Ɨ̀fàʼì 15:22 - Meta’

²² Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ikan feg

²² Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:22 교차 참조

Ɨ̀fàʼì 1:23

Mbɨ nyaʼa nàʼ rɨkum mbaŋə̀ rɨ̀be. Wɨ rɨtu yɨə nyaʼə Jòsêf nɨ mbɨ nyaʼə bə̀ tɔŋ ənɨ ə Bàsabàs, nɨ ɨkum məd deenɨ yɨə nyaʼə Justùs. We nɨ nyaʼa beenɨ yɨə nyaʼə Màtiàs.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 11:27

À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:25

Tɨ̀ fə bòmnɨ̀, zɨ̀ mba ɨtu ənɨ mbɨ mɔʼ, zə ni zɨə bɔ̀ŋ ni tɨ̀ chɔʼ bə̂d mɔʼɔ tom əsɨ nən mbɨ Banabàs mbɨ Pɔ̂l. Mbɨ yɨ mba bɔŋgɔb nɨ tɨ̀ ghaʼi kwàʼ rɨŋgəʼ.

Ɨ̀fàʼì 15:27

Əne tɨ̀ fə tom ə Judàs mbɨ Sailàs əsɨ nən. Mbɨ bɨrɨ ghà ɨnû mbe nɨ tɨ̀ ŋwaʼnɨ ɨ nən mbənə mbənə.

Ɨ̀fàʼì 15:3

Ənɨ ɨfetɨ bə̂d Kristo nyaʼa tom mɨ̀mə̌d əne, mbɨ nyaʼa wò chè ə Fonesià fɔrɨ ə Sàmàriyà yènə̀ ghà ɨnû ɨmbə̀ʼ ɨchî nɨ bə̂d mbe nɨ kaʼi mɨ̀Jû fə ben ə Kristo. Əze ə nyaʼa ghɨ̀ ni ɨghaʼi swi ɨŋga fîŋ bə̂d Kristo mɨjìm.

Ɨ̀fàʼì 15:30

Mbɨ nyaʼa tom bə̂d mbe, mbɨ swiʼ wò ə Antiɔ̀k. Mbɨ nyaʼa pè əŋgu fetɨ bə̂d Kristo mɨ̀jìm əsɨ ə mɔʼ, nàʼ ə̀ŋwàʼnɨ̀ ze əmbɨ mɨ̀mə̌d.

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 15:40

Àyɨə Pɔ̂l nyaʼa chɔʼ ə Sailàs mbɨ wò ɨnɔ̂n. Bə̂d mbe nɨ nyaʼa ben ə Kristo nyaʼa kɔ̀ŋgɨ̀ ə Ŋwiə̀ ɨgwɨ mɨ̀mə̌d ni Ə̀nùŋɨ̀sɨg ghɨ ɨ̀chɔ̀m ənɨ mɨ̀mə̌d.

Ɨ̀fàʼì 16:19

Ənɨ bə̂d mbe nɨ nyaʼa berɨ ə̀bòʼò ze nyaʼa zə ni chəi ənɨ tɨ̀ wan əyi we wɨrɨ ghɨ̀ mbə berɨ ɨkab, mbɨ nyaʼa gywɨ̀ ə Pɔ̂l mbɨ Sailàs, sùŋ mɨ̀mə̌d wò əsam ɨwin, wò nùŋ mɨ̀mə̌d ɨfě bə̂d mbe nɨ nyaʼə tùmbɨ̀ əsɨ ze.

Ɨ̀fàʼì 16:25

À nyaʼa sɨ ɨghabɨ ɨzimɨ ka, Pɔ̂l mbɨ Sailàs mbɨə nyaʼə kɔ̀ŋgɨ̀ ə Ŋwiə̀, bə̀ kwerɨ mɨkyî yiirɨ ə Ŋwiə̀. Bə̂d ndəŋ mbe nɨ nyaʼa əŋgu mbɨə nyaʼə zwetɨə.

Ɨ̀fàʼì 16:29

Ɨbɔɔ nyaʼa ghɨ̀ mbaŋə̀ ze nɨ nyaʼə nəŋgɨ ə nəb ndəŋ ze bindɨ. Əne wɨ̀ nyaʼa ghà ni mbɨ yeʼe mbɨ ɨkaʼi. Wɨ̀ nyaʼa nɨŋ ɨkaʼi we nòrə̀ wò nyɨ ɨŋga nəb ndəŋ ze pè gù ɨfě Pɔ̂l mbɨ Sailàs.

Ɨ̀fàʼì 17:10

À nyaʼa sɨ ɨzimɨ, bə̂d mbe rɨ ə Tèsàlonikà nɨ nyaʼa ben ə Kristo nyaʼa chà ə Pɔ̂l mbɨ Sailàs ə Berià. Ənɨ mbɨ nyaʼa pè əŋgu, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû.

Ɨ̀fàʼì 17:14

Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 17:4

Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 8:14

Ənɨ bə̂d tom mbe rɨ ə Jèrusalèm nyaʼa zu ni bə̂d mbe rɨ ə Sàmàriyà fə ben ɨŋgam Ŋwiə̀, mbɨ nyaʼa tom ə Pità mbɨ Jɔ̌n əsɨ mɨ̀mə̌d.

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

2 Tès 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ bə yeʼ bə̂d Ŋwiə̀ a Mbǎʼ fɔrɨ bə̂d Ə̀nùŋɨ̀sɨg Yeso Kristo.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.