Ɨ̀fàʼì 2:40 - Meta’

⁴⁰ Pità nyaʼa ghà mɨŋgam cherə nɔnɔʼ əmbɨ mɨ̀mə̌d, kəərɨ mɨ̀mə̌d ghà ni, “Mbə̀ jwɨ rɨ ɨŋga ŋgəʼ ze nɨ bɨrɨ nyɨ ɨgwɨ ɨghəm bə̂d wɔ̂ nɨə ghɨ̀ ɨnû rɨbɔ̀ŋ.”

Ikan feg

⁴⁰ Pità ya ghàm inug nɔʼ nɔʼ inɔb pàti awɔb bə̀ boʼ ibo inɔb gha, “Mbə̀ duwə awən inga ngəʼ ze ne biri nyi igun ikəri bəd gho̰ ne ghìyə̀ inug tibɔ̀ŋ.”

Ɨ̀fàʼì 2:40 교차 참조

Matìyò 12:34

Mbə yɨə jɔ tɨ rɨbɔ̀ŋ! Mbə̀ kɨə wo gha ənû ə chɔ̀m rɨ yè nɨ mbə yeʼ bə̂d nɨə ghɨ̀ ɨnû rɨbɔ̀ŋ ə? Ɨchû wɨə ghàə̀ yeʼ ɨnû mbe nɨ yeʼ ɨŋga fîŋ.

Matìyò 16:4

Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ tə fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ ə mɔʼɔ nɨ mə̀ bɨrɨ ghɨ̀ chè rɨ ənɨ ənû ə yiirɨ ze nɨ nyaʼa ghɨ̌ ənɨ Jonà.” Wɨ̀ nyaʼa ghà əne, nɔ̀ʼ sàŋ mɨ̀mə̌d wo i.

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”

Matìyò 23:33

Mbə yɨə jɔ! Mbə yɨə kàŋ ə jɔ tɨ rɨbɔ̀ŋ! Mbə̀ kɨə wo chè rɨ yè bɔŋ vɨ rɨŋga əsɨ ɨchə ə?

Mk 8:38

Ətu ə wə̀d mɔʼɔ mɨ yeʼə nìd ɨmbə̀ʼ əmɨ fɔrɨ ɨmbə̀ʼ mɨ ɨŋgam ɨŋga ɨghəm bə̂d wɔ̂ nɨ chəi wɨə wumnɨ ə Ŋwiə̀, nɨ wɨə bə̀ ghɨ̀ yeʼ ɨnû rɨbɔ̀ŋ, njɨ ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ ə nyùmə̀ we nɨ wɨ̀ wɨrɨ yeʼe mbɨ mbi mbɨ̀aŋgɨrə̀ zeŋɨ mbɨ ɨka we nɨ Mbǎʼ naʼ ɨ bɔ ni wɨ̀ tumbɨ ɨsɨg.”

Lk 16:28

ɨmbə̀ʼ ɨghəm nɨ mə berɨ bɔŋgɔb mɨ̀tân. Wɨ̀ wo patɨ mɨ̀mə̌d, njɨ mbɨ bɨrɨ bɨ yeʼe ɨŋga əsɨ ə ŋgəʼ zɔ̂.'

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Jn 21:25

Ɨnû nɔnɔʼ cherə mbɨ əŋgu nɨ Yeso nyaʼa ghɨ̌. À kɨ nɨ mbɨ nyaʼa ŋwaʼnɨ ɨnû mbe jìm, njɨ mə kɔndɨ ni chəi ɨsɨg wɔ̂ jìm kuʼ nɨ tɨ̀ mbɨ nùŋ ɨ̀ŋwàʼnɨ̀ mbe ɨŋga.

Ɨ̀fàʼì 10:42

Wɨ̀ nyaʼa gha ɨ na ni tɨ̀ gha ɨŋgam Ŋwiə̀ əmbɨ ə bə̂d. Wɨ̀ nyaʼa bə̀ ghɨ̀ ni bə̂d kyerɨ ni məd yɨə wə̀d we nɨ Ŋwìə̀ chɔʼɔ nùŋ ni wɨ̀ saʼ bə̂d mbe nɨ yeʼ ɨkǎ mbɨ mbe nɨ fə kwɨ.

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 20:11

Ənɨ Pɔ̂l nyaʼa bə̀ndɨ̀ wò ɨŋga ətu ə nəb ze rɨkaŋ, wɨ̀ nyaʼa jɨg Ɨtarɨ Ə̀nùŋɨ̀sɨg bə̀ jɨg əghɨjɨg mbɨ ə bə̂d mbe. Wɨ̀ nyaʼa ghàmbɨ̀ mbɨ mɨ̀mə̌d wò pè ənɨ ɨtuʼ nyaʼa chɨgɨ. Ənɨ ɨtuʼ nyaʼa chɨgɨ, wɨ̀ nyaʼa nɔ̀ʼ wo i.

Ɨ̀fàʼì 20:2

Ənɨ wɨ̀ nyaʼə chè ɨŋga ɨba ɨbeŋ mbe, wɨ̀ nyaʼə yènə̀ tìmbɨ̀ ə bə̂d rɨŋga ɨsɨ mbe ənɨ mɨŋgam nɔnɔʼ. Ɨ wɨə nyaʼə ghɨ̀ əne wò pè ə Gris.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 20:9

Əjɔŋ ə mɔʼɔ nɨ ɨkum məd nyaʼə Yutikùs nyaʼa chub ɨchû windò. Ɨchî nɨ Pɔ̂l nyaʼə rəbə gham i ghamɨ, wɨ̀ nyaʼa feŋ əŋgwenɨ kǎ kǎ. Əne wɨ̀ nyaʼa feŋ tɨ ənɨ ə nəb ɨkaŋ ze nɨ pe ənɨ ɨwaŋ tad. Mbɨ nyaʼa wò yim əməd nɔ̀ ənɨ wɨ̀ fə kwɨ i.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

2 Kɔrèn 6:17

Ə̀nùŋɨ̀sɨg ə ghà ni, “Mbə̀ jwɨ rəkaʼ mɨ̀mə̌d əne ghàbrɨ̀ mbɨ mɨ̀mə̌d. Tɨ mbə̀ betɨ ə əghɨ ə mɔʼɔ ze nɨ rɨka zeŋ i, əne mə bɨrɨ wɨrɨ nɨŋ əwən.

Gàlesìyà 5:3

Mə yì ghà əmbɨ wə̀d jìm we nɨ ben ni mbɨ ne əməd ni wɨ̀ berɨ nuŋ rɨkə jìm.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

1 Tèsàlonikà 2:11

Mbə kyerɨ ə ni tɨ̀ wɨə fàʼə̀ mbɨ nən ɨchî nɨ mbǎʼ ə fàʼə̀ mbɨ mbi bɔn.

1 Timotì 4:16

We əwe ɨmbə̀ʼ e nyamnyod bə̀ we əwe ɨmbə̀ʼ ɨnû mbe nɨ àwɔ̀ ə chwiə. Yim ɨnû mbe nɨ mə̀ gha ɨ ne ɨmbə̀ʼ ɨghəm nɨ à mɨ ghɨ̀ əne, àwɔ̀ mbɨ ə bə̂d mbe nɨə zu ɨnû mbe nɨ àwɔ̀ ə ghàə̀ bɨrɨ jwɨ̀ rəŋgəʼ.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.