Ɨ̀fàʼì 20:4 - Meta’

⁴ Sopatà nɨ nyaʼə wan Pirùs tɨ ə Berià nyaʼa wò mbɨ məd. Bə̂d mɔʼɔ mbe rɨ ə Tèsàlonikà nɨ nyaʼa wo mbɨ məd yɨə nyaʼə Àristakùs mbɨ Sèkundùs. Gayùs rɨ ə Də̂be nyaʼa bə̀ wò mbɨ məd. Timotì nyaʼa bə̀ wo mbɨ məd fɔrɨ ə Taikikùs mbɨ Trofimùs nɨ nyaʼa rɨ ə Esià.

Ikan feg

⁴ Bəd ne yaya yḛ̀ tì Pɔl yaya: Sopatà ŋwan ìwi Pirùs ne ya wə̀d inga Bèriyà fɔrɔ Àristakùs tì Sèkundùs ne ya bəd inga aben Tèsàlonikà fɔrɔ Gayòs ne ya wə̀d inga aben Debè fɔrɔ Timotì fɔrɔ Tichikùs tì Tròfimùs ne ya bəd inga aben Esìyà.

Ɨ̀fàʼì 20:4 교차 참조

Ɨ̀fàʼì 14:20

Àyɨə ənɨ bə̂d mbe nɨ nyaʼa ben ə Kristo nyaʼa wò kad əməd, wɨ̀ nyaʼa nɔ̀ʼ bə̀ndɨ̀ wò nyɨ ɨŋga Listrà. À nyaʼa əni ze nɨ beenɨ, wɨ̀ nyaʼa nɔ̀ʼ mbɨ Banabàs mbɨ wò ə Də̂be.

Ɨ̀fàʼì 14:6

Ənɨ bə̂d tom mbe nyaʼa zu ənû ze, mbɨ nyaʼa norə wò ə Listrà fɔrɨ ə Də̂be, nɨ nyaʼa ɨsɨ ɨŋga əbà əbeŋ ze rɨ ə Laikonià. Mbɨ nyaʼa bə̀ wò fɔrɨ ɨŋga ɨsɨ mbe nɨ nyaʼa ɨban ɨban.

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 17:1

Pɔ̂l mbɨ Sailàs nyaʼa chè ə Amfipolìs fɔrɨ ə Àpolonià wò pè ə Tèsàlonikà, nɨ yeʼ əsɨ nɨ nəb ə̀kàtɨ̀ mɨ̀Jû nyaʼa əŋgu.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 2:9

Tɨ̀ yɨ rɨ ə Patìà, rɨ ə Medìà bə̀ fɔrɨ rɨ ə Elàm; tɨ̀ yɨ rɨ ə Mèsòpòtemìà, rɨ ə Jùdeyà bə̀ fɔrɨ rɨ ə Kàpàdosìà; tɨ̀ yɨ rɨ ə Pontùs bə̀ fɔrɨ rɨ ə Esià;

Ɨ̀fàʼì 20:16

Ɨ ghɨ ni tɨ wɨ̀ chəkɨ i nyùmə̀ ə Esià, wɨ̀ nyaʼa fə nuŋ ɨŋga i fîŋ ni tə bɨrɨ chè ɨban ə Efesùs. Wɨ̀ nyaʼa kɨə zàmbɨ̀ə̀ wò ɨmbə̀ʼ ɨchî mɨ chwiə, wɨ̀ pè ə Jèrusalèm bɔŋ əni ə Pentekɔ̀s ə sɨə kùʼə̀.

Ɨ̀fàʼì 20:18

Ənɨ mbɨ nyaʼa wo əsɨ məd, wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ɨchî nɨ mə̀ nyaʼə chub əkaʼ nən ənɨ mɨ̀nyùmə̀ jìm mbe nɨ mə̀ nyaʼa mbɨ nən, kɔ rɨ əni rɨtu ze nɨ mə̀ nyaʼa pe ə Esià.

Ɨ̀fàʼì 21:29

Ɨ mbɨə nyaʼə ghà əne ɨmbə̀ʼ ɨghəm nɨ mbɨ nyaʼa zə ə Trofimùs mbɨ Pɔ̂l ə Jèrusalèm. Trofimùs yɨə nyaʼa rɨ ə Efesùs. Əne mbɨ nyaʼa kɔndɨ ni Pɔ̂l fə nɨŋ əməd mbɨ wò nyɨ ɨŋga mbàn Ŋwìə̀.

Ɨ̀fàʼì 27:2

Tɨ̀ nyaʼa nyɨ əbaŋ ɨgyɨ̀ nɨ nyaʼa yeʼe rɨ ə Àdràmitiùm, nɨ nyaʼa sɨə wo nɔ̀ʼ yènə̀ təmbɨ ɨsɨ mbe nɨ ɨbaŋ ɨgyɨ̀ ə təmbɨ ə Esià. Mbaŋə̀ mɔʼɔ nɨ ɨkum məd nyaʼə Àristakùs, nɨ nyaʼa rɨ ə Tèsàlonikà ə Màsèdonià nyaʼa mbɨ na.

Rm 16:21

Timotì nɨə fàʼə̀ mbɨ num wɨə bə̀ chàʼrɨ̀ əwən. Lusiùs mbɨ Jasɨ̀n fɔrɨ ə Sosipatà, nɨ yeʼ mbɨ ɨfurɨ, mbɨə bə̀ chàʼrɨ̀ əwən.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

Efesùs 6:21

Taikikùs, nɨ yeʼ aŋgɔb nɨ mə̀ ghaʼi kwàʼ rɨŋgəʼ, nɨ bə yeʼ wə̀d nɨə fàʼ əmbɨ Ə̀nùŋɨ̀sɨg ənɨ i fîŋ jìm, bɨrɨ gha ɨnû jìm ɨmbə̀ʼ əmɨ ɨ nən ɨmbə̀ʼ mbə̀ kyerɨ ɨchî nɨ mə yeʼə bə̀ kyerɨ əghɨ ze nɨ mɨə ghɨ̀ə̀.

Fìlipì 2:19

Ə̀nùŋɨ̀sɨg Yeso mɨ benɨ, mə bɨrɨ tom ə Timotì əsɨ nən, ɨmbə̀ʼ ɨghaʼi swi ɨŋga mɨ fîŋ ənɨ wɨ̀ wɨrɨ yeʼe pe gha ɨnû ɨ num ɨmbə̀ʼ əwən.

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

Kòlosè 4:7

Taikikùs nɨ yeʼ aŋgɔb nɨ mə̀ ghaʼi kwàʼ rɨŋgəʼ bɨrɨ gha ɨnû jìm ɨ nən ɨmbə̀ʼ əmɨ. Məd wɨə fàʼ ənɨ i fîŋ jìm. Məd yɨə bə wum aŋgɔb ə̀fàʼì ɨchî nɨ tɨə fàʼ əmbɨ Ə̀nùŋɨ̀sɨg.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

2 Timotì 1:2

Mə wɨə ŋwàʼnɨ̀ ɨ ne, àwɔ̀ Timotì, nɨ yeʼ mɨ wan nɨ mə̀ ghaʼi kwàʼ rɨŋgəʼ. Ŋwìə̀ Mbǎʼ mbɨ ə Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

2 Timotì 4:12

Mə fə tom ə Taikikùs ə Efesùs.

2 Timotì 4:20

Erastùs nyaʼa tèn əwi ə Kɔrèn. Mə nyaʼa bə̀ sàŋ ə Trofimùs ə Miletùs, ɨmbə̀ʼ ɨghəm nɨ ɨ wɨə nyaʼə wɔ̀nə̀.

Tayitùs 3:12

Ənɨ mə̀ tom ə Atemàs kɨ̀ ə Taikikùs əsɨ ne, kywɨ ənywɨ zə ni à zambɨ yeʼe kumnɨ əmɨ ə Nikopolìs, ɨmbə̀ʼ ɨghəm nɨ mə fə kàʼ ni mə bɨrɨ chub əŋgu ənɨ ə nyùmə̀ we nɨ ɨfə ə kɔ əku.

Filemɔ̀n 1:24

Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.

3 Jɔn 1:1

À yɨə mɔ̌, nɨ mə̀ yeʼ wə̀d nɨə cha ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Gayùs nɨ mə̀ ghaʼi kwàʼ rɨŋgəʼ. Mə kaŋ ghaʼ əwe ənɨ rəsìʼ.