Ɨ̀fàʼì 15:23 - Meta’

²³ Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ikan feg

²³ Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:23 교차 참조

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 14:27

Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.

Ɨ̀fàʼì 15:1

Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 15:4

Ənɨ mbɨ nyaʼa wo pè ə Jèrusalèm, ɨfetɨ bə̂d Kristo, bə̂d tom Kristo mbɨ ə bə̂d mbe nɨ nyaʼə chà ɨfetɨ bə̂d Kristo nyaʼa nɨŋ mɨ̀mə̌d kwàʼ ɨchî chɔ̀m. Pɔ̂l mbɨ Banabàs nyaʼa ghà ɨnû jìm mbe nɨ Ŋwìə̀ nyaʼa che ənjìm mɨ̀mə̌d ghɨ̀.

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 18:18

Pɔ̂l nyaʼa wɨrɨ chub ə Kɔrèn ɨni nɔnɔʼ. Ənɨ wɨ̀ nyaʼa maanɨ rəŋgu, wɨ̀ nyaʼa sàŋ bɔŋgɔb mbe, nɨŋ ə Prìsilà mbɨ Àkwilà mbɨ nyɨ əbaŋ ɨgyɨ̀ baanɨ wò ə Sirià. Bɔŋ mbɨ nyaʼa sɨə nɔʼ rɨə Senkrià, wɨ̀ nyaʼa serɨ e ətu ɨchî nɨ wɨ̀ nyaʼa fə kaʼ əmbɨ ə Ŋwiə̀.

Ɨ̀fàʼì 21:25

À yeʼ ɨmbə̀ʼ bə̂d mbe ni kaʼi mɨ̀Jû nɨ fə ben ə Kristo, tɨ̀ fə cha ə̀ŋwàʼnɨ̀ əmbɨ mɨ̀mə̌d nɨ gha ni tɨ̀ fə sob ni tɨ mbɨ jɨg ə əghɨ ə mɔʼɔ ze nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ jɨg ə ənəm, ni tɨ mbɨ kud ə nyam nɨ mbɨ sweenɨ fɔrɨ ni tɨ mbɨ ghɨ̀ ə ɨfabrɨ-ɨnû.”

Ɨ̀fàʼì 21:3

Ənɨ tɨ̀ nyaʼa zə ə Saiprùs, tɨ̀ nyaʼa chè əton əton baanɨ wò ə Sirià, pè təm ə Taì. Mbɨ nyaʼa berɨ chɨ ɨghɨ mbe nɨ əbaŋ ze ə nyaʼa beʼe nùŋ əŋgu.

Ɨ̀fàʼì 23:26

“À yɨə mɔ̌ Klodiùs Lisiàs ŋwaʼnɨ ə̀ŋwàʼnɨ̀ zɔ̂. Mə wɨə ŋwaʼnɨ ɨ ne àwɔ̀ Wə̀d kyeŋ, gɔmnà Felìz. Mə chàʼrɨ̀ əwe.

Ɨ̀fàʼì 6:9

Bə̂d mɔʼɔ nɨ nyaʼa rɨŋga nəb ə̀kàtɨ̀ mɨ̀Jû mbe nɨ nyaʼa jwɨ rɨ ənɨ ə̀bòʼò, ɨchî nɨ mbɨ nyaʼə tɔŋə nəb ə̀kàtɨ̀ ze, nyaʼa kɔ tàŋɨ mbɨ Stɨfɨ̀n. Bə̂d mbe yɨə nyaʼə mɨ̀Jû nɨ nyaʼa rɨ ə Sìrin, rɨ ə Àlèzandrià, rɨ ə Selisià bə̀ fɔrɨ rɨ ə Esià.

Gàlesìyà 1:21

Mə nyaʼa nɔ̀ʼ rəŋgu wo ɨŋga ɨba ɨbeŋ mbe rɨ ə Sirià mbɨ ə Silisià.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

2 Jɔn 1:10

Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.

2 Jɔn 1:13

Bɔn e njàbɨ ze nɨ Ŋwìə̀ chɔʼɔ wɨə chàʼrɨ̀ əwe.

2 Jɔn 1:3

Ŋwìə̀ Mbǎʼ mbɨ Yeso Kristo, Wan Mbǎʼ, ghɨ ɨ̀chɔ̀m ənɨ ə nən, dììrɨ̀ əwən bə̀ nàʼ əbɔrəbɔd ɨ nən. Ɨnû mbɔ̂ bɨrɨ yeʼ mba ɨchî nɨ tɨ̀ kyerɨ rəsìʼ fɔrɨ ɨmbə̀ʼ ɨchî nɨ tɨ̀ ghaʼ əwa mbǎ mbǎ.

3 Jɔn 1:14

Mə kɔndɨ ni mə bɨrɨ zambɨ yeʼe zə əwe. Ənɨ mə̀ yeʼe, tɨ̀ bɨrɨ ghambɨ ɨnɔ̂n.