Ɨ̀fàʼì 23:21 - Meta’

²¹ Tɨrə̀ ben e ənû ze nɨ mbɨ gha ɨ ne, ɨmbə̀ʼ ɨghəm nɨ mɨ̀mə̌d mɔʼɔ nɨ chè rɨ ənɨ ɨwum kwè fə nə̀mbɨ̀ əsɨ ə mɔʼɔ ɨ wom əməd. Mbɨ fə kàʼ kàn ni chəi mbɨ bɨrɨ jɨg kɨ̀ bè nɔ pè ənɨ mbə fə zwiirɨ ə Pɔ̂l. Tɨ̀nîn mbɨ fə tekɨ ə ɨnyod sɨə wòmə̀ yeʼ ni à ben ənû ze nɨ mbɨ gha ɨ ne.”

Ikan feg

²¹ Imbə̀ʼ àghò bḛ awe anug ne mbɔb biri ghà. Bəd chè che ane ìghum ikwè ne chuʼri nyɔd ni nə̀mbì awɔb inga agyen bè ghɔ̀mɔ̀ Pɔl. Mbɔb fə sìb gha, chəyi mbi biri jəg kə̀ no aghi mɔ̀ʼɔ ne chəyi mbi kiri zweti Pɔl. Mbɔb fə chuʼri ìwɔb nyɔd se ghɔ̀mɔ̀ gha àghò bḛ anug ne mbɔb mbe kə̀bə̀.”

Ɨ̀fàʼì 23:21 교차 참조

Lk 11:54

Ɨ mbɨə nyaʼə kə̀bə̀ ni wɨ̀ gha ənû ə mɔʼɔ ze nɨ bə̌, ɨmbə̀ʼ mbɨ gywɨ əməd.

Ɨ̀fàʼì 20:19

Mə nyaʼa kàŋ swi ɨnyod, fàʼ əmbɨ Ə̀nùŋɨ̀sɨg mbɨ mɨsɨ əghə, ka à bè yeʼi ni mə wɨə nyaʼə zə ŋgəʼ ɨchî nɨ mɨ̀Jû mɔʼɔ nyaʼa taŋ mɨnaŋ ɨmbə̀ʼ zwiirɨ əmɨ.

Ɨ̀fàʼì 23:22

Əne ətu ə kyeŋ ɨgwɨ mɨ̀sɔgyɨ̀ nyaʼa patɨ əjɔŋ ze ni, “Tɨrə̀ tɔ ghà e əmbɨ wə̀d mɔʼɔ ni à fə gha ənû zɔ̂ ɨ num.” Wɨ̀ nyaʼa ghɨ əne, gha ɨ bɔ ni wɨ̀ wo i.

Ɨ̀fàʼì 25:3

wɨ̀ ghɨ ɨ̀chɔ̀m ənɨ ə nən chà ə Pɔ̂l ə Jèrusalèm. Mbɨ nyaʼa ghà əne ɨmbə̀ʼ ɨghəm nɨ mbɨ nyaʼa fə taŋ ni mbə bɨrɨ nəmbɨ ɨnə̂njɨ̀, wòm əməd zwiirɨ.

Rm 9:3

Mə nyaʼa kàŋ kə̀b ni njɨ Ŋwìə̀ zɨ ndɔ̀n ɨgwɨ num, sob əmɨ tɨ ənɨ ɨfɔtɨ we nɨ mə berɨ mbɨ Kristo ɨmbə̀ʼ ətu mbɨ bɔŋgɔb mbe nɨ tɨ̀ fɔtɨ ɨnəbɨ.

2 Kɔrèn 11:26

Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.