Ɨ̀fàʼì 16:1 - Meta’

¹ Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ikan feg

¹ Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Ɨ̀fàʼì 16:1 교차 참조

Ɨ̀fàʼì 14:1

Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 14:21

Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Ɨ̀fàʼì 14:6

Ənɨ bə̂d tom mbe nyaʼa zu ənû ze, mbɨ nyaʼa norə wò ə Listrà fɔrɨ ə Də̂be, nɨ nyaʼa ɨsɨ ɨŋga əbà əbeŋ ze rɨ ə Laikonià. Mbɨ nyaʼa bə̀ wò fɔrɨ ɨŋga ɨsɨ mbe nɨ nyaʼa ɨban ɨban.

Ɨ̀fàʼì 17:14

Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 19:22

Əne wɨ̀ nyaʼa tom mbaŋə̀ rɨ̀be rəbɔʼ te nɨ nyaʼə wèèrɨ̀ əməd, əne yɨə Timotì mbɨ Erastùs, ni mbɨ wo ə Màsèdonià. Məd ziə nyaʼa chub ə Esià ənɨ əkɔb ə nyumə̀.

Rm 16:21

Timotì nɨə fàʼə̀ mbɨ num wɨə bə̀ chàʼrɨ̀ əwən. Lusiùs mbɨ Jasɨ̀n fɔrɨ ə Sosipatà, nɨ yeʼ mbɨ ɨfurɨ, mbɨə bə̀ chàʼrɨ̀ əwən.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

1 Kɔrèn 7:14

Ŋwìə̀ wɨə ghɨ̀ ni mbaŋə̀ ze nɨ chəi zɨ̀ ben ə Kristo zeŋ ənjìm i ɨwi. Ɨ wɨə bə̀ ghɨ̀ə̀ ni əyi we nɨ chəi wɨ̀ ben ə Kristo bə̀ zeŋ ənjìm i ɨnom. Zɨə mɨ ton yeʼi əne, njɨ mbə bɔn bɨrɨ chubɨ rɨzeŋ. Àyɨə ɨchî nɨ zɨə yeʼ əne, mbə bɔn ə zeŋ.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 2:19

Ə̀nùŋɨ̀sɨg Yeso mɨ benɨ, mə bɨrɨ tom ə Timotì əsɨ nən, ɨmbə̀ʼ ɨghaʼi swi ɨŋga mɨ fîŋ ənɨ wɨ̀ wɨrɨ yeʼe pe gha ɨnû ɨ num ɨmbə̀ʼ əwən.

Kòlosè 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso nɨ Ŋwìə̀ chɔʼɔ, mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂.

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Tèsàlonikà 3:6

Tɨ̀nîn Timotì fə bə̀ndɨ̀ yeʼe əsɨ na mbɨ ɨkə̂n chɔ̀m ɨmbə̀ʼ ɨchî nɨ mbə̀ nuŋ fîŋ ɨgun ə Kristo fɔrɨ ɨmbə̀ʼ ɨchî ni mbə̀ ghaʼ mbə bɔŋgɔb. Wɨ̀ fə ghà ɨ na ni mbə mbɨə kɔndɨ əwa ɨghəm jìm ənɨ ə fîŋ chɔ̀m bə fɔrɨ ni mbə mbɨə kəb zə əwa àmei ɨchî nɨ tɨə bə̀ kəb zə əwən.

2 Tès 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ bə yeʼ bə̂d Ŋwiə̀ a Mbǎʼ fɔrɨ bə̂d Ə̀nùŋɨ̀sɨg Yeso Kristo.

1 Timotì 1:18

Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

2 Timotì 1:2

Mə wɨə ŋwàʼnɨ̀ ɨ ne, àwɔ̀ Timotì, nɨ yeʼ mɨ wan nɨ mə̀ ghaʼi kwàʼ rɨŋgəʼ. Ŋwìə̀ Mbǎʼ mbɨ ə Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

2 Timotì 1:5

Mə fə bə̀ wɨrɨ kɔndɨ ɨbenɨ rəsìʼ we nɨ à berɨ, nɨ yeʼ ɨkwɨ ɨbenɨ we nɨ Lɔis avɨ we kyeŋ mbɨ Yunis avɨ we nyaʼa berɨ. À berɨ ɨbenɨ rɨ̀nîn ɨchî nɨ mə̀ kyerɨ.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Mə̀Hibrù 13:23

Mbə̀ kyerɨ ni mbɨ fə chɨ̀ wa aŋgɔb Timotì rɨ ə ndəŋ. Wɨ̀ mɨ zàmbɨ̀ pè əgha, mə bɨrɨ yeʼe zə əwən mbɨ məd.