Ɨ̀fàʼì 13:36 - Meta’

³⁶ Ənɨ Dèvîd nyaʼa kɨrɨ ɨkǎ, wɨ̀ nyaʼa ghɨ̀ ɨnû mbe nɨ Ŋwìə̀ nyaʼa kəbɨ ni wɨ̀ ghɨ ə. Wɨ̀ nyaʼa kwɨ mbɨ tweŋ əbɔʼ mɨ̀mbǎʼ məd rəŋwe, əne wɨ̀ nyaʼa bɔb.

Ikan feg

³⁶ Anyumə̀ ne ifɔn Dèvid yaya kiri izɔm, wì ya ghì inug mbe ne Ŋwiye ya kə̀bi gha wì ghiyə. Wì ya ku mbi twəŋi aməd abɔ̀ʼ ìmba mə̀mbaʼ aneg. Ane, wì ya bɔb.

Ɨ̀fàʼì 13:36 교차 참조

Matìyò 25:16

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.

Jn 11:39

Ənɨ Yeso nyaʼa pè əŋgu, wɨ̀ nyaʼa ghà ni, “Mbə̀ chɨ ɨti wɔ̂!” Màta nɨ nyaʼə njàbɨ mbaŋə̀ ze nɨ nyaʼa kwɨ, nyaʼa ghà ɨ bɔ ni, “Ə̀nùŋɨ̀sɨg, mə kyerɨ ni ɨfɔ wɨə sɨə jwɨ̀ə̀, ɨmbə̀ʼ ɨghəm nɨ rə̀chɔ̀ŋ yɨ ɨni kwè nɨ wɨ̀ fə kwɨ.”

Ɨ̀fàʼì 13:22

Ənɨ Ŋwiə̀ nyaʼa swi əməd rɨ ɨgwɨ ətən, wɨ̀ nyaʼa nùŋ Dèvîd ənɨ ɨfɔ̀n. Wɨ̀ nyaʼa ghà ɨmbə̀ʼ ə Dèvîd ni, 'Mə fə zə ni Dèvîd, wan Jesè, yɨ ɨkwɨ wə̀d we nɨ mə̀ ghaʼi. Wɨ̀ bɨrɨ ghɨ ɨnû jìm mbe nɨ mə̀ kəbɨ.'

Ɨ̀fàʼì 2:29

“Mbɨ bɔŋgɔb, mə we tɨ̀ mə ghà ɨ nən ni mə kyerɨ ni à yɨ rəsìʼ ni à mbǎʼ ɨnəbɨ, Dèvîd, nyaʼa kwɨ mbɨ tweŋ əməd. Ətu ɨsì əməd ə zɨ mbɨ na yeʼe pè rə̀chɔ̀ŋ.

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

1 Kɔrèn 15:18

Əne yɨ ni bə̂d mbe nɨ nyaʼa be ben ə Kristo bɔŋ kwɨ fə nim.

1 Kɔrèn 15:6

À nyaʼa ənɨ ə nyùmə̀ cherə, wɨ̀ nyaʼa jwɨ̀ ɨghəm we mɔʼ ɨfě bə̂d mbe nɨ nyaʼə beenɨ əbɔʼ məd. Bə̂d mbe nyaʼa chè rɨ ənɨ əkɨ ətân. Mɨ̀mə̌d mɨ̀nɔnɔʼ mbɨə kɨrɨ ɨkǎ, ka à bè yeʼi ni mbɨ mɔʼɔ fə kwɨ.

1 Tèsàlonikà 4:13

Mba bɔŋgɔb, tɨ̀ kə̀b ni mbə̀ kyerɨ rəsìʼ ɨmbə̀ʼ bə̂d mbe nɨ fə kwɨ, ɨmbə̀ʼ tɨ mbə kən ə ɨghabɨ ə bə̂d nɨ chəi mbɨ nuŋ ɨkɔndɨ ni mbə bɨrɨ chubɨ mbɨ ə Ŋwiə̀.