Ɨ̀fàʼì 16:9 - Meta’

⁹ À nyaʼa ɨzimɨ we, tɨ̀taanɨ njə̀m nyaʼa chè ə Pɔ̂l, wɨ̀ zə mbaŋə̀ mɔʼɔ rɨ ə Màsèdonià nɨ nyaʼa təm buʼ ɨbɔ ɨ bɔ ghà ni, “Baanɨ yeʼe weerɨ əwa ə Màsèdonià.”

Ikan feg

⁹ Àsi izimi we, anatì njə̀m mɔ̀ʼɔ ya chè Pɔl. Wì ya bàd mbaŋà mɔ̀ʼɔ inga anatì njə̀m ze ne ya təmi se bòʼo ibo ghà ibo gha, “Bani yèʼe wètì awa a Màsèdonìyà.”

Ɨ̀fàʼì 16:9 교차 참조

Ɨ̀fàʼì 10:3

À nyaʼa ɨghabɨ mɨ̀nyùmə̀ mɨ̀tad əziə əni ə mɔʼɔ, tɨ̀taanɨ njə̀m nyaʼa chè əməd, wɨ̀ zə aŋgɨrə̀ Ŋwìə̀ nɨ nyaʼa wò kààrɨ̀ əməd ni, “Kɔneliùs!”

Ɨ̀fàʼì 10:30

Kɔneliùs nyaʼa ghà ni, “À nyaʼa ɨghabɨ ə nyùmə̀ wɔ̂, ənɨ ɨni fə chè ɨkwè, mə̀ wɨə nyaʼə kɔ̀ŋgɨ̀ ə Ŋwiə̀ ɨŋga mɨ nəb ənɨ mɨ̀nyùmə̀ mɨ̀tad əziə. Mə̀ nɨ zə, mbaŋə̀ mɔʼɔ nɨ nyaʼa zɨ ngywɨ̌ nɨə teenɨə nyaʼa sàʼ təm ənɨ mɨ ɨfě.

Ɨ̀fàʼì 16:10

Ənɨ Pɔ̂l nyaʼa zə tɨ̀taanɨ njə̀m ze, tɨ̀ nyaʼa tekɨ ɨnyod əwu əwən ɨ wo ə Màsèdonià, ɨmbə̀ʼ ɨghəm nɨ tɨ̀ nyaʼa kyerɨ ni Ŋwìə̀ fə tɔŋ əwa ni tɨ̀ wo ghà ɨkə̂n chɔ̀m əmbɨ ə bə̂d mbe rəŋgu.

Ɨ̀fàʼì 16:12

Tɨ̀ nyaʼa nɔ̀ʼ rəŋgu wò ə Filipì, nɨ nyaʼa əsɨ ə kyeŋ əbà əbeŋ ze rɨ ə Màsèdonià. À yɨ məRom nyaʼə tùmbɨ̀ əsɨ ze. Tɨ̀ nyaʼa chub ɨni mɔʼɔ ɨŋga əsɨ ze.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 19:22

Əne wɨ̀ nyaʼa tom mbaŋə̀ rɨ̀be rəbɔʼ te nɨ nyaʼə wèèrɨ̀ əməd, əne yɨə Timotì mbɨ Erastùs, ni mbɨ wo ə Màsèdonià. Məd ziə nyaʼa chub ə Esià ənɨ əkɔb ə nyumə̀.

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 20:1

Ənɨ əchɔb ze ə nyaʼa fə mì i, Pɔ̂l nyaʼa chà bə̂d ni mbɨ tɔŋ bə̂d mbe nɨ nyaʼa ben ə Kristo. Ənɨ wɨ̀ nyaʼa fə timbɨ mɨ̀mə̌d bə̀ ndàʼnɨ̀ mbɨ mɨ̀mə̌d, wɨ̀ nyaʼa nɔ̀ʼ wò ə Màsèdonià.

Ɨ̀fàʼì 20:3

Wɨ̀ nyaʼa chub əŋgu əmɨg ətad. Ənɨ wɨ̀ nyaʼə tekɨ ɨnyod nɨ baanɨ wo ə Sirià, wɨ̀ nyaʼa zu ni mɨ̀Jû mɔʼɔ mbɨə nyaʼə taŋ mɨnaŋ ɨmbə̀ʼ zwiirɨ əwi, əne wɨ̀ nyaʼa nuŋ ɨŋga i fîŋ ni tə bɨrɨ bəndɨ wo che ə Màsèdonià bɔŋ sɨə wò ə Sirià.

Ɨ̀fàʼì 27:2

Tɨ̀ nyaʼa nyɨ əbaŋ ɨgyɨ̀ nɨ nyaʼa yeʼe rɨ ə Àdràmitiùm, nɨ nyaʼa sɨə wo nɔ̀ʼ yènə̀ təmbɨ ɨsɨ mbe nɨ ɨbaŋ ɨgyɨ̀ ə təmbɨ ə Esià. Mbaŋə̀ mɔʼɔ nɨ ɨkum məd nyaʼə Àristakùs, nɨ nyaʼa rɨ ə Tèsàlonikà ə Màsèdonià nyaʼa mbɨ na.

Ɨ̀fàʼì 9:38

Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.”

Rm 15:26

Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 12:7

Ɨ ghɨ ni tɨ mə nɔ əmɨ ɨnyod ɨmbə̀ʼ ɨnû yiirɨ kyeŋ mbe nɨ Ŋwìə̀ nyaʼa chwi ɨ num, wɨ̀ nyaʼa zɨ əwɔn ɨŋga mɨ nyamnyod, nɨ yeʼ əghɨ nɨ Satàn nyaʼa tom ni zɨə chə əmɨ, ɨmbə̀ʼ tɨ mə nɔ əmɨ ɨnyod.

2 Kɔrèn 7:5

Ka àbei ənɨ tɨ̀ nyaʼa pe ə Màsèdonià, chəi nyaʼa i ə̀zwììrɨ̀ ɨ na, àyɨə tɨ̀ wɨə nyaʼə zə ŋgəʼ ənɨ ɨkwɨ ɨnə̂njɨ̀ jìm. Tɨ̀ wɨə nyaʼə tàŋə̀ mbɨ ə bə̂d. Ɨbɔɔ nyaʼa bə̀ swi ɨŋga ta fîŋ.

2 Kɔrèn 8:1

Mba bɔŋgɔb, tɨ̀ kə̀b ni mbə̀ kyerɨ ɨ̀chɔ̀m we nɨ Ŋwiə̀ nyaʼa ghɨ ənɨ rɨfetɨ bə̂d Kristo te rɨ əbà əbeŋ ze rɨ ə Màsèdonià.

2 Kɔrèn 9:2

Mə kyerɨ ni mbə kàŋ ghaʼ nɨ wèèrɨ̀, əne mə wɨə goŋ ɨgɔ̂ ɨmbə̀ʼ əwən əmbɨ ə bə̂d Kristo mbe nɨ yeʼ ə Màsèdonià. Mə wɨə ghà əmbɨ mɨ̀mə̌d ni bə̂d Kristo mbe nɨ yeʼ ə Àkàiyà nyaʼa fə tekɨ ə ɨnyod nɨ naʼ ə̀wèèrɨ̀ ze nɔʼ tɨ rɨ əghəm əwu. Ɨchî nɨ mbə̀ ghaʼ nɨ naʼ ə̀wèèrɨ̀ ze ə fə ŋwè bə̂d mɨ̀nɔnɔʼ əkaʼ mɨ̀mə̌d ni mbɨ bə wèèrɨ̀.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.