Ɨ̀fàʼì 13:51 - Meta’

⁵¹ Àyɨə Pɔ̂l mbɨ Banabàs nyaʼa kùd əgywɨ tɨ ənɨ mbə ɨwu ɨmbə̀ʼ patɨ mɨ̀mə̌d ni mbɨ beŋ tə fîŋ. Ənɨ mbɨ nyaʼa ghɨ əne, mbɨ nyaʼa nɔ̀ʼ wò ə Ikoniùm.

Ikan feg

⁵¹ Bɔŋ Pɔl tì Bànabàs ya se dùwə̀ ghò mbɔb ya kùtì agwi ane ìmbɔb ighog ni pati awɔb gha mbe bəŋi fìŋ. Anyumə̀ ne mbi ya ghi ane, mbi ya nɔ̀ʼ ghò a Ìkonìyùm.

Ɨ̀fàʼì 13:51 교차 참조

Matìyò 10:14

À mɨ yeʼ nɨ chəi wə̀d mɔʼɔ nɨŋ əwən, kɨ̀ bè zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə jwɨ̀ rɨŋga nəb ze kɨ̀ rɨŋga əsɨ ze.

Mk 6:11

À mɨ yeʼ nɨ chəi mbɨ nɨŋ əwən əsɨ ə mɔʼɔ kɨ̀ nɨ chəi mbɨ zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə nɔʼə. Əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m. [Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.]”

Lk 10:11

'Ka àbei əgywɨ rɨŋga əsɨ zɔ̂ ɨ nən nɨ tɨ̀ beʼ ənɨ mba ɨwu, tɨ̀ fə kud əbɔʼ nən. Əzɔ̂ yɨ ənweenɨ ni mbə fə ton ɨkə̂n chɔ̀m. Àyɨə mbə kyerɨ ənû zɔ̂ ə mɔʼ ni ənû ɨfɔ̀n ə Ŋwiə̀ fə tiinɨ.'

Lk 9:5

À mɨ yeʼ nɨ chəi mbɨ nɨŋ əwən əsɨ ə mɔʼɔ, mbə̀ kud əgywɨ tɨ ənɨ mbə ɨwu ənɨ mbə̀ə jwɨ̀ə̀, ɨmbə̀ʼ əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m.”

Ɨ̀fàʼì 14:1

Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 14:21

Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Ɨ̀fàʼì 16:2

Bə̂d mbe nɨ nyaʼa ben ə Kristo ə Listrà fɔrɨ ə Ikoniùm mbɨə nyaʼə ghà ɨnû chɔ̀m ɨmbə̀ʼ ə Timotì.

Ɨ̀fàʼì 18:6

Ənɨ mbɨ nyaʼa ton ɨŋgam we nɨ wɨ̀ nyaʼə ghàə̀ bə̀ kɔ zɔm əməd, wɨ̀ nyaʼa kùd mbi ɨ̀tǒŋ, ghà əmbɨ mɨ̀mə̌d ni, “Ndɔ̀n bɨrɨ nyɨ àmei ɨgwɨ nən! Mbɨ ɨbɔ ə zeŋ. Ɨ kɔ rɨ̀nîn mə bɨrɨ wo əsɨ bə̂d mbe nɨ kaʼi mɨ̀Jû.”

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.