Ɨ̀fàʼì 13:23 - Meta’

²³ Tɨ əbɔʼ ə bɔn tɨ ənɨ əghaŋ ə Dèvîd, Ŋwìə̀ fə chɔʼ ə Yeso ənɨ wə̀d nɨ bɨrɨ chɨ mɨ̀Izre rəŋgəʼ, ɨchî nɨ wɨ̀ nyaʼa fə kaʼi.

Ikan feg

²³ Abɔ̀ʼ bɔn ane aghaŋ inəbi Dèvid gho̰, Ŋwiye fə chɔʼ Yeso ane Wə̀d ne pùmnə mə̀Izre, icheg ne wì ya fə kàʼi.

Ɨ̀fàʼì 13:23 교차 참조

Matìyò 1:1

Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Matìyò 21:9

Mɨnɔ̂n bə̂d mbe nɨ nyaʼə wò ɨmbì mbɨ mbe nɨ nyaʼə beenɨ rɨ ənjìm, nyaʼə yènə̀ kyeŋə ghàə̀ ni, “Tɨ̀ yiirɨ ə Wan Dèvîd! Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum Ə̀nùŋɨ̀sɨg. Tɨ̀ yiirɨ ə Ŋwìə̀ we nɨ yeʼ ɨkaŋ!”

Matìyò 22:42

“Mbə̀ kɔn əzən ni ye ɨmbə̀ʼ Wə̀d we nɨ Ŋwiə̀ zɔʼ ə? À kɨə wan tɨ ənɨ əghaŋ ə we ə?” Mbɨ nyaʼa wììrɨ̀ ni, “À yɨə wan tɨ ənɨ əghaŋ ə Dèvîd.”

Lk 1:69

Wɨ̀ fə nàʼ wə̀d ɨka nɨ bɨrɨ chɨ əwa rəŋgəʼ. Məd yɨ rɨ ənɨ əghaŋ ə Dèvîd nɨ nyaʼə wə̀d ə̀fàʼì məd.

Jn 4:42

Mbɨ nyaʼa ghà əmbɨ əyi we ni, “Tɨ̀ fə benɨ tɨ̀nîn, kaʼi ɨmbə̀ʼ ənû ze nɨ à kəʼ gha ɨ na. Tɨ̀ fə ben ɨmbə̀ʼ ɨghəm nɨ tɨ̀ fə zu ənû ze nɨ məd ghǎ, əne tɨ̀ kyerɨ ni məd yɨə kaŋə Wə̀d we nɨ bɨrɨ chɨ ɨsɨg jìm rəŋgəʼ.”

Jn 7:42

Ɨmbə̀ʼ ə zɨ ɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwìə̀ zɔʼɔ yɨə wan tɨ ənɨ əghaŋ ə Ɨfɔ̀n Dèvîd, fɔrɨ ni məd yɨ rɨ ə Betlehem, nɨ yeʼ əsɨ ze nɨ ɨfɔ̂n Dèvîd nyaʼa chub əŋgu ə?”

Ɨ̀fàʼì 13:32

Əne tɨ̀ fə yeʼe mbɨ ɨkə̂n chɔ̀m ɨ nən ni ənû ze nɨ Ŋwìə̀ nyaʼa kaʼ əmbɨ mba mɨ̀mbǎʼ rəŋwe,

Ɨ̀fàʼì 2:30

Ɨchî nɨ Dèvîd yɨə nyaʼə wə̀d ɨ̀kə̀n Ŋwìə̀, wɨ̀ nyaʼa kyerɨ ni Ŋwìə̀ nyaʼa fə kàʼ bə̀ kàn ni tə bɨrɨ nuŋ wan tɨ ənɨ əghaŋ əməd ni wɨ̀ jɨg ətən ɨfɔ̀n əməd.

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 4:12

Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”

Rm 1:3

Ɨkə̂n chɔ̀m wɔ̂ yɨ ɨmbə̀ʼ Wan məd, nɨ nyaʼə tɨ ənɨ əghaŋ ə Dèvîd ənɨ ɨgywɨ.

Rm 11:26

Nyùmə̀ we mɨ kùʼ, mɨ̀Izre mɨ̀jìm bɨrɨ jwɨ rəŋgəʼ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ bɨrɨ chɨ bə̂d rəŋgəʼ bɨrɨ yeʼe rɨ ə Zayɔ̀n. Wɨ̀ bɨrɨ nimnɨ ənû ze nɨ chəi bə̂d ə wumnɨ ə Ŋwiə̀ tɨ ənɨ ə bɔn Jakɔ̂b.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.

2 Pità 2:20

Bə̂d mɨ fə kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ, əne nòrɨ̀ tɨ ənɨ ɨnû rɨbɔ̀ŋ mbe nɨ yeʼ ɨŋga ɨsɨg, àyɨə ɨnû rɨbɔ̀ŋ mbe wɨrɨ gywɨ̀ mɨ̀mə̌d baŋə, njɨ ŋgəʼ ze nɨ bɨrɨ nyɨ ɨgwɨ mɨ̀mə̌d bɨrɨ bə chè ze nɨ mbɨ nyaʼə be ɨŋga.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.

2 Pità 3:2

Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”