Ɨ̀fàʼì 18:4 - Meta’

⁴ Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ikan feg

⁴ Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 18:4 교차 참조

Lk 16:31

Abràham nyaʼa ghà ɨ bɔ ni, 'À mɨ yeʼ ni chəi mbɨ zu ɨnû mbe nɨ Mose mbɨ ə bə̂d ɨ̀kə̀n Ŋwiə̀ ə ghàə̀, njɨ ka wə̀d mɔʼɔ bè zwemə wò ghàm əmbɨ mɨ̀mə̌d, chəi mbɨ bɨrɨ benɨ.'”

Lk 4:16

Yeso nyaʼa wò ə Nazàret, nɨ yeʼ əsɨ ze nɨ wɨ̀ nyaʼa kwi əŋgu. À nyaʼa ɨgwɨ əni əkwɨ mɨ̀Jû, wɨ̀ nyaʼa wò ɨŋga nəb ə̀kàtɨ̀ ze rɨ əsɨ ze, ɨchî nɨ wɨ̀ nyaʼa mɨ̀ə̀ ghɨ̀ə̀. Wɨ̀ nyaʼa nɔ̀ʼ təm rətiə ɨ foŋ ɨŋgam Ŋwiə̀,

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 13:14

Mbɨ nyaʼa nɔ̀ʼ rɨ ə Pegà wò ə Antiɔ̀k we nɨ nyaʼa ɨŋga əbà əbeŋ ze rɨ ə Pisidià. À nyaʼa sɨ əni əkwɨ mɨ̀Jû, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû pè chub ə si.

Ɨ̀fàʼì 14:1

Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 17:17

Əne wɨ̀ nyaʼa wò kɔ taŋ ɨŋga nəb ə̀kàtɨ̀ ze mbɨ mɨ̀Jû fɔrɨ mbɨ ə bə̂d mbe nɨ kaʼi mɨ̀Jû nɨ nyaʼa nùŋ fîŋ ɨgun ə Ŋwiə̀. Wɨ̀ nyaʼə bə̀ tàŋ əsam ɨwin ɨni jìm mbɨ ə bə̂d mbe nɨ nyaʼə wò əŋgu.

Ɨ̀fàʼì 18:13

Mbɨ nyaʼa pè əŋgu ghà ni, “Mbaŋə̀ zɔ̂ zɨə fi ɨtu bə̂d ni mbɨ wumnɨ ə Ŋwiə̀ ənɨ mɨnə̂njɨ̀ nɨ chəi ɨŋga ta rɨkə.”

Ɨ̀fàʼì 18:19

Ənɨ mbɨ nyaʼa pe ə Efesùs, wɨ̀ nyaʼa sàŋ ə Prìsilà mbɨ Àkwilà əŋgu. Məd ziə nyaʼa wò nyɨ ɨŋga nəb ə̀kàtɨ̀ kɔ taŋɨ mbɨ mɨ̀Jû.

Ɨ̀fàʼì 19:26

Mbə mbɨə zəə bə̀ zuə ni Pɔ̂l wɔ̂ fə fì ɨtu bə̂d bə̀ beŋ fîŋ rɨ bə̂d mɨ̀nɔnɔʼ ɨchî nɨ wɨə ghàə̀ ni ka mɨ̀ŋwìə̀ mbe nɨ mbɨ tekɨ ənɨ ɨbɔ yɨ i mɨ̀ŋwìə̀ mɔʼɔ. Ɨ wɨə ghà ənû zɔ̂ ə Efesùs bə̀ ghà ɨŋga ɨsɨ jìm mbe nɨ yeʼ əbà əbeŋ ze rɨ ə Esià.

Ɨ̀fàʼì 19:8

Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 26:28

Agripà nyaʼa biirɨ əmbɨ Pɔ̂l ni, “À kɔndɨ ni à we tɨ̀ à nɨŋ àmei ɨkə nyumə̀ bèŋ əmɨ ənɨ wə̀d Kristo ə?”

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

2 Kɔrèn 5:11

Tɨ̀ kyerɨ əton ɨmbə̀ʼ ənû nɨ wumnɨ Ə̀nùŋɨ̀sɨg, əne tɨ̀ wɨə kywɨ ənywɨ ɨ ghɨ ni bə̂d cherə bə kyerɨ. Ŋwiə̀ fə kyerɨ əwa màànɨ̀, əne mə kyerɨ ni mbə fə bə̀ kyerɨ ənû zɔ̂ tə fîŋ zeŋ.