Ɨ̀fàʼì 16:5 - Meta’

⁵ Əze ə nyaʼa ghɨ̀ ni bə̂d rɨŋga tɨfetɨ bə̂d Kristo berɨ ɨbenɨ nɨ kaanɨ. Ɨnun bə̂d mbe nɨ nyaʼa ben ə Kristo wɨə nyaʼə nɔʼrɨə wò ɨmbì ɨni jìm.

Ikan feg

⁵ Ane, ibḛfiŋ abə bəd inga tifeti bəd Kristo te tijìm ya təm kà. Inun bəd ne yaya bḛ Kristo yaya yètè igun ineg.

Ɨ̀fàʼì 16:5 교차 참조

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 12:24

Ɨŋgam Ŋwiə̀ wɨə nyaʼə jàŋə̀ wò ɨmbì. Bə̂d mɨ̀nɔnɔʼ nyaʼa zu benɨ.

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 4:4

Àyɨə bə̂d mɨ̀nɔnɔʼ rəbɔʼ mbe nɨ nyaʼa zu ɨŋgam Ŋwiə̀ we, nyaʼa ben ə Kristo. Ɨnun mbaŋə̀ nyaʼa pè ɨghabɨ ə chuʼ rɨtân.

Ɨ̀fàʼì 5:14

Mɨnɔ̂n mbaŋə̀ mbɨ məyi mbɨə nyaʼə fɔtɨ əbɔʼ bə̂d mbe nɨ nyaʼa ben Ə̀nùŋɨ̀sɨg, əne ɨnɔ̂n mɨ̀mə̌d wɨə nyaʼə sɨə nɔʼrɨə wò ɨmbì.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Ɨ̀fàʼì 9:31

À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Kòlosè 2:6

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.