Ɨ̀fàʼì 18:15 - Meta’

¹⁵ Àyɨə ɨchî nɨ mbə̀ə tàŋ ɨmbə̀ʼ mɨŋgam bə̀ tàŋ ɨmbə̀ʼ rɨkum bə̀ tàŋ ɨmbə̀ʼ tə rɨkə, mbə̀ neŋ ənû rəŋgu mbənə mbənə. Ka mə bɨrɨ ben əmɨ nɨ saʼ ɨnû ɨghabɨ mbɔ̂!”

Ikan feg

¹⁵ Icheg ne à ya anug imbə̀ʼ tìngam tì tikum fɔrɔ ìmbən mə̀nɔ̀ʼɔ̀, mbə̀ tangi àzən anug mbə̰ mbə̰. Chəyi mə̀ biri bḛ ni saʼ inug icheg mbo̰.”

Ɨ̀fàʼì 18:15 교차 참조

Matìyò 27:24

Ənɨ Pailèt nyaʼa zə ni chəi ənû ə mɔʼɔ nɨ tɨ̀ rə nyaʼa wɨrɨ ghɨ̀, àmei ni tə mɨ wò ɨmbì, əchɔb ə bɨrɨ gù, wɨ̀ nyaʼa nɨŋ mɨnib sò mbi ɨbɔ ɨfě ɨnɔ̂n bə̂d we ghà ni, “Chəi mə berɨ əbɔ ənɨ ɨvɨ mbaŋə̀ zɔ̂! Ɨsaʼi yɨ wən!”

Matìyò 27:4

Wɨ̀ nyaʼa nàʼ əne ghà ni, “Mə fə ghɨ̀ ənû rɨbɔ̀ŋ ɨchî nɨ mə̀ fen wə̀d nɨ chəi wɨ̀ gu ənû.” Mbɨ nyaʼa wììrɨ̀ ni, “Əze ə berɨ ənû ə ye nɨ ghɨ̀ mbɨ nà ə? À yɨ e ɨsaʼi!”

Jn 18:31

Pailèt nyaʼa ghà əmbɨ mɨ̀mə̌d ni, “Mbə̀ nɨŋ əməd mbənə mbənə wò saʼ əməd ɨchî nɨ tə rɨkə chwiə.” Bə̂d mbe nɨ nyaʼə tekɨ ɨnû ɨŋga əbəŋ mɨ̀Jû nyaʼa wììrɨ̀ ɨ bɔ ni, “Chəi ta rɨkə chwiə nɨ tɨ̀ zwiirɨ wəd.”

Ɨ̀fàʼì 18:13

Mbɨ nyaʼa pè əŋgu ghà ni, “Mbaŋə̀ zɔ̂ zɨə fi ɨtu bə̂d ni mbɨ wumnɨ ə Ŋwiə̀ ənɨ mɨnə̂njɨ̀ nɨ chəi ɨŋga ta rɨkə.”

Ɨ̀fàʼì 23:29

Mə nyaʼa pè zə ni mbɨ nyaʼa zɨ̀ ɨsaʼi ɨgwɨ məd ɨmbə̀ʼ ɨnû mɔʼɔ mbe nɨ de tɨkə tɨ mɨ̀mə̌d, àyɨə chəi ənû ə mɔʼɔ nɨ wɨ̀ nyaʼa ghɨ̌ nɨ tɨ̀ mbɨ zwiirɨ əməd kɨ̀ nɨ tɨ̀ mbɨ zɨ̀ əməd ə ndəŋ.

Ɨ̀fàʼì 25:11

Əne mə mɨ fə ghɨ̀ ɨnû rɨbɔ̀ŋ, kɨ̀ mə fə gù ənû ə mɔʼɔ nɨ tɨ̀ mbɨ zwiirɨ əmɨ, chəi mə̀ ton nɨ kwɨ. Àyɨə ɨchî nɨ chəi rəsìʼ ɨŋga ɨnû mbɔ̂ nɨ mbɨ zɨ ɨgwɨ num, chəi wə̀d mɔʼɔ nɨ tɨ̀ wɨ̀ nàʼ əmɨ əmbɨ mɨ̀mə̌d. Mə kə̀b ni Kaisà saʼ ɨsaʼi wɔ̂.”

Ɨ̀fàʼì 25:19

Ɨ mbɨə nyaʼə tàŋə̀ mbɨ məd ɨmbə̀ʼ ɨnû nɨ dè ənû ə ŋwiə̀ mɨ̀mə̌d fɔrɨ ɨmbə̀ʼ mbaŋə̀ mɔʼɔ nɨ ɨkum məd nyaʼə Yeso, nɨ nyaʼa fə kwɨ, àyɨə Pɔ̂l wɨə ghàə̀ ni ɨ wɨ ɨkǎ.

Ɨ̀fàʼì 26:3

ɨmbə̀ʼ ɨghəm nɨ mə̀ kyerɨ ni à kàŋ jeŋgɨ kyerɨ mɨchî mɨ̀Jû mɨ̀jìm bə̀ kyerɨ ɨnû mbe nɨ mbɨə tàŋ rɨ ɨgun. Əne mə wɨə buʼ ɨbɔ ɨ ne ni à yim fîŋ zwetɨ ənû ze nɨ mə bɨrɨ ghà.

1 Timotì 1:4

Gha əmbɨ mɨ̀mə̌d ni tɨ mbɨ wɨrɨə gha ə tɨpoʼ əko mbɨ ənû ɨmbə̀ʼ tɨwaŋ bə̂d nɨ chəi ɨnwǐ. Ɨnû mbɔ̂ mbɨə ghɨ̀ə̀ ni bə̂d taŋ ə. Chəi tàŋ ə ghɨ̀ ni bə̂d ghɨ ɨnû mbe nɨ Ŋwìə̀ kəbɨ. Bə̂d bɨrɨ kyerɨ ɨnû mbe nɨ Ŋwìə̀ kəbɨ àmei ənjìm ɨbenɨ.

1 Timotì 6:4

wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

2 Timotì 2:23

Tɨrə̀ berɨ e ənû ə mɔʼɔ nɨ ghɨ mbɨ ɨnû əneŋ mbe nɨ bə̂d ə tàŋ ɨmbə̀ʼ mbɨwən, nɨ chəi ɨwe ɨŋga. À fə bè kyerɨ e ni taŋ te tɨə yeʼe mbɨ əchɔb.

Tayitùs 3:9

Tɨrə̀ berɨ e ənû ə mɔʼɔ nɨ ghɨ mbɨ ɨnû ɨneŋ mbe nɨ bə̂d ə taŋ ɨmbə̀ʼ mbɨwən: Mbɨ yɨ ɨnû nɨ ghàm ɨmbə̀ʼ tɨwaŋ bə̂d nɨ chəi ɨnwǐ, ɨnû nɨ ghabrɨ bə̂d mbɨ ɨnû nɨ taŋ ɨmbə̀ʼ ɨnû mbe nɨ tɨkə ə ghàə̀. Chəi njìm ənɨ ɨnû mbɔ̂. Chəi mbɨ bɨrɨ bɨ weerɨ wə̀d mɔʼɔ.