Ɨ̀fàʼì 24:14 - Meta’

¹⁴ Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ikan feg

¹⁴ Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 24:14 교차 참조

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Matìyò 22:40

Tɨkə rɨjìm mbɨ ɨnû jìm mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ yɨ rɨ ənɨ tɨkə tɔ̂ rɨ̀be.”

Matìyò 7:12

“Əne ənû ze nɨ mbə̀ kəbɨ ni bə̂d cherə ghɨ ənɨ ə nən, mbə̀ bə̀ ghɨ ənɨ mɨ̀mə̌d. Mbɔ̂ yɨ ənû mbe nɨ yeʼ ɨŋga tɨkə rɨ Mose bə̀ fɔrɨ ɨŋga tɨkə te nɨ bə̂d ɨ̀kə̀n Ŋwiə̀ nyaʼə chwiə.

Lk 1:70

Wɨ̀ nyaʼa fə kàʼ rəŋwe ənjìm mbi bə̂d ɨ̀kə̀n zeŋɨ

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 16:29

Àyɨə Abràham nyaʼa ghà ni, 'Mose mbɨ ə bə̂d ɨ̀kə̀n Ŋwiə̀ cherə mbɨ əŋgu. Mbɨ zu ɨnû mbe nɨ mbɨə ghàə̀.'

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Ɨ̀fàʼì 10:43

Bə̂d ɨkə̂n Ŋwiə̀ mɨjìm mbɨə nyaʼə ghà ɨnû ɨmbə̀ʼ əməd ni Ŋwìə̀ bɨrɨ chè ənjìm məd, waʼ ɨnû rɨbɔ̀ŋ wə̀d jìm we nɨ nuŋ fîŋ ɨgwɨ məd.”

Ɨ̀fàʼì 13:15

Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

Ɨ̀fàʼì 19:23

À nyaʼa ənɨ ə nyùmə̀ we, əchɔb ə ka ka ə nyaʼa jwɨ̀ ə Efesùs ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə.

Ɨ̀fàʼì 19:9

Àyɨə mbɨ mɔʼɔ nyaʼa koorɨ mbə ɨ̀tǒŋ. Chəi mbɨ nyaʼa ben ənû ze nɨ Pɔ̂l nyaʼə ghàə̀. Mbɨ nyaʼa kɔ ghà ɨnû rɨbɔ̀ŋ ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Əne Pɔ̂l nyaʼa jwɨ̀ i rəkaʼ mɨ̀mə̌d. Wɨ̀ nyaʼa nɨŋ bə̂d mbe nɨ nyaʼa ben ə Kristo mbɨ ni, mbɨ kɔ taŋ ɨni jìm ɨŋga ɨ̀chàm we nɨ Tìranùs nyaʼə chwi ɨnû ɨŋga.

Ɨ̀fàʼì 22:14

Wɨ̀ nyaʼa ghà ni, 'Ŋwìə̀ mba mɨ̀mbǎʼ rəŋwe fə chɔʼ əwe ni à kyerɨ ɨnû mbe nɨ wɨ̀ kə̀bɨ, ni à zə Wə̀d məd we nɨə ghɨ̀ ɨnû nɨ kùʼnɨ̀ mbɨ ni à zu ɨŋgam rɨ ɨchû məd,

Ɨ̀fàʼì 24:22

Felìz nɨ nyaʼa jeŋgɨ kyerɨ Ɨnə̂njɨ̀ we nɨ Yeso nyaʼa chwiə, nyaʼa chà ɨsaʼi we ɨmbì, ghàə̀ ni, “Ənɨ Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ swiʼi yeʼe, mə bɨrɨ sob ɨsaʼi wɔ̂.”

Ɨ̀fàʼì 24:5

Tɨ̀ fə zə ni mbaŋə̀ zɔ̂ yɨə wə̀d nɨə kə̀b ɨsaʼi. Ɨ wɨə bə̀ bù əchɔb əkaʼ mɨ̀Jû mɨ̀jìm ɨŋga ɨsɨg. Məd yɨ ətu ɨgwɨ ɨfɔtɨ we nɨ mbɨə tɔŋ ənɨ ɨfɔtɨ Nazarîn.

Ɨ̀fàʼì 25:8

Ɨ chɨ ənû rɨ ɨgwɨ ni, Pɔ̂l nyaʼa ghà ni, “Chəi mə̀ kweʼ ghà ənû rɨbɔ̀ŋ dè rɨkə mɨ̀Jû, dè mbàn Ŋwìə̀ kɨ̀ dè ə Kaisà.”

Ɨ̀fàʼì 26:22

Ɨ pè rəchɔ̀ŋ, Ŋwìə̀ fə wèèrɨ̀ əmɨ. Əne mə təm əgha ɨ gha ɨmbə̀ʼ ə Kristo əmbɨ ə bə̂d mɨjìm, əne yɨ əmbɨ mbɨ kwa bə̀ fɔrɨ əmbɨ mbɨ kyeŋ. Mə wɨə ghà àmei ɨnû mbe nɨ bə̂d ɨ̀kə̀n Ŋwiə̀ mbɨ Mose nyaʼa gha ni mbɨ bɨrɨ nɨ ghɨ̀.

Ɨ̀fàʼì 26:27

Ɨfɔ̂n Agripà, à ben ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ə? Mə kyerɨ ni à benɨ!”

Ɨ̀fàʼì 26:4

“Mɨ̀Jû mɨ̀jìm kàŋ kyerɨ ɨchî nɨ mə nyaʼə chub ɨŋga mɨ əbeŋ bə̀ fɔrɨ ə Jèrusalèm tɨ ənɨ mə nyaʼə wan kwa.

Ɨ̀fàʼì 26:6

Mə təm əgha rɨ̀nîn ni mbɨ saʼ əmɨ ɨmbə̀ʼ ɨghəm nɨ mə̀ nuŋ ɨkɔndɨ wòm ənû ze nɨ Ŋwiə̀ nyaʼa kaʼ əmbɨ mba mɨ̀mbǎʼ rəŋwe.

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 5:30

Ŋwìə̀ mba mɨ̀mbǎʼ rəŋwe nyaʼa zwemnɨ ə Yeso we nɨ mbə̀ nyaʼa kombɨ əzed ə baʼnɨ, zwiirɨ.

Ɨ̀fàʼì 7:32

'Mɔ̌ yɨə Ŋwìə̀ mbe mɨ̀mbǎʼ rəŋwe, Ŋwìə̀ Abràham, wɨ Aizìk mbɨ wɨ̀ Jakɔ̂b.' Mose nyaʼa bindɨ, əne chəi wɨ̀ nyaʼa wɨrɨ yim fîŋ nèŋ ɨnemɨ ɨwid we.

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 3:21

Tɨ̀nîn, Ŋwìə̀ fə chwi ɨchî nɨ tɨ̀ bə̂d təm kùʼnɨ̀ ɨfě məd. Chəi ənû nɨ təm kùʼnɨ̀ ɨfě məd berɨ ənû nɨ ghɨ mbɨ rɨkə, ka à be yeʼi ni tɨkə rɨ Mose mbɨ ə bə̂d ɨ̀kə̀n Ŋwiə̀ nyaʼa fə ghà əne.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

Tayitùs 3:10

Ənɨ à fə patɨ wə̀d mɔʼɔ we nɨə saanɨə bə̂d ɨghəm mɔʼ kɨ ɨghəm be, tɨrə̀ wɨrɨ berɨ e ənû ə mɔʼɔ nɨ ghɨ̀ mbɨ məd.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.