Ɨ̀fàʼì 16:16 - Meta’

¹⁶ À nyaʼa əni ə mɔʼɔ nɨ tɨ̀ nyaʼə wò əsɨ ze nɨ mbɨ nyaʼə kɔŋgɨ ə Ŋwiə̀, wan əyi mɔʼɔ nɨ nyaʼa ə̀bòʼò nyaʼa yeʼe kumnɨ əwa. Əzwî rɨbɔ̀ŋ ə zɨə nyaʼa ɨŋga məd. Əzwî ze zɨə nyaʼə ghɨ̀ə̀ ni wɨ̀ gha ɨkwab. Əze ə nyaʼa ghɨ̀ ni bə̂d mbe nɨ berɨ ə̀bòʼò ze berɨ ɨkab.

Ikan feg

¹⁶ Aneg mɔ̀ʼɔ ne tì yaya ghò a asiŋi ze ne mbi yaya chàʼrà Ŋwiye angu, ŋwan àyi mɔ̀ʼɔ ne ya àbòʼì ya yeʼe kɔ̀ti awa. Azwighi tibɔ̀ŋ ya yaʼ inga məd. Azwighi ze yaya ghìyə̀ wì ghì tikwab. Anjìm tikwab te, mə̀mbaʼ àfàʼì məd ya bèrì ikab nɔʼ nɔʼ.

Ɨ̀fàʼì 16:16 교차 참조

Ɨ̀fàʼì 16:13

À nyaʼa əni əkwɨ mɨ̀Jû, tɨ̀ nyaʼa jwɨ̀ rɨŋga ɨkam wò ɨban ɨgyɨ̀, nɨ nyaʼa əsɨ ze nɨ tɨ̀ nyaʼa kɔndɨ ni mɨ̀Jû mbɨə nyaʼə wò fetɨ əŋgu ɨ kɔ̀ŋgɨ̀ ə Ŋwiə̀. Tɨ̀ nyaʼa pè chub ə si kɔ ghambɨ mbɨ məyi mbe nɨ nyaʼa yeʼe fetɨ.

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.

Ɨ̀fàʼì 16:19

Ənɨ bə̂d mbe nɨ nyaʼa berɨ ə̀bòʼò ze nyaʼa zə ni chəi ənɨ tɨ̀ wan əyi we wɨrɨ ghɨ̀ mbə berɨ ɨkab, mbɨ nyaʼa gywɨ̀ ə Pɔ̂l mbɨ Sailàs, sùŋ mɨ̀mə̌d wò əsam ɨwin, wò nùŋ mɨ̀mə̌d ɨfě bə̂d mbe nɨ nyaʼə tùmbɨ̀ əsɨ ze.

Ɨ̀fàʼì 19:24

Mbaŋə̀ mɔʼɔ nɨ ɨkum nyaʼə Dèmetriùs, nɨ nyaʼə kywɨ ɨghɨ ənɨ ə sɨrɨvà, nyaʼa kywɨ rɨfeenɨ mbàn rɨ ŋwìə̀-əyi we nɨ mbɨ nyaʼə tɔŋ ənɨ Atemìs. Ɨ wɨə nyaʼə kywɨə fènə̀. Əne bə̂d ə̀fàʼì məd nyaʼa berɨ ɨkab nɔnɔʼ.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

2 Timotì 3:8

Ɨchî nɨ Janès mbɨ Jambrès nyaʼa ton ənû ze nɨ Mose nyaʼə ghàə̀, əne bə̂d mbɔ̂ mbɨə bə̀ tonə rəsìʼ. Chəi ɨwe mɨ̀mə̌d ə wɨrɨə fàʼə̀. Ka ɨbenɨ mɨ̀mə̌d yɨ i wɨ rəsìʼ.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.