Ɨ̀fàʼì 17:11 - Meta’

¹¹ Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ikan feg

¹¹ Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.

Ɨ̀fàʼì 17:11 교차 참조

Matìyò 13:23

Ɨghɨ mbe nɨ nyaʼa feŋ ɨgwɨ ə si chɔ̀m yɨ ɨghabɨ ə bə̂d mbe nɨ zu ɨŋgam we, ɨtu mɨ̀mə̌d zeŋ, əne mbɨ kɔ rɨtamɨ, mbɨ mɔʼɔ kɔ rɨtam ɨkɨ fibɨ̀, mbɨ mɔʼɔ ɨwum rɨ̀fuə, mbɨ mɔʼɔ ɨwum tad.”

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Lk 11:3

Naʼ ɨghɨjɨg nɨ kuʼnɨ na ɨni jìm.

Lk 16:29

Àyɨə Abràham nyaʼa ghà ni, 'Mose mbɨ ə bə̂d ɨ̀kə̀n Ŋwiə̀ cherə mbɨ əŋgu. Mbɨ zu ɨnû mbe nɨ mbɨə ghàə̀.'

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 3:21

Àyɨə bə̂d mbe nɨə ghɨ̀ ɨnû nɨ kuʼnɨ mbɨə wò ɨŋga ɨzeŋɨ zeŋɨ ɨmbə̀ʼ bə̂d zə ni à yɨə Ŋwìə̀ ə nàʼ ɨka ni mbɨ ghɨ ɨnû mbe nɨ mbɨə ghɨ̀ə̀.”

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Ɨ̀fàʼì 11:1

Bə̂d tom Kristo mbɨ ə bə̂d mbe rɨ ə Jùdeyà nɨ nyaʼa ben ə Kristo nyaʼa zu ni bə̂d mbe nɨ kaʼi mɨ̀Jû fə bə̀ ben ɨŋgam Ŋwiə̀.

Ɨ̀fàʼì 17:1

Pɔ̂l mbɨ Sailàs nyaʼa chè ə Amfipolìs fɔrɨ ə Àpolonià wò pè ə Tèsàlonikà, nɨ yeʼ əsɨ nɨ nəb ə̀kàtɨ̀ mɨ̀Jû nyaʼa əŋgu.

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

2 Tès 2:10

Wɨ̀ bɨrɨ nɨŋ tɨkwɨrɨ ɨnə̂njɨ̀ rɨbɔ̀ŋ jìm tambɨ bə̂d mbe nɨ bɨrɨ nim ɨmbə̀ʼ ɨghəm nɨ chəi mbɨ ben rəsìʼ ɨmbə̀ʼ Ə̀nùŋɨ̀sɨg Yeso ɨmbə̀ʼ jwɨ rəŋgəʼ.

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.