Ɨ̀fàʼì 21:31 - Meta’

³¹ Ənɨ mbɨ nyaʼa kə̀b zwiirɨ ə Pɔ̂l, ɨŋgam nyaʼa wò pè əmbɨ ətu ə kyeŋ ɨgwɨ mɨ̀sɔgyɨ̀ məRom ni əchɔb ə fə gù ɨŋga Jèrusalèm jìm.

Ikan feg

³¹ Icheg ne mbi yaya kə̀bə̀ ni zweti Pɔl, ikən ya ghò pè abə wə̀d kyen mə̀sogyì məRom gha àbùrì ze inga ikye aben Jèrusalèm ajìm.

Ɨ̀fàʼì 21:31 교차 참조

Matìyò 26:5

Àyɨə mbɨ nyaʼa ghà mbənə mbənə ni, “Chəi tɨ̀ bɨrɨ zwiirɨ əməd ənɨ mbɨə jɨg Əchwɨ̂ ə Che-ɨgun, njɨ bə̂d bɨrɨ bu əchɔb.”

Matìyò 27:27

Mɨ̀sɔgyɨ̀ Pailèt nɨ nyaʼə gɔmnà nyaʼa nɨŋ ə Yeso mbɨ wò ɨŋga tɔʼ gɔmnà. Mbɨ nyaʼa pè fetɨ mɨ̀sɔgyɨ̀ jìm, mbɨ kad əməd.

Mk 14:2

Mbɨ nyaʼa ghà ni, “Àyɨə chəi tɨ̀ bɨrɨ ghɨ əne ənɨ mbɨə jɨg əchwɨ̂, njɨ əchɔb ə bɨrɨ gù.”

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Jn 18:12

Mɨ̀sɔgyɨ̀ mbe mbɨ ətu mbe nɨ nyaʼa ɨgwɨ mɨ̀mə̌d fɔrɨ bə̂d mbe nɨ nyaʼə nəŋgɨ ə mbàn Ŋwìə̀ nyaʼa gywɨ̀ ə Yeso kod.

Ɨ̀fàʼì 10:1

Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 19:40

Ənû nɨ tɨ̀ berɨ nɨ bɔ yɨ ni mbɨ bɨrɨ zɨ ɨsaʼi ɨgwɨ na ni tɨ̀ fə bu əchɔb rə̀chɔ̀ŋ. Chəi ənɨ tɨ rɨ̀ tòʼrɨ̀ əton nɨ tɨə jùʼə̀.”

Ɨ̀fàʼì 21:38

Əne ka àwɔ̀ yɨ e wə̀d Ijìpt we nɨ nyaʼa cherə bù əchɔb, nɨŋ mə̀zwììrɨ̀-bə̂d chuʼ rɨkwè wò mbɨ mbɨwən ɨŋga ɨbad rɨkwàʼi ə?”

Ɨ̀fàʼì 22:22

Bə̂d mbe mbɨə nyaʼə zwetɨ ɨŋgam Pɔ̂l yeʼe pè ənɨ wɨ̀ nyaʼa gha ɨŋgam wɔ̂. Əne mbɨ nyaʼa kɔ kyeŋ rɨ̀kǎ ghà ni, “Mbə̀ nimnɨ mbaŋə̀ zɔ̂ rɨŋga ɨsɨg! Wɨ̀ rɨka kuʼi nɨ wɨrɨ chub ɨkǎ!”

Ɨ̀fàʼì 23:17

Pɔ̂l nyaʼa zu əne tɔŋ ətu ə mɔʼ ɨgwɨ mɨ̀sɔgyɨ̀ ɨkɨ fibɨ̀ ghà ɨ bɔ ni, “Nɨŋ əjɔŋ zɔ̂ wò mbɨ məd əsɨ ətu ɨgwɨ mɨ̀sɔgyɨ̀. Wɨ̀ berɨ ənû ə mɔʼɔ nɨ gha ɨ bɔ.”

Ɨ̀fàʼì 24:22

Felìz nɨ nyaʼa jeŋgɨ kyerɨ Ɨnə̂njɨ̀ we nɨ Yeso nyaʼa chwiə, nyaʼa chà ɨsaʼi we ɨmbì, ghàə̀ ni, “Ənɨ Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ swiʼi yeʼe, mə bɨrɨ sob ɨsaʼi wɔ̂.”

Ɨ̀fàʼì 24:6

Wɨ̀ nyaʼa kə̀b ni njɨ tə tìbrɨ̀ mbàn Ŋwìə̀, àyɨə tɨ̀ nyaʼa gywɨ̀ əməd. [Tɨ̀ nyaʼa kə̀b saʼ əməd ɨchî nɨ ta rɨkə chwiə.

Ɨ̀fàʼì 24:7

Àyɨə Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ nyaʼa yeʼe nɨŋ əməd rɨŋga ta rɨkyerɨ-ɨbɔ ənɨ ɨkǎ.

Ɨ̀fàʼì 25:23

À nyaʼa əni ze nɨ beenɨ, Agripà mbɨ Benis nyaʼa yèn ɨghabɨ mɨfɔ̀n wò nyɨ ɨŋga ɨ̀chàm. Wɨ̀ nyaʼa wò nyɨ mbɨ ɨtu kyeŋ ɨgwɨ mɨ̀sɔgyɨ̀ fɔrɨ mbɨ ə bə̂d kyeŋ kyeŋ rɨŋga ɨsɨ ze. Ənɨ mbɨ nyaʼa nyɨ əne, Festùs nyaʼa ghà ni mbɨ nɨŋ ə Pɔ̂l yeʼe mbɨ məd.

Ɨ̀fàʼì 26:21

À yɨ ɨmbə̀ʼ ənû zɔ̂ nɨ mɨ̀Jû nyaʼa gywɨ əmɨ ɨŋga mbàn Ŋwìə̀ kə̀b zwiirɨ.