Ɨ̀fàʼì 16:23 - Meta’

²³ Ənɨ mbɨ nyaʼa som mɨ̀mə̌d kwàʼ ɨchî rɨbɔ̀ŋ, mbɨ nyaʼa wò zɨ̀ mɨ̀mə̌d ə ndəŋ. Mbɨ nyaʼa ghà əmbɨ wə̀d we nɨə nəŋgɨə nəb ndəŋ ze ni wɨ̀ jeŋgɨ nəŋgɨ mɨ̀mə̌d.

Ikan feg

²³ Anyumə̀ ne mbi ya fə jə̰ awɔb kwàʼ icheg chɔm, mbi ya niŋ awɔb ghò zì inga nəb ndəŋ . Mbi ya ghà abə wə̀d we ne kyèʼrè nəb ndəŋ ze gha wì taŋ kyèʼrì awɔb.

Ɨ̀fàʼì 16:23 교차 참조

Matìyò 26:48

Wə̀d we nɨ nyaʼa fen ə Yeso nyaʼa fə nàʼ ənweenɨ əmbɨ mɨ̀mə̌d ni, “Mbaŋə̀ ze nɨ mə̀ sɔɔrɨ ndə̀ʼ məd yɨ we nɨ mbɨə kə̀bə̀. Mbə̀ gywɨ əməd.”

Lk 21:12

Àyɨə bɔŋ ɨnû mbɔ̂ jìm sɨə ghɨ̀ə̀, mbɨ bɨrɨ gywɨ əwən, nwèndɨ̀ tə rɨkyerɨ-ɨwu, nàʼ əwən ni mbɨ saʼ ɨŋga nəb rɨ ə̀kàtɨ̀, zɨ̀ əwən ə ndəŋ bə̀ nɨŋ əwən wò ɨfě mɨfɔ̂n mbɨ ɨfě mɨ̀gɔmnà ɨmbə̀ʼ əmɨ.

Ɨ̀fàʼì 12:18

Ənɨ ɨtuʼ nyaʼa chɨgɨ, ə̀bùùrɨ̀ ə kyeŋ ə nyaʼa jwɨ̀ əkaʼ mɨ̀sɔgyɨ̀ mbe. Chəi mbɨ nyaʼa kyerɨ ənû ze nɨ ghɨ ənɨ Pità.

Ɨ̀fàʼì 12:4

Ənɨ Herɔ̀d nyaʼa fə gywɨ ə Pità, wɨ̀ nyaʼa zɨ̀ əməd ə ndəŋ, əne nàʼ əməd əmbɨ ɨwaŋ mɨ̀sɔgyɨ̀ kwè, mbɨ mɨ̀sɔgyɨ̀ mɨ̀kwè ɨŋga ɨwaŋ fibɨ̀, ni mbɨ nəŋgɨ əməd. Herɔ̀d nyaʼa nùŋ əməd sɨə kɔndɨə ni mbɨ mɨ jɨg Əchwɨ̂ ə Che-ɨgun màànɨ̀, tə bɨrɨ nɨŋ əməd wò ni mbɨ saʼ əməd əsaŋ əsaŋ.

Ɨ̀fàʼì 16:27

Ənɨ mbaŋə̀ ze nɨ nyaʼə nəŋgɨ ə nəb ndəŋ ze nyaʼa nɔ̀ʼ rɨ əŋgwenɨ, wɨ̀ nyaʼa zə mɨchû nəb ndəŋ mbe əfìʼə. Wɨ̀ nyaʼa zə əne, chɔʼ fi ɨbi bid rɨ ə baʼ, kəb zwiirɨ i ɨnyod, ɨmbə̀ʼ ɨghəm nɨ wɨ̀ nyaʼa kɔndɨ ni bə̂d ndəŋ mbe fə jwɨ̀ nòd əwən.

Ɨ̀fàʼì 16:36

Mbaŋə̀ ze nɨ nyaʼə nəŋgɨ ə nəb ndəŋ ze nyaʼa ghà ənû ze əmbɨ Pɔ̂l ni, “Məsaʼ mɨ̀sàʼi fə cha ɨkə̂n ni mə̀ sàŋ əwən mbə̀ si wo ə. Əne mbə̀ sɨ jwɨ̀ wò əwən ənɨ əbɔrəbɔd.”

Ɨ̀fàʼì 5:18

Mbɨ nyaʼa gywɨ̀ bə̂d tom mbe wò zɨ̀ ə nəb ndəŋ əbeŋ.

Ɨ̀fàʼì 5:23

“Tɨ̀ kə̀ʼ pè zə nəb ndəŋ ze nɨ mbɨ fən kwàʼ ɨchî chɔ̀m, bə̀ zə mɨ̀sɔgyɨ̀ mbe nɨə nəŋgɨ ɨsɨ nɨ təmbɨ ɨban mɨchû nəb. Àyɨə ənɨ tɨ̀ sɨ fiʼ nəb ndəŋ ze, chəi tɨ̀ zə wə̀d mɔʼɔ ɨŋga.”

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 6:5

Ɨ mbɨə som əwa. Ɨ mbɨ zɨə əwa ə ndəŋ. Ɨ mbɨə bù əchɔb kəb zwiirɨ əwa. Tɨ̀ wɨə nwìʼ ɨnyod mbɨ ɨ̀fàʼì. Tɨ̀ wɨə ni ɨzimɨ mɔʼɔ zɨ rɨ gwenɨ. Tɨ̀ wɨə chubə njì.

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

2 Timotì 2:9

À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.