Ɨ̀fàʼì 2:27 - Meta’

²⁷ ɨmbə̀ʼ ɨghəm nɨ ka à bɨrɨ waʼ e əmɨ ɨŋga ɨsì kɨ̀ bè sàŋ ni e Wə̀d Zeŋɨ bɔb.

Ikan feg

²⁷ À ya ane imbə̀ʼ icheg ne chəyi àghò biri waʼ amə inga iseg. Chəyi àghò biri bə sàŋì gha ìwe Wə̀d ìzḛzḛ wì bɔb inga iseg.

Ɨ̀fàʼì 2:27 교차 참조

Matìyò 11:23

À yeʼ ɨmbə̀ʼ əwe, àwɔ̀ Kàpenàhom, mbɨ wa bɨrɨ nɔ əwe ɨkaŋ ə? Chə̂, mbɨ bɨrɨ swi əwe màʼ ɨŋga əbeŋ ɨvɨ bə̂d, ɨmbə̀ʼ ɨghəm nɨ à kɨ nɨ ɨnû yiirɨ mbe nɨ mbɨ nyaʼa ghɨ ɨŋga ne, yɨ mbɨ nyaʼa ghɨ ə Sodòm, njɨ Sodòm wɨə kɨrɨ i pè rə̀chɔ̀ŋ!

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 16:23

Ənɨ wɨ̀ nyaʼa əbeŋ ɨvɨ bə̂d, wɨ̀ nyaʼa nɔ̀ɔ̀rɨ̀ əghə zə ə Abràham əsa əgha mbɨ Lazarɔ̀s ɨban məd.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Lk 4:34

“Aa! Yeso rɨ ə Nazàret! À berɨ ənû ə ye nɨ ghɨ̀ mbɨ na ə? À wa fə yeʼe ɨmbə̀ʼ nimnɨ əwa ə? Mə kyerɨ wə̀d we nɨ àwɔ̀ yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 11:39

Ənɨ Yeso nyaʼa pè əŋgu, wɨ̀ nyaʼa ghà ni, “Mbə̀ chɨ ɨti wɔ̂!” Màta nɨ nyaʼə njàbɨ mbaŋə̀ ze nɨ nyaʼa kwɨ, nyaʼa ghà ɨ bɔ ni, “Ə̀nùŋɨ̀sɨg, mə kyerɨ ni ɨfɔ wɨə sɨə jwɨ̀ə̀, ɨmbə̀ʼ ɨghəm nɨ rə̀chɔ̀ŋ yɨ ɨni kwè nɨ wɨ̀ fə kwɨ.”

Ɨ̀fàʼì 2:26

Əne ɨghaʼi nyaʼa swi ɨŋga mɨ fîŋ, mə bə̀ ghàm mbɨ ɨghaʼi. Mɨ nyamnyod bɨrɨ wom ɨghɨ chɔ̀m mbe nɨ Ŋwìə̀ nyaʼa kàʼi,

Ɨ̀fàʼì 2:28

À fə ghɨ̀ mə kyerɨ mɨnə̂njɨ̀ ɨ̀tènɨ̀. À bɨrɨ ghɨ̀ ni mɨ fîŋ swi mbɨ ɨghaʼi əwù ze nɨ à chubɨ mbɨ num.

Ɨ̀fàʼì 2:31

Wɨ̀ nyaʼa fə zə, əne wɨ̀ nyaʼa ghà ɨmbə̀ʼ ɨchî nɨ Wə̀d we nɨ Ŋwiə̀ zɔʼɔ nyaʼa berɨ zwemə. Wɨ̀ nyaʼa bə̀ ghà ni chəi Ŋwìə̀ bɨrɨ waʼ əməd ɨŋga ɨsì fɔrɨ ni ka nyamnyod məd bɨrɨ nɔ bɔb i.

Ɨ̀fàʼì 3:14

Mbə nyaʼa ton Wə̀d Zeŋɨ nɨ Təm Kùʼnɨ̀, sɨ ghà yeʼ ni mbɨ naʼ mbaŋə̀ ze nɨ nyaʼa zwiirɨ wə̀d ɨ nən.

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

1 Kɔrèn 15:52

ənɨ ɨkə nyumə̀. Zɨə bɨrɨ ghɨ̀ ɨghabɨ ɨchî nɨ wə̀d ə gwìpə̀ əghə. Ənû zɔ̂ ə bɨrɨ ghɨ̀ ənɨ ə nyùmə̀ we nɨ tàŋ ze nɨ sɨ nwìə̀ bɨrɨ ghàm, ɨmbə̀ʼ ɨghəm nɨ tàŋ bɨrɨ ghàm, Ŋwìə̀ nɔ̀ ɨvɨ bə̂d əne chəi mbɨ bɨrɨ nɔ wɨrɨ kwɨ. Wɨ̀ bɨrɨ bɨ kwepɨ əwa.

1 Kɔrèn 15:55

“Ɨvɨ, chəi à bɨrɨ wɨrɨ baŋ bə̂d ə? Ɨvɨ, mbe mɨ̀tɨ̀g mbi ə?”

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 20:13

Rɨ̀bàà nyaʼa chɨ̀ ɨvɨ bə̂d mbe nɨ nyaʼa ɨŋga məd. Ɨvɨ mbɨ əbeŋ ɨvɨ bə̂d nyaʼa bə̀ chɨ̀ ɨvɨ bə̂d mbe nɨ nyaʼa ɨŋga mɨ̀mə̌d. Ŋwìə̀ nyaʼa saʼ mɨ̀mə̌d mɨjìm beenɨ əbɔʼ ɨnû mbe nɨ mbɨ nyaʼa ghɨ̌.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.