Ɨ̀fàʼì 16:14 - Meta’

¹⁴ Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

Ikan feg

¹⁴ Àyi mɔ̀ʼɔ abɔ̀ʼ mə̀yi mbe ne ya zughi inug mbe ne tì yaya ghà ya Lidiyà. Wì ya nɔ̀ʼ a Tìyàtirà. Wì yaya fḛ̀ ndwi àka inun. Wi yaya bə̀ ghùmnə Ŋwiye. Anɔŋisəg ya fìʼì fìŋ məd gha wì zìye atog ane anug ne Pɔl yaya ghà.

Ɨ̀fàʼì 16:14 교차 참조

Lk 24:45

Ənɨ wɨ̀ nyaʼa ghà əne, wɨ̀ nyaʼa fìʼ fîŋ tɨ mɨ̀mə̌d ni mbɨ kyerɨ Ə̀ŋwàʼnɨ̀ ə Ŋwiə̀, ɨtu mɨ̀mə̌d zeŋ.

Jn 12:20

Bə̂d mɔʼɔ nɨ kaʼi mɨ̀Jû nyaʼa əbɔʼ ə bə̂d mbe nɨ nyaʼa wo wumnɨ ə Ŋwiə̀ ənɨ mbɨ nyaʼə jɨg Əchwɨ̂ ə Che-ɨgun ze.

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 13:43

Ənɨ mbɨ nyaʼa jaŋ rɨŋga nəb ə̀kàtɨ̀ ze, mɨ̀Jû nɔnɔʼ mbɨ ə bə̂d cherə mbe nɨ nyaʼa beŋ tə fîŋ ben ənû ə Ŋwiə̀ mɨ̀Jû nyaʼa beenɨ əbɔʼ Pɔ̂l mbɨ Banabàs. Əne Pɔ̂l mbɨ Banabàs nyaʼa ghàm bə̀ tìmbɨ̀ mɨ̀mə̌d ni mbɨ wo ɨmbì nuŋ fîŋ ɨgun ə Ŋwiə̀ we nɨə ghɨ̀ ɨ̀chɔ̀m ənɨ mɨ̀mə̌d.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 16:40

Ənɨ Pɔ̂l mbɨ Sailàs nyaʼa jwɨ̀ rɨ ə nəb ndəŋ ze, mbɨ nyaʼa wò əkwɨ Lidià. Ənɨ mbɨ nyaʼa zə mbə bɔŋgɔb, mbɨ nyaʼa tìmbɨ̀ mɨ̀mə̌d, nɔ̀ʼ wò əwən.

Ɨ̀fàʼì 18:7

Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d wo ɨŋga nəb mbaŋə̀ mɔʼɔ nɨ ɨkum məd nyaʼə Taitùs Justùs. Məd wɨə nyaʼə bə̀ wumnɨ ə Ŋwiə̀. Nəb məd zɨə nyaʼa ɨban nəb ə̀kàtɨ̀ mɨ̀Jû.

Ɨ̀fàʼì 8:27

Filip nyaʼa zu əne, nɔ̀ʼ wò pè zə mbaŋə̀ mɔʼɔ rɨ ə Ìtìopià. Mbɨ nyaʼa fə zaʼ mbaŋə̀ ze. Mbaŋə̀ ze yɨə nyaʼə wə̀d kyeŋ nɨə nùŋ ɨkab Kandès nɨ nyaʼa ɨfɔ̂n əyi we rɨ ə Ìtìopià. Mbaŋə̀ ze nyaʼa wò wumnɨ ə Ŋwiə̀ ə Jèrusalèm.

Rm 9:16

Əne yɨ ni, ka Ŋwìə̀ wɨə dììrɨ̀ i bə̂d ɨchî nɨ bə̂d mɨ̀sɔŋɨchù kəbɨ, kɨ ɨmbə̀ʼ ɨnû mɔʼɔ mbe nɨ mbɨə ghɨ̀ə̀. Ŋwìə̀ wɨə dììrɨ̀ə̀ bə̂d ɨchî nɨ wɨ̀ ghaʼi.

Fìlipì 2:13

Mbə̀ kyerɨ ni Ŋwìə̀ wɨə fàʼ ɨŋga nən ɨ ghɨ ni mbə̀ ghɨ ɨnû chɔ̀m mbe nɨ wɨ̀ kəbɨ, mbɨ ni mbə̀ ghaʼ nɨ ghɨ ɨnû mbe.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 3:20

Zə, mə təm ɨchû nəb ɨ goŋgɨ, wə̀d mɔʼɔ mɨ zu mɨ gɨ̂, fiʼ ɨchû nəb, mə bɨrɨ nyɨ ɨŋga nəb tɨ̀ jɨg ɨnɔ̂n.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.