Ɨ̀fàʼì 14:1 - Meta’

¹ Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ikan feg

¹ Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 14:1 교차 참조

Mk 7:26

Əyi we yɨə nyaʼə rɨ ə Gris, àyɨə mbɨ nyaʼa gywɨ əməd ə Sàìròfònisià. Wɨ̀ nyaʼa wò chìndɨ̀ ɨtu ɨnywɨ mbe əne, buʼ ɨbɔ əmbɨ Yeso ni wɨ̀ chɨ əzwî rɨbɔ̀ŋ ze rɨŋga i wan.

Jn 12:20

Bə̂d mɔʼɔ nɨ kaʼi mɨ̀Jû nyaʼa əbɔʼ ə bə̂d mbe nɨ nyaʼa wo wumnɨ ə Ŋwiə̀ ənɨ mbɨ nyaʼə jɨg Əchwɨ̂ ə Che-ɨgun ze.

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 13:43

Ənɨ mbɨ nyaʼa jaŋ rɨŋga nəb ə̀kàtɨ̀ ze, mɨ̀Jû nɔnɔʼ mbɨ ə bə̂d cherə mbe nɨ nyaʼa beŋ tə fîŋ ben ənû ə Ŋwiə̀ mɨ̀Jû nyaʼa beenɨ əbɔʼ Pɔ̂l mbɨ Banabàs. Əne Pɔ̂l mbɨ Banabàs nyaʼa ghàm bə̀ tìmbɨ̀ mɨ̀mə̌d ni mbɨ wo ɨmbì nuŋ fîŋ ɨgun ə Ŋwiə̀ we nɨə ghɨ̀ ɨ̀chɔ̀m ənɨ mɨ̀mə̌d.

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 13:5

Ənɨ mbɨ nyaʼa pe ə Salamìs, mbɨ nyaʼa ghà ɨŋgam Ŋwiə̀ ɨŋga nəb tɨ ə̀kàtɨ̀ tɨ mɨ̀Jû. Ɨ mbɨə nyaʼə əngu mbɨ Jɔ̌n Mak nɨ nyaʼə wèèrɨ̀ə̀ mɨ̀mə̌d.

Ɨ̀fàʼì 13:51

Àyɨə Pɔ̂l mbɨ Banabàs nyaʼa kùd əgywɨ tɨ ənɨ mbə ɨwu ɨmbə̀ʼ patɨ mɨ̀mə̌d ni mbɨ beŋ tə fîŋ. Ənɨ mbɨ nyaʼa ghɨ əne, mbɨ nyaʼa nɔ̀ʼ wò ə Ikoniùm.

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 14:2

Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Ɨ̀fàʼì 14:21

Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 16:2

Bə̂d mbe nɨ nyaʼa ben ə Kristo ə Listrà fɔrɨ ə Ikoniùm mbɨə nyaʼə ghà ɨnû chɔ̀m ɨmbə̀ʼ ə Timotì.

Ɨ̀fàʼì 17:12

Mɨ̀mə̌d nɔnɔʼ nyaʼa ben ə Kristo. Məyi Gris kyeŋ kyeŋ mbɨ ə mbaŋə̀ Gris nɔnɔʼ nyaʼa bə̀ ben ə Kristo.

Ɨ̀fàʼì 17:17

Əne wɨ̀ nyaʼa wò kɔ taŋ ɨŋga nəb ə̀kàtɨ̀ ze mbɨ mɨ̀Jû fɔrɨ mbɨ ə bə̂d mbe nɨ kaʼi mɨ̀Jû nɨ nyaʼa nùŋ fîŋ ɨgun ə Ŋwiə̀. Wɨ̀ nyaʼə bə̀ tàŋ əsam ɨwin ɨni jìm mbɨ ə bə̂d mbe nɨ nyaʼə wò əŋgu.

Ɨ̀fàʼì 17:4

Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.

Ɨ̀fàʼì 18:4

Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 19:8

Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 21:28

kyeŋ rɨkǎ ghà ni, “Mɨ̀Izre, mbə̀ weerɨ əwa! Mbaŋə̀ zɔ̂ zɨə chwiə ɨŋga ɨsɨ jìm ni bə̂d ban mɨ̀Izre, ban tɨkə rɨ Mose bə̀ ban əsɨ zɔ̂. Tɨ̀nîn wɨ̀ fə nɨŋ mbaŋə̀ nɨ kaʼi mɨ̀Jû yeʼe mbɨ rɨwən ɨŋga mbàn Ŋwìə̀. Əne mbɨ fə tìbrɨ̀ əsɨ ə zeŋɨ zɔ̂.”

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 10:12

ɨmbə̀ʼ ɨghəm nɨ chəi ɨkwepɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû. Àmei Ə̀nùŋɨ̀sɨg we mɔʼ nɨ yeʼ Ə̀nùŋɨ̀sɨg ɨgwɨ ə bə̂d mɨjìm. Àmei məd ə bə̀ zɨ̀ əbɔrəbɔd əbu əbu ɨgwɨ ə bə̂d mɨjìm mbe nɨə kɔ̀ŋgɨ̀ əməd.

Gàlesìyà 2:3

Chəi mbɨ nyaʼa be nyèŋ ni mbɨ ne ə Taitùs nɨ nyaʼa mbɨ num, ka à be yeʼi ni məd yɨə nyaʼə rɨ ə Gris.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.