Ɨ̀fàʼì 19:22 - Meta’

²² Əne wɨ̀ nyaʼa tom mbaŋə̀ rɨ̀be rəbɔʼ te nɨ nyaʼə wèèrɨ̀ əməd, əne yɨə Timotì mbɨ Erastùs, ni mbɨ wo ə Màsèdonià. Məd ziə nyaʼa chub ə Esià ənɨ əkɔb ə nyumə̀.

Ikan feg

²² Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Ɨ̀fàʼì 19:22 교차 참조

Ɨ̀fàʼì 13:5

Ənɨ mbɨ nyaʼa pe ə Salamìs, mbɨ nyaʼa ghà ɨŋgam Ŋwiə̀ ɨŋga nəb tɨ ə̀kàtɨ̀ tɨ mɨ̀Jû. Ɨ mbɨə nyaʼə əngu mbɨ Jɔ̌n Mak nɨ nyaʼə wèèrɨ̀ə̀ mɨ̀mə̌d.

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 16:3

Pɔ̂l nyaʼa kə̀b ni njɨ tə nɨŋ ə Timotì mbə wò ɨnɔ̂n. Əne wɨ̀ nyaʼa ne əməd ɨmbə̀ʼ ɨghəm nɨ mɨ̀Jû mɨ̀jìm mbe nɨ nyaʼa ɨŋga ɨsɨ mbe nyaʼa kyerɨ ni mbǎʼ məd yɨ rɨ ə Gris.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 20:1

Ənɨ əchɔb ze ə nyaʼa fə mì i, Pɔ̂l nyaʼa chà bə̂d ni mbɨ tɔŋ bə̂d mbe nɨ nyaʼa ben ə Kristo. Ənɨ wɨ̀ nyaʼa fə timbɨ mɨ̀mə̌d bə̀ ndàʼnɨ̀ mbɨ mɨ̀mə̌d, wɨ̀ nyaʼa nɔ̀ʼ wò ə Màsèdonià.

Ɨ̀fàʼì 20:34

Mbə̀ kàŋ kyerɨ ə ni ɨbɔ mbɔ̂ mbɨə nyaʼə fàʼə̀ bə̀ nàʼ ɨghɨ mbe nɨ mɔ̌ mbɨ ə bə̂d mbe nɨ nyaʼa mbɨ num nyaʼa kwaŋɨ.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

2 Kɔrèn 1:16

Mə wɨə nyaʼə kə̀bə̀ ni mə bɨrɨ chè mo əwən ənɨ mɨə wò ə Màsèdonià bə̀ fɔrɨ ənɨ mɨə wɨ̀rə̀ bə̀ndɨ̀ə̀, ɨmbə̀ʼ mbə̀ weerɨ chà əmɨ ənɨ mɨə wò ə Jùdeyà.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 2:13

Chəi mɨ fîŋ nyaʼa zurɨ ɨmbə̀ʼ ɨghəm nɨ chəi mə̀ nyaʼa zə wum aŋgɔb Taitùs əŋgu. Əne mə nyaʼa ndàʼnɨ̀ mbɨ ə bə̂d mbe nɔ̀ʼ wò ə Màsèdonià.

2 Kɔrèn 8:1

Mba bɔŋgɔb, tɨ̀ kə̀b ni mbə̀ kyerɨ ɨ̀chɔ̀m we nɨ Ŋwiə̀ nyaʼa ghɨ ənɨ rɨfetɨ bə̂d Kristo te rɨ əbà əbeŋ ze rɨ ə Màsèdonià.

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.

1 Tèsàlonikà 1:8

Kaʼ àmei ni ɨŋgam Ŋwiə̀ fə jàŋ rɨ nən wò ɨŋga ɨbeŋ mbe rɨ ə Màsèdonià fɔrɨ ə Àkàiyà, ənû ɨmbə̀ʼ ɨbenɨ we nɨ mbə̀ nuŋ ɨgun ə Ŋwiə̀ fə bə̀ jàŋ ɨsɨ jìm. Chəi ənû ə mɔʼɔ nɨ tɨ rɨ wɨrɨ ghà ɨmbə̀ʼ əzɨ əwən,

2 Timotì 4:20

Erastùs nyaʼa tèn əwi ə Kɔrèn. Mə nyaʼa bə̀ sàŋ ə Trofimùs ə Miletùs, ɨmbə̀ʼ ɨghəm nɨ ɨ wɨə nyaʼə wɔ̀nə̀.