Ɨ̀fàʼì 25:5 - Meta’

⁵ Wɨ̀ nyaʼa wò ɨmbì ghà ni, “Mbə̀ saŋ bə̂d kyeŋ mɔʼɔ rəbɔʼ mbe nɨə tekɨ ɨnû ɨŋga əbeŋ mɨ̀Jû swiʼi wò mbɨ num. Wɨ̀ mɨ gù ənû ə mɔʼɔ, mbɨ sɨ zɨ̀ ɨsaʼi ɨgwɨ məd.”

Ikan feg

⁵ Mbə̀ cha ìmbən itog bəd aben mɔ̀ʼɔ mbe swiʼi ghò angu tì inum. Wì mə gùg anug mɔ̀ʼɔ, mbi si saʼ aməd.”

Ɨ̀fàʼì 25:5 교차 참조

Ɨ̀fàʼì 18:14

Ənɨ Pɔ̂l nyaʼə nɨrə ghàmə̀, Galiò nyaʼa ghà əmbɨ mɨ̀Jû mbe ni, “Mɨ̀Jû, mbə̀ zwetɨ! À mɨ yeʼ ni mbə̀ kə̀ʼ zɨ ɨsaʼi ɨgwɨ ə mbaŋə̀ zɔ̂ ni wɨə gù ənû ə mɔʼɔ, kɨ̀ ni wɨə ghɨ ənû rɨbɔ̀ŋ ə kyeŋ ə mɔʼɔ, njɨ mə berɨ əton nɨ zwetɨ ənû ze nɨ mbə̀ə ghàə̀.

Ɨ̀fàʼì 23:30

Ənɨ mbɨ nyaʼa gha ɨ num ni mbɨ fə taŋ mɨnaŋ ni mbɨ bɨrɨ zwiirɨ əməd, mə nyaʼa chà əməd ɨ ne əwu əwən. Mə fə bə̀ ghà əmbɨ ə bə̂d mbe nɨ zɨ̀ ɨsaʼi ɨgwɨ məd ni mbɨ yeʼe ghà ənû ze nɨ mbɨ berɨ mbɨ məd ɨ ne.”

Ɨ̀fàʼì 24:8

Wɨ̀ nyaʼa ghà ni mbaŋə̀ te nɨ zɨ ɨsaʼi ɨgwɨ məd yeʼe ənɨ e ɨfě.] À mɨ nwèndɨ̀ əməd àwɔ̀ àwɔ̀, à bɨrɨ kwembɨ ɨnû rɨ bɔ ɨmbə̀ʼ ɨnû jìm mbe nɨ tɨ̀ zɨ ɨgwɨ məd.”

Ɨ̀fàʼì 25:16

Mə nyaʼa wììrɨ̀ əmbɨ mɨ̀mə̌d ni kaʼi ɨchî əbeŋ məRom nɨ yim wə̀d nàʼ əmbɨ ə bə̂d mbe nɨ zɨ ɨsaʼi ɨgwɨ məd, bɔŋ wɨ̀ sɨə bòmnɨ̀ə̀ mbɨ mɨ̀mə̌d. Mbɨ berɨ nàʼ əpan ɨ bɔ ni wɨ̀ chɨ ɨnû rɨ ɨgwɨ ni.

Ɨ̀fàʼì 25:25

Mə nyaʼa zə ni chəi wɨ̀ ghɨ ənû ə mɔʼɔ nɨ tɨ̀ mbɨ zwiirɨ əməd, àyɨə ɨchî nɨ məd ziə gha ni Kaisà saʼ ɨsaʼi we, mə nyaʼa ben ni mə bɨrɨ cha əməd ə Rom.

Ɨ̀fàʼì 25:4

Festùs nyaʼa wììrɨ̀ ni Pɔ̂l wɨ ə nəb ndəŋ ə Kàisàriyà fɔrɨ ni əmad ze, məd ziə bɨrɨ wo əŋgu.

Ɨ̀fàʼì 25:6

Ənɨ wɨ̀ nyaʼa fə chubɨ mbɨ mɨ̀mə̌d ɨni famɨ kɨ̀ ɨni wum, wɨ̀ nyaʼa swiʼi wò ə Kàisàriyà. À nyaʼa əni ze nɨ beenɨ, wɨ̀ nyaʼa wò chub ɨŋga nəb ɨsaʼi, ghà ni mbɨ nɨŋ ə Pɔ̂l yeʼe mbɨ məd.