Ɨ̀fàʼì 23:12 - Meta’

¹² À nyaʼa ɨsɔsɔ əni ze nɨ beenɨ, mɨ̀Jû mɔʼɔ nyaʼa bòmnɨ̀ taŋ mɨnaŋ, kàʼ ni chəi mbə̀ bɨrɨ jɨg kɨ̀ bè nɔ pè ənɨ mbə̀ fə zwiirɨ ə Pɔ̂l.

Ikan feg

¹² Àsi isusu abɔ̀ʼ, mə̀Ju mɔ̀ʼɔ ya sìb gha chəyi mbɔb biri jəg kə̀ no aghi mɔ̀ʼɔ ne chəyi mbɔb kiri zweti Pɔl.

Ɨ̀fàʼì 23:12 교차 참조

Matìyò 26:4

Mbɨ nyaʼa wò nàànɨ̀ əne ɨ taŋ ɨchî nɨ mbɨ bɨrɨ yim ə Yeso ənjìm ənjìm, zwiirɨ.

Matìyò 26:74

Əne Pità nyaʼa kɔ zɔm i ɨnyod kàn ni, “Ənɨ ɨkum Ŋwiə̀, chəi mə̀ kyerɨ mbaŋə̀ ze nɨ mbɨə ghàə̀.” Àmei əwu əwən, ɨnoŋgub nyaʼa tɔŋ ə.

Matìyò 27:25

Bə̂d mbe mɨ̀jìm nyaʼa wììrɨ̀ ni, “Ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na bə̀ nyɨ ɨgwɨ mba bɔn!”

Ɨ̀fàʼì 23:13

Ɨnun mbaŋə̀ te nɨ nyaʼa taŋ ənû zɔ̂ nyaʼa chè rɨ ənɨ ɨwum kwè.

Ɨ̀fàʼì 23:14

Mbɨ nyaʼa taŋ əne, wò əsɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ mɨ̀Jû, pè ghà ni, “Tɨ̀ fə kàʼ kàn ni chəi tɨ̀ bɨrɨ jɨg əghɨ ə mɔʼɔ pè ənɨ tɨ̀ fə zwiirɨ ə Pɔ̂l.

Ɨ̀fàʼì 23:21

Tɨrə̀ ben e ənû ze nɨ mbɨ gha ɨ ne, ɨmbə̀ʼ ɨghəm nɨ mɨ̀mə̌d mɔʼɔ nɨ chè rɨ ənɨ ɨwum kwè fə nə̀mbɨ̀ əsɨ ə mɔʼɔ ɨ wom əməd. Mbɨ fə kàʼ kàn ni chəi mbɨ bɨrɨ jɨg kɨ̀ bè nɔ pè ənɨ mbə fə zwiirɨ ə Pɔ̂l. Tɨ̀nîn mbɨ fə tekɨ ə ɨnyod sɨə wòmə̀ yeʼ ni à ben ənû ze nɨ mbɨ gha ɨ ne.”

Ɨ̀fàʼì 23:30

Ənɨ mbɨ nyaʼa gha ɨ num ni mbɨ fə taŋ mɨnaŋ ni mbɨ bɨrɨ zwiirɨ əməd, mə nyaʼa chà əməd ɨ ne əwu əwən. Mə fə bə̀ ghà əmbɨ ə bə̂d mbe nɨ zɨ̀ ɨsaʼi ɨgwɨ məd ni mbɨ yeʼe ghà ənû ze nɨ mbɨ berɨ mbɨ məd ɨ ne.”

Ɨ̀fàʼì 25:3

wɨ̀ ghɨ ɨ̀chɔ̀m ənɨ ə nən chà ə Pɔ̂l ə Jèrusalèm. Mbɨ nyaʼa ghà əne ɨmbə̀ʼ ɨghəm nɨ mbɨ nyaʼa fə taŋ ni mbə bɨrɨ nəmbɨ ɨnə̂njɨ̀, wòm əməd zwiirɨ.

Ɨ̀fàʼì 9:23

Ənɨ ɨni nɔnɔʼ nyaʼa chě, mɨ̀Jû nyaʼa taŋ mɨnaŋ ni mbɨ zwiirɨ əməd,

Ɨ̀fàʼì 9:24

àyɨə mbɨ nyaʼa jə ɨsə ɨmbə̀ʼ mɨnaŋ mbe əmbɨ Sɔ̂l. Mɨ̀Jû mbe mbɨə nyaʼə wòm əməd ənɨ mɨchû ɨkam mbe rɨ əsɨ ze əziə mbɨ ɨzimɨ ɨmbə̀ʼ zwiirɨ məd.

1 Kɔrèn 16:22

À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!

2 Kɔrèn 11:26

Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

1 Tèsàlonikà 2:16

ɨchî nɨ mbɨ nyaʼə kə̀b kən ni tɨ rɨ gham a əmbɨ ə bə̂d mbe nɨ kaʼi mɨ̀Jû ɨmbə̀ʼ mbɨ jwɨ̀ rəŋgəʼ. Àyɨə tɨ̀ nyaʼa wo ɨmbì rəbə gham a ghamɨ. Ɨchî nɨ mbɨ nyaʼə ghɨ̀ əne ə nyaʼa swe mbə ɨnû rɨbɔ̀ŋ mbɨ swi. Ŋwiə̀ nyaʼa sə ɨtəm əbɔʼ mɨ̀mə̌d ənɨ ɨnwǐ.