Ɨ̀fàʼì 15:20 - Meta’

²⁰ Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

Ikan feg

²⁰ Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 15:20 교차 참조

Ɨ̀fàʼì 15:29

Ɨnû mbe yɨ ni tɨ mbə̀ jɨg ə tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ, tɨ mbə̀ jɨg ə ənəm, tɨ mbə̀ kud ə nyam te nɨ mbɨ sweenɨ, mbɨ ni tɨ mbə̀ ghɨ̀ ə ɨfabrɨ-ɨnû. Mbə bɨrɨ ghɨ̀ ənû ə chɔ̀m əwù ze nɨ chəi mbə̀ ghɨ ɨnû mbɔ̂. Mbə̀ chub ɨchî chɔ̀m.”

Ɨ̀fàʼì 21:25

À yeʼ ɨmbə̀ʼ bə̂d mbe ni kaʼi mɨ̀Jû nɨ fə ben ə Kristo, tɨ̀ fə cha ə̀ŋwàʼnɨ̀ əmbɨ mɨ̀mə̌d nɨ gha ni tɨ̀ fə sob ni tɨ mbɨ jɨg ə əghɨ ə mɔʼɔ ze nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ jɨg ə ənəm, ni tɨ mbɨ kud ə nyam nɨ mbɨ sweenɨ fɔrɨ ni tɨ mbɨ ghɨ̀ ə ɨfabrɨ-ɨnû.”

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

1 Kɔrèn 6:18

Mbə̀ ton ɨfabrɨ-ɨnû! Chəi ɨnû rɨbɔ̀ŋ jìm cherə mbe nɨ bə̂d ə ghɨ̀ ə bètɨ̀ə̀ nyamnyod, àyɨə wə̀d we nɨə ghɨ̀ ɨfabrɨ-ɨnû wɨə ghɨ̀ ɨnû rɨbɔ̀ŋ ənɨ i nyamnyod.

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

1 Kɔrèn 7:2

Àyɨə ɨchî nɨ ɨfabrɨ-ɨnû fə nɔʼɔ, zɨə kùʼ ni mbaŋə̀ mɔʼ mɔʼ berɨ i ɨwi, əyi mɔʼ mɔʼ bə̀ berɨ i ɨnom.

1 Kɔrèn 8:1

Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.

2 Kɔrèn 12:21

Mə wɨə bɔə ni ənɨ mə̀ wɨrɨ yeʼe, Ŋwìə̀ we nɨ mɨə wumnɨə bɨrɨ swi əmɨ ɨfě nən. Mə wɨə bə̀ bɔə ni mə bɨrɨ dì ɨmbə̀ʼ bə̂d mɨ̀nɔnɔʼ mbe nɨ nyaʼa kweʼ ghɨ̀ ɨnû rɨbɔ̀ŋ àyɨə chəi mbɨ kɨrɨ beŋ tə fîŋ tɨ ənɨ ɨnyɔɔnɨ-ɨnû, tɨ ənɨ ɨfabrɨ-ɨnû bə̀ fɔrɨ tɨ ənɨ ɨnyamnɨ-ɨnû mbe nɨ mbɨ nyaʼə ghɨ̀ə̀.

Gàlesìyà 5:19

Ɨnû mbe nɨ nyamnyod ə feenɨə mbɨ zeŋ. Mbɨ yɨ ənû nɨ ni mbaŋə̀ kɨ̀ məyi əbeŋ əbəŋ, ənû nɨ ghɨ ɨnyɔɔnɨ-ɨnû, ənû nɨ ghɨ ɨnyamnɨ-ɨnû,

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

1 Tèsàlonikà 4:3

Ənû ze nɨ Ŋwìə̀ kəbɨ yɨ ni mbə̀ chub ɨzeŋɨ zeŋɨ ɨmbə̀ʼ tɨ mbə̀ ni ə məyi kɨ̀ mbaŋə̀ əbəŋ əbəŋ.

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

1 Pità 4:3

Nyùmə̀ we nɨ mbə kɨə kə̀ʼə̀ ghɨ̀ ɨnû mbe nɨ bə̂d mbe nɨ kaʼi mɨ̀Jû ghaʼ nɨ ghɨ̀ fə chè i. Mbə mbɨə nyaʼə ghɨ̀ ɨnyamnɨ-ɨnû. Mbə mbɨə nyaʼə feenɨ məyi kɨə mbaŋə̀. Mbə mbɨə nyaʼə nɔə beə. Mbə mbɨə nyaʼə jɨg əchwɨ̂ nɨ bə̂d ə nɔə bùùrɨ̀ə̀. Mbə mbɨə nyaʼə bə̀ wumnɨ mbɨ̀anèŋ nɨ chəi tɨkə rɨ Ŋwiə̀ ben ni mbə̀ ghɨ əne.

Ɨnû 10:2

Wɨ̀ nyaʼa yim ə̀ŋwàʼnɨ̀ ə kwa kwa nɨ mbɨə karɨə, àyɨə chəi mbɨ nyaʼa kad əze nɨ wɨ̀ nyaʼa yimɨ. Wɨ̀ nyaʼa te əwu ə jɨgɨ ɨgun rɨ̀bàà bə̀ te əwu ə tweŋ ɨgun ə si.

Ɨnû 10:8

Ənɨ wɨ̀ nyaʼa gham əne, gɨ̂ ze nɨ mə nyaʼa zu rɨkaŋ nyaʼa wɨrɨ ghàm ɨ num ghà ni, “Ndə̀ wo nɨŋ ə̀ŋwàʼnɨ̀ ze nɨ yeʼ əfìʼə tɨ ɨkye əbɔ aŋgɨrə̀ we nɨ təm ɨgun rɨ̀bàà bə̀ təm ɨgun ə si.”

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.

Ɨnû 9:20

Chəi ə̀bùʼ ə bə̂d mɨ̀sɔŋɨchù ze nɨ chəi ŋgəʼ kǎ kǎ tɔ̂ nyaʼa zwiirɨ mɨ̀mə̌d nyaʼa beŋ tə fîŋ tɨ ənɨ ɨghɨ mbe nɨ mbɨ nyaʼa tekɨ ənɨ mbə ɨbɔ. Chəi mbɨ kɨrɨ sob nɨ wumnɨ ɨzwî rɨbɔ̀ŋ bə̀ fɔrɨ nɨ wumnɨ mbɨ̀anèŋ mbe nɨ mbɨ tekɨ ənɨ ə gôl, ənɨ ə sɨrɨvà, ənɨ ə brɔnz, ənɨ ɨti bə̀ fɔrɨ ənɨ ɨzed. Chəi ənɨ tɨ̀ mbɨ̀anèŋ mbɔ̂ zə ɨsɨ, zu ənû kɨ̀ yènɨ̀.