Ɨ̀fàʼì 24:25 - Meta’

²⁵ Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Ikan feg

²⁵ Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Ɨ̀fàʼì 24:25 교차 참조

Matìyò 22:5

Bə̂d mbe nyaʼa zu ənû ze, àyɨə chəi mbɨ nyaʼa tɔŋ ənɨ ənù. Mbɨ nyaʼa jwɨ̀ ə. Mbɨ mɔʼɔ nyaʼa wò əwən ə mbeŋ, mbɨ cherə nyaʼa wò əwən ənɨ mbə əsɨ ɨwin.

Jn 16:8

Ənɨ wɨ̀ yeʼe, wɨ̀ bɨrɨ ghɨ ni bə̂d mbe rɨŋga ɨsɨg kyerɨ ni tɨkɔndɨ tɨ mɨ̀mə̌d ɨmbə̀ʼ ɨnû rɨbɔ̀ŋ, ɨmbə̀ʼ ənû nɨ ghɨ ɨnû nɨ kuʼnɨ fɔrɨ ɨmbə̀ʼ ɨchî nɨ Ŋwìə̀ bɨrɨ saʼ ɨsɨg rɨka kuʼi.

Ɨ̀fàʼì 10:42

Wɨ̀ nyaʼa gha ɨ na ni tɨ̀ gha ɨŋgam Ŋwiə̀ əmbɨ ə bə̂d. Wɨ̀ nyaʼa bə̀ ghɨ̀ ni bə̂d kyerɨ ni məd yɨə wə̀d we nɨ Ŋwìə̀ chɔʼɔ nùŋ ni wɨ̀ saʼ bə̂d mbe nɨ yeʼ ɨkǎ mbɨ mbe nɨ fə kwɨ.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 17:2

Pɔ̂l nyaʼa wò nyɨ ɨŋga nəb ə̀kàtɨ̀ ze, ɨchî nɨ wɨ̀ nyaʼə mɨ̀ə̀ ghɨ̀ə̀. Ɨ wɨə nyaʼə tàŋ ɨŋgam Ŋwiə̀ ɨni ɨkwɨ tad mbɨ mɨ̀Jû mbe nɨ nyaʼa əŋgu.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Ɨ̀fàʼì 24:15

Mə wɨə nùŋ ɨkɔndɨ wòmə̀ wə̀d we nɨ Ŋwiə̀ nyaʼa kaʼi, ɨchî nɨ mɨ̀mə̌d ə bə̀ wòmə̀. Ɨkɔndɨ we yɨ ni bə̂d mbe nɨ ɨnû mɨ̀mə̌d kuʼnɨ mbɨ mbe nɨ chəi ɨnû mɨ̀mə̌d kùʼnɨ̀ bɨrɨ zwemə.

Ɨ̀fàʼì 24:26

Ɨ wɨə nyaʼə bə̀ kɔndɨə ni Pɔ̂l bɨrɨ naʼ ɨkab ɨ ni. Əze ə nyaʼa ghɨ̀ ni wɨ̀ kɨə chàə̀ bə̂d ni mbɨ tɔŋ ə Pɔ̂l ni wɨ̀ yeʼe mbə̀ ghambə.

Ɨ̀fàʼì 26:28

Agripà nyaʼa biirɨ əmbɨ Pɔ̂l ni, “À kɔndɨ ni à we tɨ̀ à nɨŋ àmei ɨkə nyumə̀ bèŋ əmɨ ənɨ wə̀d Kristo ə?”

Ɨ̀fàʼì 9:6

Àyɨə nɔʼ wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ à berɨ ghɨ̀.”

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

Rm 14:12

Əne wə̀d mɔʼ mɔʼ rəbɔʼ na bɨrɨ gha ɨnû mbe nɨ wɨ̀ ghɨ̌ əmbɨ ə Ŋwiə̀.”

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Kɔrèn 5:10

Mba mɨjìm berɨ təm ɨfě Kristo ni wɨ̀ saʼ əwa, ɨmbə̀ʼ wə̀d mɔʼ mɔʼ nɨŋ əghɨ ze nɨ kuʼ ɨ bɔ. Wɨ̀ bɨrɨ nɨŋ ɨ̀chɔ̀m kɨ̀ wɨ̀ nɨŋ ɨbə beenɨ əbɔʼ ɨchî nɨ wɨ̀ nyaʼa faʼ ənɨ wɨ̀ nyaʼa kɨrɨ ɨŋga nyamnyod.

2 Kɔrèn 6:2

Ŋwìə̀ ə ghà ni, “Ənɨ nyùmə̀ nyaʼa kuʼ ənɨ mɨə ghɨ̀ ɨ̀chɔ̀m, mə nyaʼa zu ənû ze nɨ à nyaʼa ghǎ; mə nyaʼa weerɨ əwe əni ze nɨ mə nyaʼə chɨ̀ə̀ bə̂d rəŋgəʼ.” Mə ghà ɨ nən ni tɨ̀nîn yɨə nyùmə̀ we nɨ Ŋwìə̀ ə ghɨ̀ ɨ̀chɔ̀m, tɨ̀nîn yɨə nyùmə̀ we nɨ Ŋwìə̀ ə chɨ̀ə̀ bə̂d rəŋgəʼ!

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Gàlesìyà 5:23

ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

Tayitùs 1:8

Wɨ̀ berɨ yeʼ wə̀d nɨə nɨŋə bə̂d əkwɨ ni. Wɨ̀ berɨ yeʼ wə̀d nɨə ghaʼə nɨ ghɨ̀ ɨ̀chɔ̀m. Wɨ̀ berɨ yeʼ wə̀d nɨə ghɨ̀ ɨnû mbɨ ɨwe. Wɨ̀ berɨ yeʼ wə̀d nɨ təm kùʼnɨ̀ ɨfě Ŋwiə̀. Wɨ̀ berɨ yeʼ wə̀d nɨ chub ɨzeŋɨ zeŋɨ bə̀ yeʼ wə̀d nɨə yimbɨ ɨnyod.

Mə̀Hibrù 12:21

Ɨghɨ mbe nɨ mbɨ nyaʼa zə̌ nyaʼa ghɨ̀ ni ɨfeŋ yim mɨ̀mə̌d. Mbɨ nyaʼa ghɨ̀ Mose ghà ni, “Mə wɨə bindɨə bə̀ bɔə.”

Mə̀Hibrù 3:13

Àyɨə mbə̀ kəərɨ əwən mbənə mbənə ɨni jìm, ɨchî nɨ mbɨə kɨrɨ tɔŋə əni ze ni, “Tə̀chɔ̀ŋ.” Mbə ghɨ əne ɨmbə̀ʼ tɨ ənû rɨbɔ̀ŋ ə mɔʼɔ ə tambɨ i əwən, əne ghɨ̀ tə fîŋ tu.

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Mə̀Hibrù 6:2

Tɨ rɨ wɨrɨ gha a ɨmbə̀ʼ ənû nɨ nɨŋ mɨnib, ɨmbə̀ʼ ənû nɨ zab ɨbɔ ɨgwɨ ə bə̂d, ɨmbə̀ʼ ənû nɨ bə̂d bɨrɨ zwemə fɔrɨ ɨmbə̀ʼ ənû nɨ Ŋwìə̀ bɨrɨ sob mɨsaʼi koŋ.

Mə̀Hibrù 9:27

Ɨchî nɨ Ŋwìə̀ nyaʼa fə nuŋ ni wə̀d ə berɨ kwɨ ɨghəm we mɔʼ, à sɨ əwu rənjìm wɨ̀ saʼ əməd,

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.

1 Jɔn 3:10

Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

1 Jɔn 3:7

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ ben ə ni wə̀d mɔʼɔ tambɨ əwən. Wə̀d we nɨə ghɨ̀ ɨnû nɨ kuʼnɨ ə təm kùʼnɨ̀ ɨchî nɨ Kristo bə təm kùʼnɨ̀.