Ɨ̀fàʼì 19:25 - Meta’

²⁵ Wɨ̀ nyaʼa fetɨ mbi bə̂d ə̀fàʼì bə̀ fetɨ bə̂d ə̀fàʼì cherə mbe nɨ nyaʼə fàʼ ɨkwɨ ə̀fàʼì mɔʼ mbɨ məd, ghà əmbɨ mɨ̀mə̌d ni, “Mbɨ bɔŋgɔb, mbə kyerɨ ni a mbɔ̂n yɨ rɨ ənɨ ə̀fàʼì zɔ̂.

Ikan feg

²⁵ Wì ya feti ìmbi bəd àfàʼì fɔrɔ bəd ndəŋ ne yaya bə̀ fàʼà iku àfàʼì we, ghà inɔb gha, “Məmbon, mbə̰ kyèri àzən aghi gha tì we bèrè kwàʼ inun ikab nɔʼ nɔʼ ane àfàʼì azo̰.

Ɨ̀fàʼì 19:25 교차 참조

Ɨ̀fàʼì 16:19

Ənɨ bə̂d mbe nɨ nyaʼa berɨ ə̀bòʼò ze nyaʼa zə ni chəi ənɨ tɨ̀ wan əyi we wɨrɨ ghɨ̀ mbə berɨ ɨkab, mbɨ nyaʼa gywɨ̀ ə Pɔ̂l mbɨ Sailàs, sùŋ mɨ̀mə̌d wò əsam ɨwin, wò nùŋ mɨ̀mə̌d ɨfě bə̂d mbe nɨ nyaʼə tùmbɨ̀ əsɨ ze.

Ɨ̀fàʼì 19:24

Mbaŋə̀ mɔʼɔ nɨ ɨkum nyaʼə Dèmetriùs, nɨ nyaʼə kywɨ ɨghɨ ənɨ ə sɨrɨvà, nyaʼa kywɨ rɨfeenɨ mbàn rɨ ŋwìə̀-əyi we nɨ mbɨ nyaʼə tɔŋ ənɨ Atemìs. Ɨ wɨə nyaʼə kywɨə fènə̀. Əne bə̂d ə̀fàʼì məd nyaʼa berɨ ɨkab nɔnɔʼ.

Ɨ̀fàʼì 19:26

Mbə mbɨə zəə bə̀ zuə ni Pɔ̂l wɔ̂ fə fì ɨtu bə̂d bə̀ beŋ fîŋ rɨ bə̂d mɨ̀nɔnɔʼ ɨchî nɨ wɨə ghàə̀ ni ka mɨ̀ŋwìə̀ mbe nɨ mbɨ tekɨ ənɨ ɨbɔ yɨ i mɨ̀ŋwìə̀ mɔʼɔ. Ɨ wɨə ghà ənû zɔ̂ ə Efesùs bə̀ ghà ɨŋga ɨsɨ jìm mbe nɨ yeʼ əbà əbeŋ ze rɨ ə Esià.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Ɨnû 18:3

Bə̂d rɨŋga ɨbeŋ jìm fə nɔ mɨnoʼ kǎ kǎ tɨ ənɨ ɨchî nɨ wɨə ghɨ̀ ɨfabrɨ ɨnû. Mɨfɔ̂n rɨ ɨgwɨ ə si fə niirɨ əməd əbəŋ əbəŋ. Bə̂d ɨwin mɨjìm ɨgwɨ ə si fə berɨ ɨkab tɨ ənɨ ɨchî nɨ məd ə tad ɨnyod ɨŋga mbɔ̂n.”