Ɨ̀fàʼì 21:39 - Meta’

³⁹ Pɔ̂l nyaʼa wììrɨ̀ ni, “Mɔ̌ yɨə Jû. Mə yɨ rɨ ə Tasùs ə Selisià. Mə yɨ rɨŋga əsɨ ə kyeŋ. Mə buʼ ɨbɔ ɨ ne ni à saŋ əmɨ mə gham əmbɨ ə bə̂d mbɔ̂.”

Ikan feg

³⁹ Pɔl ya ywìtì ibo gha, “Mo ya Ju ne mbi gwi a Tasɔ̀s inga aben Sìlisìyà. Mo ya wə̀d inga aben kyen. Mə boʼ ibo, àghò naʼa apan mə̀ ghama abə bəd mbo̰.”

Ɨ̀fàʼì 21:39 교차 참조

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 16:37

Àyɨə Pɔ̂l nyaʼa ghà əmbɨ mɨ̀pùrɨsɨ̀ mbe ni, “Tɨ̀ yɨ məRom. Mbɨ fə som əwa ɨfě bə̂d bə̀ zɨ̀ əwa ə ndəŋ nɨ chəi tɨ̀ gu ənû ə mɔʼɔ. Tɨ̀nîn ɨ mbɨ kɨə kəb chɨ̀ əwa ənjìm ənjìm ə? Chə̂! mbɨ yeʼe chɨ̀ əwa mbənə mbənə.”

Ɨ̀fàʼì 21:37

Ənɨ mbɨ nyaʼə sɨə wò nyɨ ɨŋga ɨkam mɨ̀sɔgyɨ̀ mbɨ Pɔ̂l, wɨ̀ nyaʼa biirɨ əmbɨ ətu ə kyeŋ ɨgwɨ mɨ̀sɔgyɨ̀ ni, “Mə̀ gha ənû ə mɔʼɔ ɨ ne ə?” Ətu ə kyeŋ ze ə nyaʼa biirɨ ɨ bɔ ni, “À wɨə ghàm ə Grik ə?

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Ɨ̀fàʼì 23:27

Mɨ̀Jû nyaʼa gywɨ̀ mbaŋə̀ zɔ̂, kə̀b zwiirɨ əməd. Ənɨ mɔ̌ mbɨ mbɨ mɨ̀sɔgyɨ̀ nyaʼa wo jwɨ̀ ɨgwɨ məd, mə nyaʼa zu ni à yɨə wə̀d Rom, əne mə nyaʼa chɨ̀ əməd rɨŋga rɨkyerɨ-ɨbɔ mɨ̀mə̌d.

Ɨ̀fàʼì 23:34

Ənɨ gɔmnà we nyaʼa foŋ ə̀ŋwàʼnɨ̀ ze, wɨ̀ nyaʼa biirɨ əbà əbeŋ ze nɨ Pɔ̂l nɔʼ rəŋgu. Ənɨ wɨ̀ nyaʼa zu ni Pɔ̂l yɨ rɨ ə Selisià,

Ɨ̀fàʼì 6:9

Bə̂d mɔʼɔ nɨ nyaʼa rɨŋga nəb ə̀kàtɨ̀ mɨ̀Jû mbe nɨ nyaʼa jwɨ rɨ ənɨ ə̀bòʼò, ɨchî nɨ mbɨ nyaʼə tɔŋə nəb ə̀kàtɨ̀ ze, nyaʼa kɔ tàŋɨ mbɨ Stɨfɨ̀n. Bə̂d mbe yɨə nyaʼə mɨ̀Jû nɨ nyaʼa rɨ ə Sìrin, rɨ ə Àlèzandrià, rɨ ə Selisià bə̀ fɔrɨ rɨ ə Esià.

Ɨ̀fàʼì 9:11

Ə̀nùŋɨ̀sɨg nyaʼa ghà ɨ bɔ ni, “Tekɨ ɨnyod wò əkwɨ Judàs we nɨə chub Ɨnə̂njɨ̀ we nɨ Təmɨ. À mɨ pè əŋgu, à biirɨ mbaŋə̀ mɔʼɔ ze rɨ ə Tasùs nɨ ɨkum məd yeʼ ə Sɔ̂l. Ɨ wɨə kɔ̀ŋgɨ̀ ə Ŋwiə̀.

Ɨ̀fàʼì 9:30

Ənɨ bɔŋgɔb mbe nyaʼa kyerɨ ənû zɔ̂, mbɨ nyaʼa nɨŋ əməd swiʼi wò ə Kàisàriyà, əne chà əməd ə Tasùs.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.