Ɨ̀fàʼì 25:23 - Meta’

²³ À nyaʼa əni ze nɨ beenɨ, Agripà mbɨ Benis nyaʼa yèn ɨghabɨ mɨfɔ̀n wò nyɨ ɨŋga ɨ̀chàm. Wɨ̀ nyaʼa wò nyɨ mbɨ ɨtu kyeŋ ɨgwɨ mɨ̀sɔgyɨ̀ fɔrɨ mbɨ ə bə̂d kyeŋ kyeŋ rɨŋga ɨsɨ ze. Ənɨ mbɨ nyaʼa nyɨ əne, Festùs nyaʼa ghà ni mbɨ nɨŋ ə Pɔ̂l yeʼe mbɨ məd.

Ikan feg

²³ Àsi isu abɔ̀ʼ, ifɔn Agripà tì Bènis ya yèn inga ìwɔb kə̀tə̀d ifɔn ghò nyi inga ichamì. Wì ya ghò nyi tì itog bəd kyen igun mə̀sogyì fɔrɔ itog bəd kyen kyen inga ikye aben we. Anyumə̀ ne mbi ya nyi ane, Gɔbnà Festùs ya ghà gha mbe niŋ Pɔl yèʼe.

Ɨ̀fàʼì 25:23 교차 참조

Mk 6:21

Əpan ə nyaʼa jwɨ̀ əmbɨ Hèrɔdiàs əni ze nɨ ə Herɔ̀d nyaʼa kaʼ i əni əgywɨ, əne tɔŋ mbi mɨ̀kǔm fɔ̀n, tɔŋ ɨtu kyeŋ ɨgwɨ mɨ̀sɔgyɨ̀ bə̀ tɔŋ bə̂d kyeŋ mbe nɨ nyaʼa ə Galiliî.

Ɨ̀fàʼì 12:21

À nyaʼa ɨgwɨ əni ze nɨ mbɨ nyaʼa nuŋɨ, Herɔ̀d nyaʼa zɨ̀ ti ngywɨ̌ rɨfɔ̀n wò chub ɨgun e ətən ɨfɔ̀n, ghàm əmbɨ ə bə̂d mbe.

Ɨ̀fàʼì 25:13

Ənɨ ɨni mɔʼɔ nyaʼa chě, ɨfɔ̂n Agripà mbɨ Benis nyaʼa wo chaʼrɨ ə Festùs ə Kàisàriyà.

Ɨ̀fàʼì 26:30

Ənɨ wɨ̀ nyaʼa gha əne, ɨfɔ̂n, gɔmnà, Benis mbɨ ə bə̂d mɨjìm mbe nɨ nyaʼa chubɨ mbɨ mɨ̀mə̌d nyaʼa nɔ̀ʼ rətiə.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

1 Kɔrèn 7:31

mbe nɨə fàʼə̀ mbɨ ɨghɨ rɨŋga ɨsɨg bə̀ chub ɨghabɨ ni chəi mbɨ berɨ ənû nɨ ghɨ̀ mbɨ mbɨwən, ɨmbə̀ʼ ɨghəm nɨ ɨsɨg wɔ̂ nɨ yeʼ rɨ̀nîn wɨə che i che.

Jems 1:11

Nyùmə̀ wɨə teə mbɨ əzuʼ ə ka ka. Əzuʼ ze ə zɨə ghɨ̀ ni ɨghɨ nəŋə. Ɨghɨ mbe nɨə nəŋə, tɨ̀kwě feŋgɨ. Tɨ̀kwě te nɨ nyaʼa kaŋ bɔ̀ŋ fə wɨrɨ bèŋ bə i. À yɨə bə̀ əndəŋ əndəŋ ni wə̀d mbɔ̂n bɨrɨ nim ɨchî nɨ wɨə beenɨ əbɔʼ mbi ɨnû.

1 Pità 1:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mɨjìm yɨ ɨghabɨ ɨfu, ɨwumnɨ mɨ̀mə̌d yɨ ɨghabɨ wɨ rɨ̀kwě. Ɨfu wɨə kwɨə, rɨ̀kwě nə̀ŋə̀ feŋgɨə,

1 Jɔn 2:16

ɨmbə̀ʼ ɨghəm nɨ kaʼ ɨghɨjìm mbe nɨ yeʼ ɨŋga ɨsɨg, əne yɨ ɨghɨ mbe nɨ nyamnyod ə feenɨə, mbe nɨ əghə ə nèŋə̀ feenɨə mbɨ mbe nɨ bə̂d ə nɔ̀ ɨnyod ɨmbə̀ʼ mbɨwən, yɨ i rɨ əmbɨ ə Mbǎʼ. Mbɨ yɨ rɨŋga ɨsɨg.