Ɨ̀fàʼì 26:16 - Meta’

¹⁶ Nɔʼɔ təm, mə fə jwɨ̀ ənɨ e ɨfě, ɨmbə̀ʼ chɔʼ əwe ni à faʼ ɨ num, ghà ɨnû mbe nɨ à zə ɨmbə̀ʼ əmɨ bə̀ ghà mbe nɨ mə̀ bɨrɨ chwi ɨ ne.

Ikan feg

¹⁶ Nɔ̀ʼɔ təm titighe. Mə fə dù ìmə ìfe ine, ni chɔʼ awe gha àghò yaʼ ìmə wə̀d àfàʼì. Àghò biri se chètè inug mbe ne àghò bàri imbə̀ʼ amə bə̀ chètè inug mbe ne mə̀ biri chwi ine.

Ɨ̀fàʼì 26:16 교차 참조

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Ɨ̀fàʼì 1:17

Judàs yɨə nyaʼə wɨ mɔʼɔ rəbɔʼ na. Yeso nyaʼa chɔʼ əməd ni wɨ̀ faʼ ə̀fàʼì zɔ̂ nɨ tɨə fàʼə̀.

Ɨ̀fàʼì 1:25

ni wɨ̀ faʼ ə̀fàʼì zɔ̂ ɨghabɨ ə wə̀d tom, ɨchî nɨ Judàs nyaʼa saŋ ə̀fàʼì rəŋgu wò ənɨ əzi rɨmbin.”

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:19

Pɔ̂l nyaʼa chàʼrɨ̀ mɨ̀mə̌d, əne ghà ɨnû jìm mbe nɨ Ŋwìə̀ nyaʼa chè ənjìm ə̀fàʼì əməd ghɨ̀ əkaʼ bə̂d mbe nɨ kaʼi mɨ̀Jû.

Ɨ̀fàʼì 22:10

Mə nyaʼa biirɨ ni, 'Mə ghɨ ye Ə̀nùŋɨ̀sɨg ə?' Ə̀nùŋɨ̀sɨg nyaʼa ghà ɨ num ni, 'Nɔʼ rətiə, wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ Ŋwiə̀ chɔʼ əwe ni à faʼ ɨ bɔ.'

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 26:15

Mə nyaʼa biirɨ ni, 'Àwɔ̀ kɨə we, Ə̀nùŋɨ̀sɨg ə?' Ə̀nùŋɨ̀sɨg nyaʼa ghà ni, 'Mɔ̌ yɨə Yeso we nɨ àwɔ̀ ə nwèndɨ̀ tɨkyerɨ-ɨwu məd.

Ɨ̀fàʼì 6:4

Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

2 Kɔrèn 5:18

Ɨnû mbɔ̂ jìm yɨ rɨ əmbɨ ə Ŋwiə̀. Wɨ̀ nyaʼa chè ənjìm ə Kristo màànɨ̀ taŋ mbɨ na. Wɨ̀ fə nàʼ ə̀fàʼì ze nɨ maanɨ taŋ ɨ na ni tɨ̀ sɨə fàʼə̀.

Gàlesìyà 1:12

Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 3:3

Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 1:25

Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

Kòlosè 1:7

Mbə nyaʼa zu ənû ɨmbə̀ʼ ɨ̀chɔ̀m Ŋwiə̀ rɨ əmbɨ Epafràs nɨ yeʼ wa aŋgɔb nɨ tɨ̀ ghaʼi kwàʼ rɨŋgəʼ, nɨ tɨə bə̀ fàʼ ɨnɔ̂n mbɨ məd. Məd wɨə fàʼ əmbɨ Kristo ənɨ i fîŋ jìm ənɨ əza rɨmbin.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.