Ɨ̀fàʼì 20:32 - Meta’

³² “Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ikan feg

³² Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 20:32 교차 참조

Mk 10:17

Ənɨ Yeso nyaʼə jwɨ̀ə̀ wò i ɨghanɨ, mbaŋə̀ mɔʼɔ nyaʼa nòrə̀ wò pè chìndɨ̀ ɨtu ɨnywɨ ɨfě ɨ bɔ, biirɨ ɨ bɔ ni, “Əchwiə̀-ɨnû chɔ̀m, mə̀ kɨə wo ghɨ ənû ə yè bɔŋ jɨg ɨ̀tènɨ̀ rɨ mì ə?”

Jn 15:3

Ɨŋgam we nɨ mə fə gha ɨ nən fə ghɨ̀ mbə zeŋ.

Jn 17:17

Ghɨ mbɨ sweŋ ə ɨnyod ɨ ne ənjìm ɨchî nɨ mbɨ kyerɨ rəsìʼ. Wə̀d mɨ kyerɨ e ɨŋgam əne yɨ ni wɨ̀ fə kyerɨ rəsìʼ.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Ɨ̀fàʼì 14:23

Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.

Ɨ̀fàʼì 14:26

Mbɨ nyaʼa nɔ̀ʼ rəŋgu wò nyɨ əbaŋ ɨgyɨ̀ baanɨ bə̀ndɨ̀ wò ə Antiɔ̀k. Antiɔ̀k yɨ əsɨ ze nɨ mbɨ nyaʼa kɔŋgɨ ə Ŋwiə̀ ɨgwɨ mɨ̀mə̌d ni wɨ̀ ghɨ ɨ̀chɔ̀m mbɨ wò faʼ ə̀fàʼì ze nɨ mbɨ cherə nɔʼ rɨ màànɨ̀.

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Ɨ̀fàʼì 15:40

Àyɨə Pɔ̂l nyaʼa chɔʼ ə Sailàs mbɨ wò ɨnɔ̂n. Bə̂d mbe nɨ nyaʼa ben ə Kristo nyaʼa kɔ̀ŋgɨ̀ ə Ŋwiə̀ ɨgwɨ mɨ̀mə̌d ni Ə̀nùŋɨ̀sɨg ghɨ ɨ̀chɔ̀m ənɨ mɨ̀mə̌d.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Ɨ̀fàʼì 9:31

À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

1 Kɔrèn 6:10

kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

Efesùs 1:14

Əzwî ə Zeŋɨ ze yɨ ənweenɨ nɨ chwiə ni tɨ̀ bɨrɨ kɔ berɨ ɨghɨ mbe nɨ Ŋwiə̀ kaʼ əmbɨ mbi bə̂d wò pè ənɨ wɨ̀ choʼ ətu mɨ̀mə̌d. Tɨ̀ yiirɨ ə Ŋwiə̀.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Efesùs 4:16

À yɨ əton məd nɨ ɨsɨ ɨnyod jìm fɔtɨ ghɨ̀ nyamnyod mɔʼ. Tɨnyê tɨə ghɨ̀ ni ɨsɨ ɨnyod jìm fɔtɨ. Əsɨ ɨnyod ə mɔʼ ə mɨ yeʼə fàʼ ɨchî chɔ̀m, ɨghaʼi bɨrɨ ghɨ ni ɨnyod jìm sɨə kwiə wò ɨmbì.

Efesùs 5:5

Mbə kyerɨ ni chəi wə̀d we nɨə ni əyi kɨ̀ mbaŋə̀ əbəŋ əbəŋ, kɨ̀ we nɨə nyɔɔnɨə, kɨ̀ we nɨə feenɨ ɨghɨ bə̂d (əne yɨə wə̀d nɨə wumnɨə mbɨ̀anèŋ) berɨ əghɨ ə mɔʼɔ nɨ wɨ̀ bɨrɨ jɨg ɨŋga ənû ɨfɔ̀n ə Kristo mbɨ ə Ŋwiə̀.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 2:7

Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

Kòlosè 3:24

Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

Mə̀Hibrù 10:14

Ənjìm əghɨ ə̀fà ə mɔʼ, wɨ̀ fə zeŋnɨ bə̂d Ŋwiə̀, mbɨ bɔ̀ŋ màànɨ̀ koŋ.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

Mə̀Hibrù 2:11

Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.