Ɨ̀fàʼì 2:14 - Meta’

¹⁴ Pità nyaʼa nɔ̀ʼ təm rətiə mbɨ ə bə̂d tom mbe wum chɔ̀b mɔʼ, əne ghà əmbɨ ə bə̂d mbe ənɨ ə gɨ̂ kǎ kǎ ni, “Bə̂d rɨ ə Jùdeyà mbɨ ə bə̂d mɨ̀jìm mbe nɨə chub ə Jèrusalèm, mbə̀ zu mə̀ toʼrɨ əton ənɨ ənû zɔ̂ ɨ nən.

Ikan feg

¹⁴ Pità tì bədtɔm mbin ìghum chɔ̀b imɔʼ ya nɔ̀ʼ təm titighe, nɔ̀rì ìzi gì ikaŋ, ghàm abə inɔ̰ bəd we gha, “Ìmbum məfi ne yaʼi mə̀Ju fɔrɔ wə̀d ijìm we ne chùghə inga Jèrusalèm, mbə̀ taŋ zug anug ne mə ghà.

Ɨ̀fàʼì 2:14 교차 참조

Matìyò 2:1

Mbɨ nyaʼa gywɨ ə Yeso ə Betlehem we rɨ ə Jùdeyà. Mbɨ nyaʼa gywɨ əməd ənɨ ə nyùmə̀ we nɨ Herɔ̀d nyaʼə ɨfɔ̂n. Ənɨ əgha ə nyaʼa tɔ sààrɨ̀, bə̂d mɔʼɔ nɨ nyaʼa kyerɨ ənû ɨmbə̀ʼ rɨtəmɨ nyaʼa nɔ̀ʼ rɨ əbà ze nɨ nyùmə̀ ə jwɨ̀ rəŋgu wò ə Jèrusalèm.

Ɨ̀fàʼì 1:26

Mbɨ nyaʼa kɔ̀ŋgɨ̀ əne, sɔ̀ŋ mbaŋ wɨ feŋ ɨgun ə Màtiàs. Əne mbɨ nyaʼa yì əməd əbɔʼ bə̂d tom mbe wum chɔ̀b mɔʼ.

Ɨ̀fàʼì 13:16

Pɔ̂l nyaʼa zu əne nɔ̀ʼ təm, mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà ni: “Mbɨ bɔŋgɔb, mɨ̀Izre fɔrɨ mbə̀n mbe nɨə wumnɨ ə Ŋwiə̀, mbə̀ zu.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 21:28

kyeŋ rɨkǎ ghà ni, “Mɨ̀Izre, mbə̀ weerɨ əwa! Mbaŋə̀ zɔ̂ zɨə chwiə ɨŋga ɨsɨ jìm ni bə̂d ban mɨ̀Izre, ban tɨkə rɨ Mose bə̀ ban əsɨ zɔ̂. Tɨ̀nîn wɨ̀ fə nɨŋ mbaŋə̀ nɨ kaʼi mɨ̀Jû yeʼe mbɨ rɨwən ɨŋga mbàn Ŋwìə̀. Əne mbɨ fə tìbrɨ̀ əsɨ ə zeŋɨ zɔ̂.”

Ɨ̀fàʼì 5:35

Ənɨ mbɨ nyaʼa cha mɨ̀mə̌d ɨsɨg, wɨ̀ nyaʼa ghà əmbɨ mə̀saʼ əbeŋ mbə̂ ni, “Mɨ̀Izre, mbə̀ we ə mbɨ ənû ze nɨ mbə̀ə kə̀b ghɨ̀ mbɨ ə mbaŋə̀ tɔ̂.

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.