Ɨ̀fàʼì 21:8 - Meta’

⁸ À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ikan feg

⁸ Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Ɨ̀fàʼì 21:8 교차 참조

Ɨ̀fàʼì 10:1

Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Ɨ̀fàʼì 16:10

Ənɨ Pɔ̂l nyaʼa zə tɨ̀taanɨ njə̀m ze, tɨ̀ nyaʼa tekɨ ɨnyod əwu əwən ɨ wo ə Màsèdonià, ɨmbə̀ʼ ɨghəm nɨ tɨ̀ nyaʼa kyerɨ ni Ŋwìə̀ fə tɔŋ əwa ni tɨ̀ wo ghà ɨkə̂n chɔ̀m əmbɨ ə bə̂d mbe rəŋgu.

Ɨ̀fàʼì 16:13

À nyaʼa əni əkwɨ mɨ̀Jû, tɨ̀ nyaʼa jwɨ̀ rɨŋga ɨkam wò ɨban ɨgyɨ̀, nɨ nyaʼa əsɨ ze nɨ tɨ̀ nyaʼa kɔndɨ ni mɨ̀Jû mbɨə nyaʼə wò fetɨ əŋgu ɨ kɔ̀ŋgɨ̀ ə Ŋwiə̀. Tɨ̀ nyaʼa pè chub ə si kɔ ghambɨ mbɨ məyi mbe nɨ nyaʼa yeʼe fetɨ.

Ɨ̀fàʼì 16:16

À nyaʼa əni ə mɔʼɔ nɨ tɨ̀ nyaʼə wò əsɨ ze nɨ mbɨ nyaʼə kɔŋgɨ ə Ŋwiə̀, wan əyi mɔʼɔ nɨ nyaʼa ə̀bòʼò nyaʼa yeʼe kumnɨ əwa. Əzwî rɨbɔ̀ŋ ə zɨə nyaʼa ɨŋga məd. Əzwî ze zɨə nyaʼə ghɨ̀ə̀ ni wɨ̀ gha ɨkwab. Əze ə nyaʼa ghɨ̀ ni bə̂d mbe nɨ berɨ ə̀bòʼò ze berɨ ɨkab.

Ɨ̀fàʼì 18:22

Ənɨ wɨ̀ nyaʼa pe ə Kàisàriyà, wɨ̀ nyaʼa jwɨ rɨŋga əbaŋ ɨgyɨ̀ ze, kɔ̀ʼ wò chàʼrɨ̀ bə̂d rɨŋga ɨfetɨ we rɨ ə Jèrusalèm. Wɨ̀ nyaʼa ghɨ əne, swiʼi wò ə Antiɔ̀k.

Ɨ̀fàʼì 20:13

Tɨ̀ nyaʼa wò ɨmbì nyɨ əbaŋ ɨgyɨ̀ baanɨ wò ə Asòs, nɨ nyaʼa əsɨ ze nɨ tɨ̀ nyaʼa berɨ pe nɨŋ ə Pɔ̂l əŋgu. Pɔ̂l nyaʼa tekɨ ni tɨ̀ nyɨ əbaŋ ɨgyɨ̀ ɨmbə̀ʼ ɨghəm nɨ məd ziə wɨə nyaʼa kəb yen ə si.

Ɨ̀fàʼì 20:6

Ənɨ əchwɨ̂ ze nɨ mbɨ nyaʼə jɨgə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ nyaʼa fə che i, tɨ̀ nyaʼa nyɨ əbaŋ ɨgyɨ̀ rɨ ə Filipì nɨŋ ɨni tân wò kumnɨ mɨ̀mə̌d ə Troàs. Tɨ̀ nyaʼa chub əŋgu ɨni sambe.

Ɨ̀fàʼì 21:16

Bə̂d mɔʼɔ rəbɔʼ mbe nɨ nyaʼa ben ə Kristo nɨ nyaʼa rɨ ə Kàisàriyà nyaʼa wò mbɨ na. Mbɨ nyaʼa nɨŋ əwa tɨ wò chub əkwɨ Mnasɨ̀n. Mnasɨ̀n yɨə nyaʼə rɨ ə Saiprùs. Məd yɨə nyaʼə wɨ mɔʼɔ rəbɔʼ bə̂d rɨtu mbe nɨ nyaʼa ben ə Kristo.

Ɨ̀fàʼì 23:23

Ətu ə kyeŋ ɨgwɨ mɨ̀sɔgyɨ̀ nyaʼa tɔŋ ɨtu be ɨgwɨ mɨ̀sɔgyɨ̀ ɨkɨ fibɨ̀, ghà əmbɨ mɨ̀mə̌d ni, “Mbə̀ nɨŋ mɨ̀sɔgyɨ̀ əkɨ ə be, nɨŋ mbe nɨə kɔʼə ngyi ɨwum sambe, bə̀ nɨŋ mbe nɨə bèʼ ɨwɔŋ əkɨ ə be. Mbə̀ bɨrɨ nɔ̀ʼ ɨzimɨ ənɨ mɨ̀nyùmə̀ əbuə wò ə Kàisàriyà.

Ɨ̀fàʼì 27:1

Ənɨ Festùs nyaʼa ben ni tɨ̀ nyɨ əbaŋ ɨgyɨ̀ wò ə Italì, wɨ̀ nyaʼa nàʼ ə Pɔ̂l mbɨ ə bə̂d ndəŋ cherə əmbɨ ə mbaŋə̀ mɔʼɔ nɨ ɨkum məd nyaʼə Juliùs. Juliùs we yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rɨŋga Ɨnɔ̂n Mɨ̀sɔgyɨ̀ Kaisà.

Ɨ̀fàʼì 28:11

Ənɨ əmɨg ə nyaʼa che ətad, tɨ̀ nyaʼa wò nyɨ əbaŋ nɨ nyaʼa əkəm əsɨ ze ənɨ ə nyùmə̀ we nɨ ɨfə nyaʼə kɔ əku. Əbaŋ ze zɨə nyaʼa rɨ ə Àlèzandrià. Mbɨ nyaʼa tɔ bɔn mɨ̀ŋwìə̀ ɨfě əbaŋ ze.

Ɨ̀fàʼì 28:16

Ənɨ tɨ̀ nyaʼa pè ə Rom, mbɨ nyaʼa sàŋ ə Pɔ̂l ni wɨ̀ chub ənɨ i ɨghəm. Ɨ wɨə nyaʼə chubə mbɨ sɔgyɨ̀ we nɨ nyaʼə nəŋgɨ əməd.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 9:30

Ənɨ bɔŋgɔb mbe nyaʼa kyerɨ ənû zɔ̂, mbɨ nyaʼa nɨŋ əməd swiʼi wò ə Kàisàriyà, əne chà əməd ə Tasùs.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.