Ɨ̀fàʼì 18:21 - Meta’

²¹ Àyɨə ənɨ wɨ̀ nyaʼa sɨə wo ə, wɨ̀ nyaʼa kàʼ mɨ̀mə̌d ni, “Ŋwìə̀ mɨ benɨ, mə bɨrɨ wɨrɨ yeʼe əsɨ nən.” Ənɨ wɨ̀ nyaʼa ghà əne, wɨ̀ nyaʼa nyɨ əbaŋ ɨgyɨ̀ nɔʼ rɨ ə Efesùs.

Ikan feg

²¹ Si ya gha, anyumə̀ ne wì ya nɔ̀ʼi se ghò yi, wì ya kàʼ awɔb gha, “Ŋwiye mə bḛ, mə biri ywiri yeʼe mùg awən.” Anyumə̀ ne wì ya gha ane, wì ya nyi inga abaŋ igyi nɔ̀ʼ a Efesùs.

Ɨ̀fàʼì 18:21 교차 참조

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Mk 6:46

Ənɨ wɨ̀ nyaʼa fə ndàʼnɨ mbɨ mɨ̀mə̌d, wɨ̀ nyaʼa kɔʼ wò ɨkaŋ ɨwum ɨ kɔŋgɨ ə Ŋwiə̀.

Lk 9:61

Wɨ̀ cherə nyaʼa ghà ni, “Mə bɨrɨ beenɨ əbɔʼ ne, kyɨ Ə̀nùŋɨ̀sɨg, àyɨə sɨ mə be wò ndàʼnɨ̀ mbɨ ə bə̂d mbe nɨ yeʼ əkwɨ num.”

Ɨ̀fàʼì 15:29

Ɨnû mbe yɨ ni tɨ mbə̀ jɨg ə tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ, tɨ mbə̀ jɨg ə ənəm, tɨ mbə̀ kud ə nyam te nɨ mbɨ sweenɨ, mbɨ ni tɨ mbə̀ ghɨ̀ ə ɨfabrɨ-ɨnû. Mbə bɨrɨ ghɨ̀ ənû ə chɔ̀m əwù ze nɨ chəi mbə̀ ghɨ ɨnû mbɔ̂. Mbə̀ chub ɨchî chɔ̀m.”

Ɨ̀fàʼì 18:19

Ənɨ mbɨ nyaʼa pe ə Efesùs, wɨ̀ nyaʼa sàŋ ə Prìsilà mbɨ Àkwilà əŋgu. Məd ziə nyaʼa wò nyɨ ɨŋga nəb ə̀kàtɨ̀ kɔ taŋɨ mbɨ mɨ̀Jû.

Ɨ̀fàʼì 18:20

Ənɨ mbɨ nyaʼa gha ɨ bɔ ni wɨ̀ chub ənɨ əgha nɨ tɔ yi sààrɨ̀, wɨ̀ nyaʼa ton i.

Ɨ̀fàʼì 18:24

À nyaʼa ənɨ ə nyùmə̀ we, Jû mɔʼɔ nɨ ɨkum məd nyaʼə Àpolòs nyaʼa wò ə Efesùs. Mbɨ nyaʼa gywɨ əməd ə Àlèzandrià. Wɨ̀ nyaʼa berɨ ɨŋgam ɨchû bə̀ kyerɨ ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀ kwàʼ ɨchî chɔ̀m.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 20:16

Ɨ ghɨ ni tɨ wɨ̀ chəkɨ i nyùmə̀ ə Esià, wɨ̀ nyaʼa fə nuŋ ɨŋga i fîŋ ni tə bɨrɨ chè ɨban ə Efesùs. Wɨ̀ nyaʼa kɨə zàmbɨ̀ə̀ wò ɨmbə̀ʼ ɨchî mɨ chwiə, wɨ̀ pè ə Jèrusalèm bɔŋ əni ə Pentekɔ̀s ə sɨə kùʼə̀.

Ɨ̀fàʼì 21:14

Ɨchî nɨ chəi ənɨ tɨ̀ rɨ̀ nyaʼa kwepɨ ənû ze nɨ nyaʼa ɨŋga fîŋ məd, tɨ̀ nyaʼa sàŋ, əne ghà ni, “Ə̀nùŋɨ̀sɨg ghɨ̀ ənû ze nɨ wɨ̀ kəbɨ.”

Ɨ̀fàʼì 21:29

Ɨ mbɨə nyaʼə ghà əne ɨmbə̀ʼ ɨghəm nɨ mbɨ nyaʼa zə ə Trofimùs mbɨ Pɔ̂l ə Jèrusalèm. Trofimùs yɨə nyaʼa rɨ ə Efesùs. Əne mbɨ nyaʼa kɔndɨ ni Pɔ̂l fə nɨŋ əməd mbɨ wò nyɨ ɨŋga mbàn Ŋwìə̀.

Rm 1:10

Mə wɨə kɔ̀ŋgɨ̀ə̀ nɔnə ni, wɨ̀ mɨ benɨ, mə we tɨ̀ mə yeʼe əsɨ nən.

Rm 15:32

Mbə̀ ghɨ əne, ɨmbə̀ʼ Ŋwìə̀ mɨ benɨ, mə we tɨ̀ mə yeʼe əsɨ nən mbɨ ɨghaʼi, mbə ghɨ̀ mɨ fîŋ zùtɨ̀.

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

1 Kɔrèn 16:7

Mɨ rɨka kə̀b əmɨ nɨ zə əwən tɨ̀nîn ənɨ mɨə chèə̀. Mə̀ kàŋ kə̀b chubɨ mbɨ nən ənɨ əgha nɨ tɔ saarɨ, əne yɨ əwù ze nɨ Ə̀nùŋɨ̀sɨg benɨ.

1 Kɔrèn 16:8

Àyɨə rɨ̀nîn, mə bɨrɨ kɨrɨ chub ə Efesùs pè əni ə Pentekɔ̀s,

1 Kɔrèn 4:19

Àyɨə Ŋwìə̀ mɨ benɨ, mə bɨrɨ zambɨ yeʼe əsɨ nən. Mə mɨ yeʼe, mə bɨrɨ pe nwèndɨ̀ ɨnû mbe nɨ bə̂d mbe nɨə seenɨ ə ghàə̀, bə̀ nwèndɨ̀ ɨka we nɨ mbɨ berɨ.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Mə̀Hibrù 6:3

Ŋwìə̀ mɨ benɨ, tɨ̀ bɨrɨ saŋ ɨnû mbɔ̂ wo ɨmbì.

Jems 4:15

Njɨ mbə̀ kə̀ʼ ghà yeʼ ni, “Ə̀nùŋɨ̀sɨg mɨ benɨ, tɨ̀ bɨrɨ chub ɨkǎ ghɨ ənû zɔ̂ kɨ̀ əzɨ ə cherə.”

1 Pità 3:17

ɨmbə̀ʼ ɨghəm nɨ zɨə bɔ̀ŋ ni mbə zə ŋgəʼ ɨmbə̀ʼ ɨchî nɨ mbə̀ə ghɨ̀ ɨ̀chɔ̀m ɨchî nɨ Ŋwiə̀ kəbɨ, chè ɨchî nɨ zə ŋgəʼ ənɨ mbə̀ə ghɨ ɨnû rɨbɔ̀ŋ.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 2:1

Ə̀nùŋɨ̀sɨg Yeso nyaʼa gha ɨ num ni, “Ŋwaʼnɨ əmbɨ aŋgɨrə̀ we nɨə nəŋgɨ ɨfetɨ bə̂d Kristo we rɨ ə Efesùs ni: “Wə̀d we nɨ yim rɨtəmɨ te sambe ɨŋga e əbɔ ə jɨgɨ, nɨə yèn əkaʼ ɨghɨ mbe sambe nɨ mbɨə te ɨnam ɨgun, nɨ mbɨ tekɨ ənɨ ə gôl, ə ghà ni,