Ɨ̀fàʼì 22:1 - Meta’

¹ “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ikan feg

¹ Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 22:1 교차 참조

Lk 12:11

“Ənɨ mbɨ nɨŋ əwən wò ɨŋga nəb tɨ ə̀kàtɨ̀, kɨ̀ ɨfě mə̀tùmbɨ̀ əbeŋ kɨ̀ ɨfě mɨ̀mbǎʼ əbeŋ, tɨ mbə̀ nwìʼ ə ɨnyod ɨmbə̀ʼ ɨchî nɨ tɨ̀ mbə bɨrɨ chɨ ɨnû rɨ ɨgwɨ nən, kɨ̀ ɨmbə̀ʼ ənû ze nɨ mbə̀ bɨrɨ ghà,

Lk 21:14

Mbə̀ fə nùŋ ɨŋga tə fîŋ ni chəi mbə bɨrɨ nwìʼ ɨnyod ɨmbə̀ʼ ɨchî nɨ mbə̀ bɨrɨ chɨ ɨnû rɨ ɨgwɨ nən,

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Ɨ̀fàʼì 19:33

Mɨ̀Jû nyaʼa tin mbaŋə̀ mɔʼɔ nɨ ɨkum məd nyaʼə Àlèzandà chà ɨfě ni wɨ̀ toʼrɨ əton nɨ bə̂d nyaʼa wo fetɨ. Wɨ̀ nyaʼa ghɨ̀ ənweenɨ ənɨ əbɔ ni mbɨ kəm rəziə tə toʼrɨ ənû ze əmbɨ mɨ̀mə̌d.

Ɨ̀fàʼì 23:1

Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Ɨ̀fàʼì 23:6

Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ɨ̀fàʼì 24:10

Ənɨ gɔmnà we nyaʼa ghɨ ənweenɨ ənɨ mbi ɨbɔ ni Pɔ̂l ghàmə̀, wɨ̀ nyaʼa ghà ni: “Mə kyerɨ ni à fə saʼ əbeŋ zɔ̂ ɨghəm ɨwu nɔnɔʼ, əne mə kàŋ ghaʼ nɨ təm ənɨ e ɨfě ɨmbə̀ʼ chɨ̀ ɨnû mbe nɨ mbaŋə̀ tɔ̂ zɨ ɨgwɨ num.

Ɨ̀fàʼì 25:16

Mə nyaʼa wììrɨ̀ əmbɨ mɨ̀mə̌d ni kaʼi ɨchî əbeŋ məRom nɨ yim wə̀d nàʼ əmbɨ ə bə̂d mbe nɨ zɨ ɨsaʼi ɨgwɨ məd, bɔŋ wɨ̀ sɨə bòmnɨ̀ə̀ mbɨ mɨ̀mə̌d. Mbɨ berɨ nàʼ əpan ɨ bɔ ni wɨ̀ chɨ ɨnû rɨ ɨgwɨ ni.

Ɨ̀fàʼì 25:8

Ɨ chɨ ənû rɨ ɨgwɨ ni, Pɔ̂l nyaʼa ghà ni, “Chəi mə̀ kweʼ ghà ənû rɨbɔ̀ŋ dè rɨkə mɨ̀Jû, dè mbàn Ŋwìə̀ kɨ̀ dè ə Kaisà.”

Ɨ̀fàʼì 26:24

Ɨchî nɨ Pɔ̂l nyaʼə ghàmə̀ ɨmbə̀ʼ chɨ ɨnû rɨ ɨgwɨ ni, Festùs nyaʼa ghà ənɨ ə gɨ̂ nɨ kǎ ni, “Pɔ̂l, à wɨə beə! Ə̀ŋwàʼnɨ̀ ze nɨ à kwembɨ əku fə ghɨ̀ à sɨə beə!”

Ɨ̀fàʼì 28:17

Ənɨ ɨni nyaʼa che ɨtad, Pɔ̂l nyaʼa tɔŋ bə̂d mbe nɨ nyaʼə chàə̀ mɨ̀Jû. Ənɨ mbɨ nyaʼa fetɨ, wɨ̀ nyaʼa ghà əmbɨ mɨ̀mə̌d ni, “Mbɨ bɔŋgɔb, ka à bè yeʼi ni chəi mə̀ nyaʼa ghɨ ənû ə mɔʼɔ ənɨ mba bə̂d, kɨ̀ bè ghà ənû ə mɔʼɔ ɨmbə̀ʼ mɨchî mba mɨ̀mbǎʼ rəŋwe, mbɨ nyaʼa gywɨ̀ əmɨ ə Jèrusalèm zɨ̀ ɨŋga tɨkyerɨ-ɨbɔ məRom.

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

Rm 2:15

Ɨ mbɨə chwiə ni mbɨ fə ŋwàʼnɨ̀ ɨnû ze nɨ yeʼ ɨŋga rɨ̀kə̌ ɨŋga fîŋ tɨ mɨ̀mə̌d. Fîŋ ze nɨə saʼə mɨ̀mə̌d ə bə̀ chwiə ni à yɨ rəsìʼ. Tɨkɔndɨ tɨ mɨ̀mə̌d bɨrɨ sɨə saʼə mɨ̀mə̌d ɨmbə̀ʼ ɨnû nɨ kuʼnɨ fɔrɨ ɨmbə̀ʼ mbe nɨ chəi mbɨ kuʼnɨ.

1 Kɔrèn 9:3

Ənɨ bə̂d ə biirɨ ɨ num ni mə kɨə ghàə̀ ni mə yɨə wə̀d tom Kristo ɨmbə̀ʼ ə ye ə? Mə bɨrɨ wiirɨ ni:

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 7:11

Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

Fìlipì 1:17

Chəi bə̂d mbe nɨə ghɨ̀ ə̀dìì ə ghà ɨkə̂n chɔ̀m mbɨ ə fîŋ nɨ zeŋɨ. Ɨ mbɨə ghàə̀ yeʼ ɨmbə̀ʼ ɨghəm nɨ mbɨ kəb ni bə̂d mɨ̀nɔnɔʼ beenɨ əbɔʼ mɨ̀mə̌d. Ɨ mbɨə kɔndɨə ni ɨnû mbe nɨ mbɨə ghɨ̀ə̀ bɨrɨ ghɨ mə̀ jeŋgɨ nyɨ ŋgəʼ ɨchî nɨ mə̀ yeʼ ə nəb ndəŋ.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

2 Timotì 4:16

Ənɨ ə nyùmə̀ rɨtu we nɨ mə nyaʼa təm ni mbɨ saʼ əmɨ, chəi wə̀d mɔʼɔ nyaʼa yeʼe ɨ kəŋgɨ əmɨ. Wə̀d jìm nyaʼa waʼ əmɨ. Tɨ Ŋwìə̀ ŋwaʼnɨ i ɨnû mbe nɨ mbɨ ghɨ ənɨ rɨkum tɨ mɨ̀mə̌d.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.