨ̀nîn, Ŋwìə̀ fə chwi ɨchî nɨ tɨ̀ bə̂d təm kùʼnɨ̀ ɨfě məd. Chəi ənû nɨ təm kùʼnɨ̀ ɨfě məd berɨ ənû nɨ ghɨ mbɨ rɨkə, ka à be yeʼi ni tɨkə rɨ Mose mbɨ ə bə̂d ɨ̀kə̀n Ŋwiə̀ nyaʼa fə ghà əne.

1 Kɔrèn 15:3

Ənû ə kyeŋ rɨtu ze nɨ mbɨ nyaʼa gha ɨ num, mə̀ nyaʼa bə̀ ghà ɨ nən. Ənû ze yɨ ni Kristo nyaʼa kwɨ ɨmbə̀ʼ mba ɨnû rɨbɔ̀ŋ, ɨchî nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

1 Kɔrèn 15:4

Mbɨ nyaʼa tweŋ əməd, əne Ŋwìə̀ nyaʼa zwemnɨ əməd ənɨ ɨni nyaʼa che ɨtad, ɨchî nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

Ɨnû 11:18

Bə̂d nɨ kaʼi mɨ̀Jû nyaʼa sə ɨtəm kwàʼ rɨŋgəʼ, àyɨə nyùmə̀ we nɨ àwɔ̀ bɨrɨ chə mɨ̀mə̌d fə yeʼe. Nyùmə̀ fə kùʼi nɨ à bɨrɨ saʼ ɨvɨ bə̂d, nɨ à bɨrɨ naʼ ɨchɔʼ ə̀fàʼì əmbɨ mbe bə̂d ə̀fàʼì, əmbɨ mbe bə̂d ɨ̀kə̀n, əmbɨ mbe bə̂d fɔrɨ əmbɨ ə bə̂d mɨ̀jìm mbe nɨə wumnɨ əwe, əne yɨ mbɨ kwa mbɨ mbɨ kyeŋ. Nyùmə̀ fə kùʼi nɨ à bɨrɨ nimnɨ bə̂d mbe nɨə chə̀kɨ̀ ə si.”

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.