Ɨ̀fàʼì 13:48 - Meta’

⁴⁸ Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Ikan feg

⁴⁸ Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Ɨ̀fàʼì 13:48 교차 참조

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Matìyò 28:16

Mə̀mə̀ə̀nɨ̀-ɨnû Yeso mbe wum chɔ̀b mɔʼ nyaʼa wò ə Galiliî ɨkaŋ ɨwum we nɨ Yeso nyaʼa fə mə̌ əmbɨ mɨ̀mə̌d.

Lk 7:8

Mɔ̌ yɨə mbaŋə̀ əton mɨ̀sɔgyɨ̀ kyeŋ. Mə bə̀ berɨ mɨ̀sɔgyɨ̀ əton num. Mə mɨ ghà əmbɨ wɨ mɔʼɔ ni, 'Wo ə!', wɨ̀ bə̀ wò. Mə mɨ bə̀ ghà əmbɨ wɨ cherə ni, 'Yeʼe!', wɨ bə̀ yeʼe. Mə mɨ ghà əmbɨ mɨ wə̀d ə̀fàʼì ni, 'Faʼ ə̀fàʼì zɔ̂!', wɨ̀ bə̀ fàʼ.”

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 11:52

Chəi wɨ̀ bɨrɨ kwɨ àmei ɨgwɨ ətu mɨ̀mə̌d, wɨ̀ berɨ bɨ kwɨ ɨmbə̀ʼ fɔtɨ bɔn Ŋwiə̀ mɨ̀jìm mbe nɨ jaŋ ɨŋga ɨsɨg.

Ɨ̀fàʼì 13:12

Ənɨ gɔmnà we nyaʼa zə ənû ze nɨ nyaʼa ghɨ̌, wɨ̀ nyaʼa ben ɨŋgam Ŋwiə̀, ɨmbə̀ʼ ɨghəm nɨ ɨnû mbe nɨ mbɨ nyaʼə chwi ɨmbə̀ʼ Ə̀nùŋɨ̀sɨg nyaʼa chè əməd.

Ɨ̀fàʼì 13:42

Ənɨ Pɔ̂l mbɨ Banabàs nyaʼə jwɨ̀ rɨŋga nəb ə̀kàtɨ̀ ze, bə̂d mbe nyaʼa buʼ ɨbɔ əmbɨ mɨ̀mə̌d ni mbɨ wɨrɨ bə̀ndɨ̀ yeʼe əni əkwɨ ze nɨ beenɨ, ɨmbə̀ʼ ghà ɨnû cherə ɨghabɨ mbɔ̂ əmbɨ mɨ̀mə̌d.

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 15:31

Ənɨ mbɨ nyaʼa foŋ ə̀ŋwàʼnɨ̀ ze, mbɨ nyaʼa ghaʼ kwàʼ rɨŋgəʼ, ɨmbə̀ʼ ɨghəm nɨ ənû ze nɨ nyaʼa jwɨ rɨŋga ə̀ŋwàʼnɨ̀ ze ə nyaʼa tìmbɨ̀ mɨ̀mə̌d.

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 20:13

Tɨ̀ nyaʼa wò ɨmbì nyɨ əbaŋ ɨgyɨ̀ baanɨ wò ə Asòs, nɨ nyaʼa əsɨ ze nɨ tɨ̀ nyaʼa berɨ pe nɨŋ ə Pɔ̂l əŋgu. Pɔ̂l nyaʼa tekɨ ni tɨ̀ nyɨ əbaŋ ɨgyɨ̀ ɨmbə̀ʼ ɨghəm nɨ məd ziə wɨə nyaʼa kəb yen ə si.

Ɨ̀fàʼì 22:10

Mə nyaʼa biirɨ ni, 'Mə ghɨ ye Ə̀nùŋɨ̀sɨg ə?' Ə̀nùŋɨ̀sɨg nyaʼa ghà ɨ num ni, 'Nɔʼ rətiə, wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ Ŋwiə̀ chɔʼ əwe ni à faʼ ɨ bɔ.'

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 8:8

Əze ə nyaʼa ghɨ̀ ni ɨghaʼi swi ɨŋga fîŋ bə̂d mbe rɨŋga əsɨ ze.

Rm 11:7

Əne kɨ nɨ yè ə? Chəi mɨ̀Izre nyaʼa berɨ əghɨ ze nɨ mbɨ nyaʼə kə̀bə̀. Bə̂d mbe nɨ Ŋwìə̀ nyaʼa chɔʼɔ nyaʼa berɨ əzɨ əwən, àyɨə ə̀bùʼ ə bə̂d nyaʼa ghɨ̀ tə fîŋ tu.

Rm 13:1

Wə̀d jìm zuunɨ bə̂d mbe nɨə tùmbɨ̀ əbeŋ, ɨmbə̀ʼ ɨghəm nɨ chəi mbɨ berɨ ɨka nɨ tumbɨ bə̂d kɨrɨ ənɨ à yɨə Ŋwìə̀ naʼ ɨka we əmbɨ mɨ̀mə̌d. À yɨə Ŋwìə̀ nuŋ bə̂d mbe nɨə tùmbɨ̀ ɨbeŋ.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

Efesùs 1:11

Ŋwìə̀ nyaʼa ghɨ̀ ɨnû jìm ɨchî nɨ wɨ̀ nyaʼa fə taŋɨ bə̀ nùŋ. Wɨ̀ nyaʼa chɔʼ əwa ənɨ ɨfɔtɨ mbɨ Kristo ni tɨ̀ yeʼ mbi bə̂d àmei ɨchî nɨ wɨ̀ nyaʼa kəbɨ bə̀ nùŋ.

Efesùs 1:19

Mə wɨə kɔ̀ŋgɨ̀ ə Ŋwiə̀ ni wɨ̀ ghɨ mbə̀ kyerɨ ni ɨka məd we nɨ chəi ənɨ tɨ mbɨ mɨg, ə dabə chè əbɔ. Ɨka we wɨə fàʼ ɨŋga mba mbe nɨ nuŋ fîŋ ɨgwɨ məd. Ɨka məd we yɨ ɨka kyeŋ we nɨ

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Efesùs 1:5

Wɨ̀ nyaʼa fə bè chɔʼ nùŋ ni wɨ̀ bɨrɨ nɨŋ əwa ənɨ mbi bɔn ənjìm ə Yeso Kristo. Wɨ̀ nyaʼa chɔʼ əne ɨchî nɨ wɨ̀ nyaʼa kaŋ ghaʼ bə̀ kəb nɨ ghɨ.

2 Tès 3:1

Mba bɔŋgɔb, ɨ wo ɨmbì, mbə̀ kɔŋgɨ ə Ŋwiə̀ ɨgwɨ na ni ɨkə̂n chɔ̀m ɨmbə̀ʼ Ə̀nùŋɨ̀sɨg zambɨ kɨə jàŋə̀ wo ɨmbì, bə̂d zu benɨ bə̀ wumnɨ, àmei ɨchî nɨ mbə̀ nyaʼa zu benɨ bə̀ wumnɨ.