Ɨ̀fàʼì 21:24 - Meta’

²⁴ Nɨŋ mbaŋə̀ tɔ̂ wò zeŋnɨ e ɨnyod bə̀ zeŋnɨ mɨ̀mə̌d, əne nàʼ ɨghɨ ə̀fà mbe nɨ mbɨ berɨ nɨ nàʼ. À mɨ ghɨ̀ əne, mbɨ bɨrɨ serɨ mbə ɨtu. Əne bə̂d mɨjìm bɨrɨ kyerɨ ni chəi rəsìʼ ənɨ ɨnû mbe nɨ mbɨ zu ɨmbə̀ʼ əwe. Mbɨ bɨrɨ kyerɨ ni à wɨə nùŋə̀ tɨkə rɨ Mose.

Ikan feg

²⁴ Àghò niŋ bəd mbo̰, mbə̀ gho sò nyɔd icheg ne mə̀nɔ̀ʼɔ̀ Muse chwi. Àghò nàʼ ighi àfàtì mbe ne mbə̀ beri ni nàʼ. Àghò mə ghì ane, mbi biri seri ìmbɔb itog. Ane, bəd məjìm biri kyeri gha, inug ijìm mbe ne mbi gha imbə̀ʼ awe ya kwàʼ mbe ako. Ze biri chwi gha àghò we nɔ̀ŋɔ̀ mə̀nɔ̀ʼɔ̀ Muse.

Ɨ̀fàʼì 21:24 교차 참조

Jn 11:55

Nyùmə̀ Əchwɨ̂ ə Che-ɨgun nyaʼa fə tiinɨ, əne bə̂d mɨ̀nɔnɔʼ nyaʼa nɔ̀ʼ rɨŋga ɨsɨ mbe nɨ nyaʼa ɨban ɨban wò ə Jèrusalèm ɨmbə̀ʼ zeŋnɨ ə ɨnyod, bɔŋ mbɨ sɨə jɨg əchwɨ̂ ze.

Jn 3:25

Mə̀mə̀ə̀nɨ̀-ɨnû Jɔ̌n mbɨ ə Jû mɔʼɔ nyaʼa kɔ taŋ ɨmbə̀ʼ ənû nɨ so ɨnyod bə̀ sò ɨghɨ bɔŋ wumnɨ ə Ŋwiə̀.

Ɨ̀fàʼì 18:18

Pɔ̂l nyaʼa wɨrɨ chub ə Kɔrèn ɨni nɔnɔʼ. Ənɨ wɨ̀ nyaʼa maanɨ rəŋgu, wɨ̀ nyaʼa sàŋ bɔŋgɔb mbe, nɨŋ ə Prìsilà mbɨ Àkwilà mbɨ nyɨ əbaŋ ɨgyɨ̀ baanɨ wò ə Sirià. Bɔŋ mbɨ nyaʼa sɨə nɔʼ rɨə Senkrià, wɨ̀ nyaʼa serɨ e ətu ɨchî nɨ wɨ̀ nyaʼa fə kaʼ əmbɨ ə Ŋwiə̀.

Ɨ̀fàʼì 21:26

Pɔ̂l nyaʼa nɨŋ mbaŋə̀ te. À nyaʼa əni ze nɨ beenɨ, wɨ̀ nyaʼa zeŋnɨ i ɨnyod bə̀ zeŋnɨ mɨ̀mə̌d mbɨ wò ɨŋga mbàn Ŋwìə̀, əne nàʼ ɨnun ɨni mbe nɨ mbɨ bɨrɨ chubɨ bɔŋ ɨni nɨ zeŋnɨ ɨnyod mi ə. Mbɨ nyaʼa bə̀ nàʼ əni nɨ naʼ ɨghɨ ə̀fà ɨgwɨ ətu ə wə̀d mɔʼ mɔʼ rəbɔʼ mɨ̀mə̌d.

Ɨ̀fàʼì 24:18

Ənɨ mə nyaʼə ghɨ̀ ənû zɔ̂, mbɨ nyaʼa zə əmɨ ɨŋga mbàn Ŋwìə̀ ənɨ mə̀ nyaʼa fə zeŋnɨ mɨ ɨnyod. Chə nyaʼa i ɨnɔ̂n bə̂d əbɔʼ num, chəi əchɔb ə nyaʼa bə gù.

1 Kɔrèn 9:20

Ənɨ mə̀ yeʼ əkaʼ mɨ̀Jû, mə yɨ ɨghabɨ wɨ̀ mɔʼɔ rəbɔʼ mɨ̀mə̌d, ɨmbə̀ʼ mə ghɨ ni mbɨ ben ə Kristo. Ənɨ mə̀ yeʼ əkaʼ bə̂d mbe nɨə nùŋ rɨkə, mə yɨ ɨghabɨ ə wə̀d nɨə nùŋ rɨkə, ɨmbə̀ʼ mə̀ ghɨ ni bə̂d mbe nɨə nùŋ rɨkə ben ə Kristo, ka à be yeʼi ni chəi mɨə nùŋ rɨkə.

Gàlesìyà 2:12

Mə nyaʼa ghàm əbɔʼ əməd ɨmbə̀ʼ ɨghəm nɨ bɔŋ bə̂d mbe nɨ Jems nyaʼa tomɨ nyaʼa yeʼe, ɨ wɨə nyaʼə jɨgə mbɨ ə bə̂d mbe nɨ kaʼi mɨ̀Jû. Àyɨə ənɨ mbɨ nyaʼa yeʼe, wɨ̀ nyaʼa kɔ sùŋgɨ̀ i rə̀bɔ̀ʼɔ̀ bə̀ kɔ ghàbrɨ̀ i ɨnyod, ɨmbə̀ʼ ɨghəm nɨ wɨ̀ nyaʼə bɔə bə̂d mbe nɨ nyaʼə ghàə̀ ni mbɨ ne bə̂d mɨ̀jìm mbe nɨ ben ə Kristo.