Ɨ̀fàʼì 14:19 - Meta’

¹⁹ Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ikan feg

¹⁹ Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:19 교차 참조

Ɨ̀fàʼì 13:14

Mbɨ nyaʼa nɔ̀ʼ rɨ ə Pegà wò ə Antiɔ̀k we nɨ nyaʼa ɨŋga əbà əbeŋ ze rɨ ə Pisidià. À nyaʼa sɨ əni əkwɨ mɨ̀Jû, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû pè chub ə si.

Ɨ̀fàʼì 13:45

Àyɨə ənɨ mɨ̀Jû nyaʼa zə mɨnɔ̂n bə̂d mbe, ə̀dìì ə nyaʼa swi ɨŋga fîŋ tɨ mɨ̀mə̌d, əne mbɨ nyaʼa kɔ zɔm ə Pɔ̂l ghàə̀ ni ənû ze nɨ wɨə ghàə̀ yɨ mɨghab.

Ɨ̀fàʼì 14:1

Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 14:18

Mbɨ nyaʼa ghà ɨŋgam wɔ̂, àyɨə zɨə nyaʼa kàŋ se əku nɨ təmnɨ bə̂d mbe ni tɨ mbɨ faarɨ ə əghɨ ə mɔʼɔ əmbɨ mɨ̀mə̌d.

Ɨ̀fàʼì 14:2

Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Ɨ̀fàʼì 14:21

Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Ɨ̀fàʼì 14:26

Mbɨ nyaʼa nɔ̀ʼ rəŋgu wò nyɨ əbaŋ ɨgyɨ̀ baanɨ bə̀ndɨ̀ wò ə Antiɔ̀k. Antiɔ̀k yɨ əsɨ ze nɨ mbɨ nyaʼa kɔŋgɨ ə Ŋwiə̀ ɨgwɨ mɨ̀mə̌d ni wɨ̀ ghɨ ɨ̀chɔ̀m mbɨ wò faʼ ə̀fàʼì ze nɨ mbɨ cherə nɔʼ rɨ màànɨ̀.

Ɨ̀fàʼì 14:4

Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.

Ɨ̀fàʼì 14:5

Bə̂d mbe nɨ kaʼi mɨ̀Jû mbɨ mɨ̀Jû fɔrɨ bə̂d mbe nyaʼə tekɨ ɨnû ɨŋga əbeŋ mɨ̀Jû nyaʼa kə̀b ni njɨ mbə chə bə̂d tom mbe bə̀ tumbɨ mɨ̀mə̌d ənɨ əti.

Ɨ̀fàʼì 15:26

Mbɨ fə sweŋ ə ɨ̀tènɨ̀ ɨmbə̀ʼ gham əmbɨ ə bə̂d ɨmbə̀ʼ a Ə̀nùŋɨ̀sɨg Yeso Kristo.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 22:20

Ənɨ mbɨ nyaʼə zwiirɨ ə Stɨfɨ̀n we nɨ nyaʼə ghà ɨnû ɨmbə̀ʼ əwe, mə nyaʼa təm ɨban ben ni mbɨ zwiirɨ əməd. Mə wɨə nyaʼə nəŋgɨə ngywɨ̌ rɨ bə̂d mbe nɨ nyaʼa zwiirɨ əməd.'

Ɨ̀fàʼì 7:58

nɨŋ əməd wò màʼ ənjìm əsɨ ze, tumbɨ ənɨ əti. Bə̂d mbe nɨ nyaʼə tumbɨ əməd nyaʼa nùŋ tə ngywɨ̌ ɨban ɨwu əjɔŋ ə mɔʼɔ nɨ ɨkum məd nyaʼə Sɔ̂l.

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

1 Kɔrèn 15:31

Mbɨ bɔŋgɔb, mə wɨ ɨchû ɨvɨ ɨni jìm! Əne yɨ ɨmbə̀ʼ ɨghəm nɨ mə wɨə goŋ ɨgɔ̂ ɨmbə̀ʼ əwən ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 11:25

Mbɨ nyaʼa buʼ əmɨ ənɨ ə mbàŋ ɨghəm tad. Mbɨ nyaʼa tumbɨ əmɨ ənɨ əti ɨghəm mɔʼ. Ɨbaŋ ɨgyɨ̀ nyaʼa sandɨ mbɨ num ɨŋga ɨghəm tad. Mə nyaʼa nəŋ ɨgwɨ rɨ̀bàà ɨzimɨ mɔʼ mbɨ əziə mɔʼ.

2 Kɔrèn 11:26

Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.