Ɨ̀fàʼì 20:7 - Meta’

⁷ À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Ikan feg

⁷ Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Ɨ̀fàʼì 20:7 교차 참조

Mk 16:9

Ənɨ Yeso nyaʼa zwemə ɨsɔsɔ əni ə Sɔndè, wɨ̀ nyaʼa bè chwi i ɨnyod əmbɨ Mèri Màgdàlen we nɨ wɨ̀ nyaʼa chɨ ɨzwî rɨbɔ̀ŋ sambe rɨŋga məd.

Lk 22:19

Ənɨ wɨ̀ nyaʼa ghà əne, wɨ̀ nyaʼa nɨŋ chiŋ ŋgə̀ŋ, nàʼ məben-əwe əmbɨ ə Ŋwiə̀, bəʼrɨ ŋgə̀ŋ ze nàʼ əmbɨ mɨ̀mə̌d ghà ni, “Əzɔ̂ yɨ mɨ nyamnyod nɨ mə̀ naʼ ɨmbə̀ʼ əwən. Mbə sɨə ghɨ̀ əne kɔndɨ əmɨ.”

Lk 24:35

Mbaŋə̀ te rɨ̀be nyaʼa ghà ənû ze nɨ nyaʼa ghɨ̌ ɨnə̂njɨ̀, bə̀ ghà ɨchî nɨ mbɨ nyaʼa kyerɨ əməd ənɨ ə nyùmə̀ we nɨ wɨ̀ nyaʼa bəʼrɨ ŋgə̀ŋ nàʼ əmbɨ mɨ̀mə̌d.

Jn 20:1

À nyaʼa kwàʼ ɨzimɨ zimɨ əni ə Sɔndè, Mèri Màgdàlen nyaʼa wò ətu ɨsì ze nɨ mbɨ nyaʼa chəb ɨŋga ɨwɔ̌, pè zə ni mbɨ nyaʼa fə chɨ̀ ɨti we rɨ ɨchû ɨsì we.

Jn 20:19

À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.”

Jn 20:26

Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”

Ɨ̀fàʼì 16:10

Ənɨ Pɔ̂l nyaʼa zə tɨ̀taanɨ njə̀m ze, tɨ̀ nyaʼa tekɨ ɨnyod əwu əwən ɨ wo ə Màsèdonià, ɨmbə̀ʼ ɨghəm nɨ tɨ̀ nyaʼa kyerɨ ni Ŋwìə̀ fə tɔŋ əwa ni tɨ̀ wo ghà ɨkə̂n chɔ̀m əmbɨ ə bə̂d mbe rəŋgu.

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 20:11

Ənɨ Pɔ̂l nyaʼa bə̀ndɨ̀ wò ɨŋga ətu ə nəb ze rɨkaŋ, wɨ̀ nyaʼa jɨg Ɨtarɨ Ə̀nùŋɨ̀sɨg bə̀ jɨg əghɨjɨg mbɨ ə bə̂d mbe. Wɨ̀ nyaʼa ghàmbɨ̀ mbɨ mɨ̀mə̌d wò pè ənɨ ɨtuʼ nyaʼa chɨgɨ. Ənɨ ɨtuʼ nyaʼa chɨgɨ, wɨ̀ nyaʼa nɔ̀ʼ wo i.

Ɨ̀fàʼì 20:31

Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Ɨ̀fàʼì 20:5

Mbaŋə̀ tɔ̂ nyaʼa wò ɨmbì pè wòm əwa ə Troàs.

Ɨ̀fàʼì 20:9

Əjɔŋ ə mɔʼɔ nɨ ɨkum məd nyaʼə Yutikùs nyaʼa chub ɨchû windò. Ɨchî nɨ Pɔ̂l nyaʼə rəbə gham i ghamɨ, wɨ̀ nyaʼa feŋ əŋgwenɨ kǎ kǎ. Əne wɨ̀ nyaʼa feŋ tɨ ənɨ ə nəb ɨkaŋ ze nɨ pe ənɨ ɨwaŋ tad. Mbɨ nyaʼa wò yim əməd nɔ̀ ənɨ wɨ̀ fə kwɨ i.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

1 Kɔrèn 10:16

Toʼ ze nɨ tɨə nɔə rɨŋga ənɨ tɨə jɨg Ɨtarɨ Ə̀nùŋɨ̀sɨg, əne nàʼə̀ məben-əwe əmbɨ ə Ŋwiə̀, ka à wa kɨ i ni mbà mɨjìm mbɨə nɔ ənəm ə Kristo ə? Ŋgə̀ŋ ze nɨ tɨə bəʼrɨə bə̀ jɨgə, ka à wa kɨ i ni mbà mɨjìm mbɨə kurə nyamnyod Kristo ə?

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 16:2

Ənû ze yɨ ni: ɨni Sɔndè jìm, wə̀d mɔʼ mɔʼ rəbɔʼ nən chɨ ɨnun ɨkab mɔʼɔ rəbɔʼ we nɨ wɨ̀ fàʼi, nùŋ, ɨmbə̀ʼ ənɨ mə̀ yeʼe, tɨ mbə̀ wɨrɨ chob ə ɨkab we.

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.

Ɨnû 1:10

À nyaʼa ɨgwɨ əni Ə̀nùŋɨ̀sɨg, Əzwî ə nyaʼa nyɨ ɨŋga num, əne mə nyaʼa zu gɨ̂ kǎ kǎ ənɨ mɨ njìm. Gɨ̂ ze nyaʼa ghàm ɨghabɨ ə tàŋ