Ɨ̀fàʼì 19:28 - Meta’

²⁸ Ənɨ bə̂d mbe nyaʼa zu ənû zɔ̂, mbɨ nyaʼa sə ɨtəm kwàʼ rɨŋgəʼ, kyeŋ rɨkǎ ghà ni, “Atemìs we rɨ əmbɨ məEfesùs ə kàŋ dabə!”

Ikan feg

²⁸ Anyumə̀ ne bəd mbe ya zughi anug ze ane, mbi ya taŋ gaŋ, se kyḛ ane gì ka ka gha, “Atemìs we abə mə̀Efesùs ya ŋwiye ne ka!”

Ɨ̀fàʼì 19:28 교차 참조

Matìyò 2:16

Ənɨ Herɔ̀d nyaʼa zə ni bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə tam əwi, wɨ̀ nyaʼa sə ɨtəm kwàʼ rɨŋgəʼ. Əne wɨ̀ nyaʼa chà mbi mɨ̀sɔgyɨ̀ ə Betlehem bə̀ fɔrɨ ɨŋga ɨsɨ mbe nɨ nyaʼa ɨban ɨban ni mbɨ zwiirɨ bɔn mbaŋə̀ bɔd mɨjìm mbe nɨ nyaʼa fə sɨ ɨghəm ɨwu be fɔrɨ mbe nɨ chəi mbɨ nyaʼa kɨrɨ pe ɨghəm ɨwu be. Wɨ̀ nyaʼa ghà əne beenɨ əbɔʼ nyùmə̀ we nɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa gha ɨ bɔ.

Ɨ̀fàʼì 18:19

Ənɨ mbɨ nyaʼa pe ə Efesùs, wɨ̀ nyaʼa sàŋ ə Prìsilà mbɨ Àkwilà əŋgu. Məd ziə nyaʼa wò nyɨ ɨŋga nəb ə̀kàtɨ̀ kɔ taŋɨ mbɨ mɨ̀Jû.

Ɨ̀fàʼì 19:24

Mbaŋə̀ mɔʼɔ nɨ ɨkum nyaʼə Dèmetriùs, nɨ nyaʼə kywɨ ɨghɨ ənɨ ə sɨrɨvà, nyaʼa kywɨ rɨfeenɨ mbàn rɨ ŋwìə̀-əyi we nɨ mbɨ nyaʼə tɔŋ ənɨ Atemìs. Ɨ wɨə nyaʼə kywɨə fènə̀. Əne bə̂d ə̀fàʼì məd nyaʼa berɨ ɨkab nɔnɔʼ.

Ɨ̀fàʼì 7:54

Ənɨ mə̀saʼ əbeŋ mbe nyaʼa zu ɨnû mbe nɨ Stɨfɨ̀n nyaʼə ghàə̀, mbɨ nyaʼa sə ɨtəm kwàʼ rɨŋgəʼ. Mbɨ nyaʼa sə əne, kud əsɔŋ əbɔʼ məd.

Ɨnû 12:12

Əne ɨkaŋ mbɨ wə̀d jìm we nɨ yeʼ ɨkaŋ, mbə̀ ghaʼ əwən! Àyɨə ŋgəʼ kyeŋ bɨrɨ nyɨ ɨgwɨ nən, àwɔ̀ si mbɨ rɨ̀bàà, ɨmbə̀ʼ ɨghəm nɨ Debɨ̀rə̀ we fə swiʼi yeʼe əsɨ nən mbɨ ɨsə ɨtəm kyeŋ. Wɨ̀ kyerɨ ni i nyùmə̀ fə tumnə!”

Ɨnû 13:4

Bə̂d mbɨə nyaʼa wumnɨ tɨ̀sɔ̀ʼɔ̀ jɔ ze ɨmbə̀ʼ ɨghəm nɨ zɨ nyaʼa fə nàʼ ɨka nɨ tumbɨ bə̂d əmbɨ ə nyam kyeŋ ze. Ɨ mbɨə nyaʼə bə̀ wumnɨə nyam kyeŋ ze ghàə̀ ni, “À kɨə we nɨ yeʼ ɨghabɨ ə nyam kyeŋ zɔ̂ ə? À kɨə we nɨ tɨ̀ wɨ̀ zɔ̀ŋ əməd ə?”

Ɨnû 17:13

Mbɨ bɨrɨ zɨ mbə ɨtu ənɨ mbɨ mɔʼ, əne nàʼ ɨka əmbɨ mɨ̀mə̌d bə̀ nàʼ ɨka nɨ tumbɨ bə̂d əmbɨ ə nyam kyeŋ rɨtu ze.