Ɨ̀fàʼì 19:1 - Meta’

¹ Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

Ikan feg

¹ Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Ɨ̀fàʼì 19:1 교차 참조

Ɨ̀fàʼì 18:1

Ənɨ Pɔ̂l nyaʼa fə gham əmbɨ ɨfetɨ Àriopagùs we, wɨ̀ nyaʼa nɔ̀ʼ rɨ ə Atèns wò ə Kɔrèn.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 19:26

Mbə mbɨə zəə bə̀ zuə ni Pɔ̂l wɔ̂ fə fì ɨtu bə̂d bə̀ beŋ fîŋ rɨ bə̂d mɨ̀nɔnɔʼ ɨchî nɨ wɨə ghàə̀ ni ka mɨ̀ŋwìə̀ mbe nɨ mbɨ tekɨ ənɨ ɨbɔ yɨ i mɨ̀ŋwìə̀ mɔʼɔ. Ɨ wɨə ghà ənû zɔ̂ ə Efesùs bə̀ ghà ɨŋga ɨsɨ jìm mbe nɨ yeʼ əbà əbeŋ ze rɨ ə Esià.

Ɨ̀fàʼì 20:16

Ɨ ghɨ ni tɨ wɨ̀ chəkɨ i nyùmə̀ ə Esià, wɨ̀ nyaʼa fə nuŋ ɨŋga i fîŋ ni tə bɨrɨ chè ɨban ə Efesùs. Wɨ̀ nyaʼa kɨə zàmbɨ̀ə̀ wò ɨmbə̀ʼ ɨchî mɨ chwiə, wɨ̀ pè ə Jèrusalèm bɔŋ əni ə Pentekɔ̀s ə sɨə kùʼə̀.

Ɨ̀fàʼì 20:18

Ənɨ mbɨ nyaʼa wo əsɨ məd, wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ɨchî nɨ mə̀ nyaʼə chub əkaʼ nən ənɨ mɨ̀nyùmə̀ jìm mbe nɨ mə̀ nyaʼa mbɨ nən, kɔ rɨ əni rɨtu ze nɨ mə̀ nyaʼa pe ə Esià.

Ɨ̀fàʼì 21:29

Ɨ mbɨə nyaʼə ghà əne ɨmbə̀ʼ ɨghəm nɨ mbɨ nyaʼa zə ə Trofimùs mbɨ Pɔ̂l ə Jèrusalèm. Trofimùs yɨə nyaʼa rɨ ə Efesùs. Əne mbɨ nyaʼa kɔndɨ ni Pɔ̂l fə nɨŋ əməd mbɨ wò nyɨ ɨŋga mbàn Ŋwìə̀.

1 Kɔrèn 1:12

Ənû nɨ mɨə ghàə̀ yɨ ni wɨ mɔʼ rəbɔʼ nən wɨə ghàə̀ ni tə wɨə beenɨ əbɔʼ ə Pɔ̂l, wɨ cherə wɨə ghàə̀ ni tə wɨə beenɨ əbɔʼ ə Àpolòs, wɨ cherə wɨə ghàə̀ ni tə wɨə beenɨ əbɔʼ ə Sefàs, wɨ cherə wɨə bə̀ yɨə ghàə̀ ni tə wɨə beenɨ əbɔʼ ə Kristo.

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

1 Kɔrèn 16:12

À yeʼ ɨmbə̀ʼ wa aŋgɔb Àpolòs, mə̀ wɨə nyaʼə kàŋə̀ ghà ɨ bɔ ni məd mbɨ ə bɔŋgɔb cherə yeʼe əsɨ nən. Chəi wɨ̀ kə̀b nɨ yeʼe tɨ̀nîn, àyɨə wɨ̀ bɨrɨ yeʼe ənɨ ə nyùmə̀ we nɨ wɨ̀ berɨ əpan.

1 Kɔrèn 16:8

Àyɨə rɨ̀nîn, mə bɨrɨ kɨrɨ chub ə Efesùs pè əni ə Pentekɔ̀s,

1 Kɔrèn 4:6

Tɨ̀nîn, kyɨə bɔŋgɔb, mə fə nɨŋ mɨ ənû mbɨ əzɨ Àpolòs ɨghabɨ əmɨgɨ. Mə nɨŋ əne ɨmbə̀ʼ weerɨ əwən, ɨmbə̀ʼ mbə̀ kwembɨ ənû rɨ na ɨmbə̀ʼ ɨŋgam we nɨə ghàə̀ ni, “Mbə̀ ghɨ àmei ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀.” Mbə mɨ ghɨ̀ əne, chəi mbə̀ bɨrɨ nɔ wə̀d mɔʼ, əne tə̀ə̀nɨ̀ wɨ cherə.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.