Ɨ̀fàʼì 16:15 - Meta’

¹⁵ Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.

Ikan feg

¹⁵ Anyumə̀ ne mbi ya fə nàʼi mənib ibo fɔrɔ abə bəd məjìm mbe ne ya yaʼi ibo inga nəb, wì ya boʼ ibo ina, ghà gha, “Mbə̰ mə̀ niŋ gha mo ya wə̀d ne fə nɔŋi fìŋ igun Anɔŋisəg Yeso, mbə̀ yeʼe chùghi inum inga achan.” Wì ya ghà ane, nyi aton ina anene tì gho chùghi ibo inga achan.

Ɨ̀fàʼì 16:15 교차 참조

Matìyò 10:41

Wə̀d mɔʼɔ we nɨ nɨŋ wə̀d ɨ̀kə̀n Ŋwìə̀ ɨmbə̀ʼ ɨghəm nɨ məd yɨə wə̀d ɨ̀kə̀n Ŋwìə̀, bɨrɨ nɨŋ ɨchɔʼ ə̀fàʼì wə̀d ɨ̀kə̀n Ŋwìə̀. Wə̀d mɔʼɔ we nɨ nɨŋ wə̀d we nɨə ghɨ̀ ɨnû nɨ kuʼnɨ ɨmbə̀ʼ ɨghəm nɨ məd wɨə ghɨ̀ ɨnû nɨ kuʼnɨ, bɨrɨ nɨŋ ɨchɔʼ ə̀fàʼì wə̀d nɨə ghɨ̀ ɨnû nɨ kuʼnɨ.

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Lk 14:23

Mbǎʼ ə̀fàʼì we nyaʼa ghà ɨ bɔ ni, 'Jwɨə wò ɨgun mɨnə̂njɨ̀ kyeŋ bə̀ wò ɨgun mbe nɨə wò ə mbeŋ, əne nyèŋ bə̂d ni mbɨ yeʼe ɨmbə̀ʼ mɨ nəb swi ə.

Lk 24:29

Àyɨə mbɨ nyaʼa yim əməd rə̀bɔ̀ʼɔ̀ ghà ni, “Ni mbɨ na, ɨmbə̀ʼ ɨghəm nɨ ɨsɨ mbɨə sɨə finə, nyùmə̀ fə bə̀ chè i.” Wɨ̀ nyaʼa bə̀ wò ni tə bɨrɨ ni mbɨ mɨ̀mə̌d.

Ɨ̀fàʼì 11:14

Məd bɨrɨ gha ɨkə̂n mɔʼɔ ɨ ne nɨ bɨrɨ ghɨ ni àwɔ̀ mbɨ ə bə̂d mɨjìm mbe nɨ yeʼ ɨŋga e nəb jwɨ rəŋgəʼ.'

Ɨ̀fàʼì 16:31

Mbɨ nyaʼa wììrɨ̀ ni, “Nuŋ e fîŋ ɨgun ə Ə̀nùŋɨ̀sɨg Yeso, əne à bɨrɨ jwɨ rəŋgəʼ, əne yɨ àwɔ̀ mbɨ ə bə̂d mɨjìm mbe nɨ yeʼ ɨŋga e nəb.”

Ɨ̀fàʼì 16:33

Wɨ̀ nyaʼa nɨŋ mɨ̀mə̌d àmei ɨzimɨ we wò sò ɨna mɨ̀mə̌d. Mbɨ nyaʼa nàʼ mɨnib ɨ bɔ əwu əwən bə̀ nàʼ əmbɨ ɨnəbɨ məd ɨjìm.

Ɨ̀fàʼì 16:34

Wɨ̀ nyaʼa ghɨ̀ əne, nɨŋ mɨ̀mə̌d mbɨ wò ɨŋga i nəb pè nàʼ ɨghɨjɨg əmbɨ mɨ̀mə̌d. Məd mbɨ ə bə̂d mɨjìm mbe nɨ nyaʼa ɨŋga nəb nyaʼa kàŋ ghaʼ ni mbə fə ben ə Ŋwiə̀.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨ̀fàʼì 8:12

Àyɨə ənɨ mbɨ nyaʼa ben ənû ze nɨ Filip nyaʼə ghàə̀, nɨ nyaʼa ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀ bə̀ fɔrɨ ɨmbə̀ʼ ə Yeso Kristo, mbɨ nyaʼa nɨŋ mɨnib, mbaŋə̀ mbɨ məyi.

Ɨ̀fàʼì 8:38

Wə̀d kyeŋ we nyaʼa ghà mbɨ təmnɨ ɨkarɨ we. Mɨ̀mə̌d mbe mɨbe nyaʼa swiʼi wò nyɨ ɨŋga ətuŋ ze. Filip nyaʼa nàʼ mɨnib ɨ bɔ əŋgu.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

Filemɔ̀n 1:17

Əne à mɨ kɔndɨ ni mɔ̌ yɨə wə̀d nɨə fàʼə̀ mbɨ ne, nɨŋ əməd ɨchî nɨ tɨ̀ à nɨŋ əmɨ.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

2 Jɔn 1:10

Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.

3 Jɔn 1:5

Wum aŋgɔb nɨ mə̀ ghaʼi kwàʼ rɨŋgəʼ, à wɨə kàŋə̀ fàʼ ənɨ e fîŋ jìm ənɨ àwɔ̀ ə ghɨ̀ ɨnû əmbɨ ə bə̂d Kristo, màànɨ̀ əmbɨ mbe nɨ yeʼ bə̂d rɨ̀sɔ̀ʼɔ̀.

3 Jɔn 1:8

Əne tɨ̀ berɨ kəŋgɨ bə̂d ɨghabɨ mbɔ̂, ɨmbə̀ʼ tɨ̀ faʼ ɨnɔ̂n mbɨ mɨ̀mə̌d ɨchî nɨ tɨə ghà rəsìʼ ɨmbə̀ʼ Kristo.