Ɨ̀fàʼì 16:22 - Meta’

²² Ɨnɔ̂n bə̂d we nyaʼa fɔtɨ əbɔʼ bə̂d mbe nɨ nyaʼa berɨ ə̀bòʼò ze, zɨ̀ ɨsaʼi ɨgun ə Pɔ̂l mbɨ Sailàs. Məsaʼ mɨ̀sàʼi mbe nyaʼa sèèrɨ̀ ngywɨ̌ rɨ Pɔ̂l mbɨ Sailàs, əne ghà əmbɨ mɨ̀sɔgyɨ̀ ni mbɨ buʼ mɨ̀mə̌d ənɨ ə mbàŋ.

Ikan feg

²² Inɔ̰ bəd ya fɔti abɔ̀ʼ bəd mbe ne ya beri àbòʼì ze se zìyè isaʼi igun Pɔl tì Sayilàs. Bəd mbe ne sàʼa tisaʼi ya ghà abə mə̀sogyì gha mbe chi ndwi abə Pɔl tì Sayilàs ywìri awɔb ane ngwàn.

Ɨ̀fàʼì 16:22 교차 참조

Matìyò 10:17

Mbə̀ we əwən mbɨ ə bə̂d, ɨmbə̀ʼ ɨghəm nɨ mbɨ bɨrɨ yim əwən wò naʼ əmbɨ mə̀saʼ əbeŋ. Mbɨ bɨrɨ bɨ te əwən ɨŋga nəb tɨ ə̀kàtɨ̀ tɨ mɨ̀mə̌d.

Matìyò 27:26

Əne Pailèt nyaʼa chɨ̀ ə Barabas sàŋ əmbɨ mɨ̀mə̌d. Ənɨ wɨ̀ nyaʼa fə gha mbɨ te ə Yeso ənɨ ə ŋgwad, wɨ̀ nyaʼa nàʼ əməd ni mbɨ wò kòmbɨ̀ əzed ə baʼnɨ.

Lk 12:11

“Ənɨ mbɨ nɨŋ əwən wò ɨŋga nəb tɨ ə̀kàtɨ̀, kɨ̀ ɨfě mə̀tùmbɨ̀ əbeŋ kɨ̀ ɨfě mɨ̀mbǎʼ əbeŋ, tɨ mbə̀ nwìʼ ə ɨnyod ɨmbə̀ʼ ɨchî nɨ tɨ̀ mbə bɨrɨ chɨ ɨnû rɨ ɨgwɨ nən, kɨ̀ ɨmbə̀ʼ ənû ze nɨ mbə̀ bɨrɨ ghà,

Ɨ̀fàʼì 16:37

Àyɨə Pɔ̂l nyaʼa ghà əmbɨ mɨ̀pùrɨsɨ̀ mbe ni, “Tɨ̀ yɨ məRom. Mbɨ fə som əwa ɨfě bə̂d bə̀ zɨ̀ əwa ə ndəŋ nɨ chəi tɨ̀ gu ənû ə mɔʼɔ. Tɨ̀nîn ɨ mbɨ kɨə kəb chɨ̀ əwa ənjìm ənjìm ə? Chə̂! mbɨ yeʼe chɨ̀ əwa mbənə mbənə.”

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ɨ̀fàʼì 5:40

Mə̀saʼ əbeŋ mbe nyaʼa zu ɨkə Gàmalièl. Ənɨ mbɨ nyaʼa wɨrɨ tɔŋ bə̂d tom mbe, mbɨ nyaʼa te mɨ̀mə̌d ənɨ ə ŋgwad, patɨ mɨ̀mə̌d ghà ni tɨ mbɨ tɔ gha ə ənû ə mɔʼɔ ənɨ ɨkum Yeso. Mbɨ nyaʼa ghɨ̀ əne sàŋ mɨ̀mə̌d mbɨ wò əwən.

2 Kɔrèn 6:5

Ɨ mbɨə som əwa. Ɨ mbɨ zɨə əwa ə ndəŋ. Ɨ mbɨə bù əchɔb kəb zwiirɨ əwa. Tɨ̀ wɨə nwìʼ ɨnyod mbɨ ɨ̀fàʼì. Tɨ̀ wɨə ni ɨzimɨ mɔʼɔ zɨ rɨ gwenɨ. Tɨ̀ wɨə chubə njì.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

Mə̀Hibrù 11:36

Mbɨ nyaʼa baʼrɨ mbɨ mɔʼɔ, wid mbɨ mɔʼɔ ənɨ ə ŋgwad, kod mbɨ mɔʼɔ ənɨ mɨ̀kàrə̀ zɨ ə ndəŋ.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.