Ɨ̀fàʼì 13:1 - Meta’

¹ Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ikan feg

¹ Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 13:1 교차 참조

Matìyò 27:32

Ənɨ Yeso mbɨ mɨ̀sɔgyɨ̀ mbe nyaʼə jwɨ̀ rɨŋga Jèrusalèm yènə̀ wòə̀, mbɨ nyaʼa pè ɨnə̂njɨ̀ bòmnɨ̀ mbaŋə̀ mɔʼɔ nɨ nyaʼa rɨ ə Sìrin nɨ ɨkum məd nyaʼə Saimòn. Mɨ̀sɔgyɨ̀ mbe nyaʼa nyèŋ əməd ni wɨ̀ nɨŋ əzed ə baʼnɨ ze rɨ əmbɨ Yeso bèʼ.

Lk 3:1

À nyaʼa ɨŋga ɨghəm ɨwu wum chɔ̀b rɨtân nɨ Tiberiùs nyaʼə Kaisà, Pontiùs Pailèt yɨə nyaʼə gɔmnà ə Jùdeyà, Herɔ̀d wɨə nyaʼə tùmbɨ̀ ə Galiliî, aŋgɔb məd Filip wɨə nyaʼə tùmbɨ̀ ɨba ɨbeŋ mbe rɨ ə Ɨturià fɔrɨ ə Trakonotìs, Lisaniàs wɨə nyaʼə tùmbɨ̀ ə Àbìlenè.

Ɨ̀fàʼì 11:30

Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.

Ɨ̀fàʼì 12:25

Ənɨ Banabàs mbɨ Sɔ̂l nyaʼa maanɨ ə̀fàʼì ze nɨ mbɨ nyaʼa wo faʼ ə Jèrusalèm, mbɨ nyaʼa bə̀ndɨ̀ wò ə Antiɔ̀k. Ənɨ mbɨ nyaʼə bə̀ndɨ̀ə̀, mbɨ nyaʼa nɨŋ ə Jɔ̌n we nɨ ɨkum məd cherə nyaʼə Mak wò mbɨ məd.

Ɨ̀fàʼì 13:9

Əzwî ə Zeŋɨ ə nyaʼa swi ɨŋga Sɔ̂l we nɨ mbɨ nyaʼə bə̀ tɔŋ ənɨ Pɔ̂l. Əne wɨ̀ nyaʼa toŋ əghə ɨgwɨ Elimàs ghà ni,

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 15:35

Pɔ̂l mbɨ Banabàs nyaʼa tèn ə Antiɔ̀k. Mɨ̀mə̌d mbɨ ə bə̂d mɨ̀nɔnɔʼ cherə nyaʼə chwi ɨnû bə̀ ghà ɨŋgam ɨmbə̀ʼ Ə̀nùŋɨ̀sɨg.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 21:9

Wɨ̀ nyaʼa berɨ bɔn məyi mɨkwè nɨ chəi mbɨ nyaʼa kɨrɨ nam. Bɔn məyi mbe mbɨə nyaʼə ghà ɨkə̂n Ŋwiə̀.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 9:1

À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀,

Rm 16:21

Timotì nɨə fàʼə̀ mbɨ num wɨə bə̀ chàʼrɨ̀ əwən. Lusiùs mbɨ Jasɨ̀n fɔrɨ ə Sosipatà, nɨ yeʼ mbɨ ɨfurɨ, mbɨə bə̀ chàʼrɨ̀ əwən.

1 Kɔrèn 11:4

Mbaŋə̀ jìm ze nɨ zɨ əghɨ ə mɔʼɔ kubrɨ e ətu ənɨ wɨə kɔ̀ŋgɨ̀ ə Ŋwiə̀ kɨ̀ ənɨ wɨə ghà ɨkə̂n Ŋwiə̀ wɨə tìbrɨ̀ ə Kristo nɨ yeʼ ətu ɨgwɨ məd.

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

1 Kɔrèn 14:29

Bə̂d ɨkə̂n mɨbe kɨ̀ mɨtad ghamə. Ə̀bùʼ ə bə̂d ə jeŋgɨ kɔndɨ mbə ɨtu ɨmbə̀ʼ ɨnû mbe nɨ mbɨə ghàə̀.

1 Kɔrèn 14:32

Bə̂d mbe nɨə ghà ɨkə̂n Ŋwiə̀ mbe tɨ̀ mbɨ ghɨ ni mbə ɨzwî zuunɨ əwən,

1 Kɔrèn 9:6

Kɨ̀ à wa kɨ àmei mɔ̌ mbɨ Banabàs nɨ berɨ fàʼ ənɨ mba ɨbɔ bɔŋ jɨg ə?

Gàlesìyà 2:13

Ənɨ wɨ̀ nyaʼə ghɨ̀ ə̀bèkɨ̀ ənû zɔ̂, mɨ̀Jû cherə nyaʼa beenɨ əbɔʼ məd. Ka àbei ə Banabàs, wɨ̀ nyaʼa bə̀ fèbə̀ ɨchî nɨ wɨ̀ nyaʼa beenɨ əbɔʼ bə̂d mbe nɨ nyaʼə ghɨ̀ ə̀bèkɨ̀ ənû zɔ̂.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Fìlipì 4:22

Bə̂d Kristo mɨjìm chàʼrɨ̀ əwən, màànɨ̀ mbe nɨə fàʼ ɨŋga tɔʼ Kaisà.

1 Tèsàlonikà 5:20

Tɨ mbə̀ təənɨ ə mɨkə̂n mbe nɨ bə̂d ə ghàə̀,