Ɨ̀fàʼì 13:16 - Meta’

¹⁶ Pɔ̂l nyaʼa zu əne nɔ̀ʼ təm, mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà ni: “Mbɨ bɔŋgɔb, mɨ̀Izre fɔrɨ mbə̀n mbe nɨə wumnɨ ə Ŋwiə̀, mbə̀ zu.

Ikan feg

¹⁶ Pɔl ya zug ane, nɔ̀ʼ təm titighe, mə̀ʼ ane abo gha bəd chim tizi. Anyumə̀ ne bəd ya chimi tizi, wì ya ghà gha: “Ìmba məfi mə̀Izre fɔrɔ mbə̰ mbe ne kayi mə̀Ju ne ghùmnə Ŋwiye, mbə̀ zug.

Ɨ̀fàʼì 13:16 교차 참조

Matìyò 11:15

Wə̀d we nɨ tɨ̀ wɨ̀ zu ənû, wɨ̀ zu!

Lk 1:22

Ənɨ wɨ̀ nyaʼa jwɨ ɨsɨg, chəi ənɨ tɨ̀ wɨ̀ nyaʼa ghàm əmbɨ mɨ̀mə̌d. Əne mbɨ nyaʼa kyerɨ ni wɨ̀ fə zə tɨ̀taanɨ njə̀m ɨŋga mbàn Ŋwìə̀. Mbɨ nyaʼa kyerɨ tɨ̀ ənɨ ɨchî nɨ wɨ̀ nyaʼə chwi ɨnweenɨ əmbɨ mɨ̀mə̌d ənɨ mbi ɨbɔ. Ɨ wɨə nyaʼə chwi əne ɨmbə̀ʼ ɨghəm nɨ chəi ənɨ tɨ̀ wɨ̀ nyaʼa ghàm.

Lk 1:50

Məd wɨə dììrɨ̀ ə bə̂d mbe nɨə wumnɨ əməd, kɔ rɨ ənɨ ɨghəm bə̂d fibɨ̀ wò pè ənɨ wɨ cherə.

Lk 23:40

Àyɨə awɨ̂n nyaʼa ghàm əbɔʼ məd ghà ni, “Ɨmbə̀ʼ à wɨə bɔ ə Ŋwiə̀ ə? À kɨə ghàə̀ əne ɨmbə̀ʼ ɨghəm nɨ mbɨ sob ɨsaʼi ɨgwɨ məd əndəŋ əndəŋ mbɨ na ə?

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Ɨ̀fàʼì 10:35

Məd wɨə nɨŋə bə̂d rɨŋga ɨbeŋ jìm, əne yɨ mbe nɨə wumnɨ əməd bə̀ ghɨ̀ ɨnû nɨ kùʼnɨ̀.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 19:33

Mɨ̀Jû nyaʼa tin mbaŋə̀ mɔʼɔ nɨ ɨkum məd nyaʼə Àlèzandà chà ɨfě ni wɨ̀ toʼrɨ əton nɨ bə̂d nyaʼa wo fetɨ. Wɨ̀ nyaʼa ghɨ̀ ənweenɨ ənɨ əbɔ ni mbɨ kəm rəziə tə toʼrɨ ənû ze əmbɨ mɨ̀mə̌d.

Ɨ̀fàʼì 2:14

Pità nyaʼa nɔ̀ʼ təm rətiə mbɨ ə bə̂d tom mbe wum chɔ̀b mɔʼ, əne ghà əmbɨ ə bə̂d mbe ənɨ ə gɨ̂ kǎ kǎ ni, “Bə̂d rɨ ə Jùdeyà mbɨ ə bə̂d mɨ̀jìm mbe nɨə chub ə Jèrusalèm, mbə̀ zu mə̀ toʼrɨ əton ənɨ ənû zɔ̂ ɨ nən.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 21:40

Ənɨ ətu ɨgwɨ mɨ̀sɔgyɨ̀ nyaʼa saŋ əməd ni wɨ̀ ghàmə̀, Pɔ̂l nyaʼa təm ɨgun mɨ̀step, ghɨ̀ ənweenɨ ənɨ mbi ɨbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà əmbɨ mɨ̀mə̌d ənɨ ɨŋgam Hibrù ni,

Ɨ̀fàʼì 22:22

Bə̂d mbe mbɨə nyaʼə zwetɨ ɨŋgam Pɔ̂l yeʼe pè ənɨ wɨ̀ nyaʼa gha ɨŋgam wɔ̂. Əne mbɨ nyaʼa kɔ kyeŋ rɨ̀kǎ ghà ni, “Mbə̀ nimnɨ mbaŋə̀ zɔ̂ rɨŋga ɨsɨg! Wɨ̀ rɨka kuʼi nɨ wɨrɨ chub ɨkǎ!”

Ɨ̀fàʼì 3:12

Ənɨ Pità nyaʼa zə əne, wɨ̀ nyaʼa ghà əmbɨ ə bə̂d mbe ni, “Mɨ̀Izre, mbə̀ kɨə yiirɨ ənû zɔ̂ ɨmbə̀ʼ ə ye ə? Mbə̀ kɨə toŋ ɨghə ɨgwɨ na ɨghabɨ ni à yɨ ənɨ a ɨka kɨ̀ ənɨ ɨchî nɨ tɨə wumnɨ ə Ŋwiə̀ ə ghɨ ni mbaŋə̀ zɔ̂ yen ə?

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 2:29

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”