Ɨ̀fàʼì 19:29 - Meta’

²⁹ Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ikan feg

²⁹ Kwàʼ ati, àbùrì kyen ya ko inga asiŋi ze ajìm. Mbi ya gwì Gayòs tì Àristakùs. À ya mbɔb mbe ne ya nɔ̀ʼi a Màsèdonìyà ne yaya yḛ̀ tì Pɔl. Mbi ya sìmì awɔb ghò igun ìsàmi kyen ze inga aben ze.

Ɨ̀fàʼì 19:29 교차 참조

Ɨ̀fàʼì 13:5

Ənɨ mbɨ nyaʼa pe ə Salamìs, mbɨ nyaʼa ghà ɨŋgam Ŋwiə̀ ɨŋga nəb tɨ ə̀kàtɨ̀ tɨ mɨ̀Jû. Ɨ mbɨə nyaʼə əngu mbɨ Jɔ̌n Mak nɨ nyaʼə wèèrɨ̀ə̀ mɨ̀mə̌d.

Ɨ̀fàʼì 16:12

Tɨ̀ nyaʼa nɔ̀ʼ rəŋgu wò ə Filipì, nɨ nyaʼa əsɨ ə kyeŋ əbà əbeŋ ze rɨ ə Màsèdonià. À yɨ məRom nyaʼə tùmbɨ̀ əsɨ ze. Tɨ̀ nyaʼa chub ɨni mɔʼɔ ɨŋga əsɨ ze.

Ɨ̀fàʼì 16:9

À nyaʼa ɨzimɨ we, tɨ̀taanɨ njə̀m nyaʼa chè ə Pɔ̂l, wɨ̀ zə mbaŋə̀ mɔʼɔ rɨ ə Màsèdonià nɨ nyaʼa təm buʼ ɨbɔ ɨ bɔ ghà ni, “Baanɨ yeʼe weerɨ əwa ə Màsèdonià.”

Ɨ̀fàʼì 17:8

Ənɨ bə̂d mbe rɨŋga əsɨ ze mbɨ ə bə̂d mbe nɨ nyaʼə tùmbɨ̀ əsɨ ze nyaʼa zu ənû zɔ̂, zɨə nyaʼa tɔb mɨ̀mə̌d.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 19:22

Əne wɨ̀ nyaʼa tom mbaŋə̀ rɨ̀be rəbɔʼ te nɨ nyaʼə wèèrɨ̀ əməd, əne yɨə Timotì mbɨ Erastùs, ni mbɨ wo ə Màsèdonià. Məd ziə nyaʼa chub ə Esià ənɨ əkɔb ə nyumə̀.

Ɨ̀fàʼì 19:32

Ə̀bùùrɨ̀ ə nyaʼa jwɨ̀ ɨŋga ɨfetɨ we. Mbɨ mɔʼɔ mbɨə nyaʼə kyeŋə ghà ənû ə mɔʼ, mbɨ mɔʼɔ kyeŋə ghà ənû ə cherə. Chəi bə̂d mɨ̀nɔnɔʼ nyaʼa kyerɨ əton nɨ mbɨ nyaʼa wo fetɨ.

Ɨ̀fàʼì 20:34

Mbə̀ kàŋ kyerɨ ə ni ɨbɔ mbɔ̂ mbɨə nyaʼə fàʼə̀ bə̀ nàʼ ɨghɨ mbe nɨ mɔ̌ mbɨ ə bə̂d mbe nɨ nyaʼa mbɨ num nyaʼa kwaŋɨ.

Ɨ̀fàʼì 20:4

Sopatà nɨ nyaʼə wan Pirùs tɨ ə Berià nyaʼa wò mbɨ məd. Bə̂d mɔʼɔ mbe rɨ ə Tèsàlonikà nɨ nyaʼa wo mbɨ məd yɨə nyaʼə Àristakùs mbɨ Sèkundùs. Gayùs rɨ ə Də̂be nyaʼa bə̀ wò mbɨ məd. Timotì nyaʼa bə̀ wo mbɨ məd fɔrɨ ə Taikikùs mbɨ Trofimùs nɨ nyaʼa rɨ ə Esià.

Ɨ̀fàʼì 21:30

Ə̀bùùrɨ̀ ə nyaʼa jwɨ̀ əkaʼ ə bə̂d mɨ̀jìm ə Jèrusalèm, əne mbɨ nyaʼa norə wò fetɨ, gywɨ̀ ə Pɔ̂l, sùŋ əməd chɨ̀ rɨŋga mbàn Ŋwìə̀. Mbɨ nyaʼa bə̀ wùpɨ̀ mɨchû ɨkam mbe rɨ ə mbàn Ŋwìə̀ àmei əwu əwən.

Ɨ̀fàʼì 21:38

Əne ka àwɔ̀ yɨ e wə̀d Ijìpt we nɨ nyaʼa cherə bù əchɔb, nɨŋ mə̀zwììrɨ̀-bə̂d chuʼ rɨkwè wò mbɨ mbɨwən ɨŋga ɨbad rɨkwàʼi ə?”

Ɨ̀fàʼì 27:2

Tɨ̀ nyaʼa nyɨ əbaŋ ɨgyɨ̀ nɨ nyaʼa yeʼe rɨ ə Àdràmitiùm, nɨ nyaʼa sɨə wo nɔ̀ʼ yènə̀ təmbɨ ɨsɨ mbe nɨ ɨbaŋ ɨgyɨ̀ ə təmbɨ ə Esià. Mbaŋə̀ mɔʼɔ nɨ ɨkum məd nyaʼə Àristakùs, nɨ nyaʼa rɨ ə Tèsàlonikà ə Màsèdonià nyaʼa mbɨ na.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

1 Kɔrèn 1:14

Mə wɨə nàʼə̀ məben-əwe əmbɨ ə Ŋwìə̀ ni chəi mə̀ nyaʼa naʼ mɨnib əmbɨ ə wə̀d mɔʼɔ rəbɔʼ nən chè rɨ ənɨ ə Krispùs mbɨ Gayùs.

1 Kɔrèn 4:9

Zɨə chub ɨ num ɨghabɨ ni Ŋwìə̀ fə nùŋ əwa, mbà bə̂d tom, ni tɨ̀ yeʼ bə̂d nɨ sɨ nwìə̀ ənɨ ɨwaŋ ɨmbə̀ʼ ə bə̂d zə əwa. Tɨ̀ yɨ ɨghabɨ ə bə̂d nɨ mbɨ fə sob ɨsaʼi ni mbɨ zwiirɨ mɨ̀mə̌d, ɨmbə̀ʼ ɨghəm nɨ ɨsɨg wɨə nèŋ əwa, mbɨ̀aŋgɨrə̀ mbɨə nèŋ əwa, bə̂d mɨ̀sɔŋɨchù bə̀ nèŋ əwa.

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

Filemɔ̀n 1:24

Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.

3 Jɔn 1:1

À yɨə mɔ̌, nɨ mə̀ yeʼ wə̀d nɨə cha ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Gayùs nɨ mə̀ ghaʼi kwàʼ rɨŋgəʼ. Mə kaŋ ghaʼ əwe ənɨ rəsìʼ.